Економија
Новото „пежо e-expert“ избрано за интернационално комерцијално возило за 2021 година
Новото „пежо e-expert“ беше избрано за интернационално комерцијално возило за 2021 година во четвртокот, 17 декември 2020 година. Оваа награда е доказ за посветеноста на тимовите на „Пежо“ кон остварување на стратегијата за електрификација на брендот.
Новото „пежо e-expert“ е шестото возило на „Пежо“ кое ја добива престижната награда „Интернационално комерцијално возилo за 2021“ од самиот почеток на наградите во 1992 година.
Новиот „пежо e-expert“ е удобен и прилагодлив за да одговара на сите ваши потреби, со широк работен простор што го олеснува секојдневниот живот, технологи од најновата генерација и препознатлив стил.
Овозможувајќи неограничен пристап до централните градски подрачја, новото „пежо e-expert“ овозможува нова понуда во сегментот на компактни комерцијални возила сo 100% електричен мотор.
Совршен пример за моќта на изборот, новото „пежо e-expert“ доаѓа со:
– 2 нивоа на автономија кои обезбедуваат до 330 km (WLTP),
– 3 должини (Compact, Standard и Long),
– капацитет за влечење од 1000 kg и носивост од 1275 kg,
– истиот волумен за товарање како и верзијата со внатрешно согорување, до 6,6 m³.
Задржани се сите оригинални квалитети на „пежо e-expert“ без компромиси и сега со нула емисии.
IVOTY: Под оваа кратенка лежи наградата „Интернационално комерцијално возило на годината“, најпрестижна награда за едно комерцијално возило. Победникот се избира секоја година од гласовите од жирито составено од 25 меѓународни новинари (Европа, Русија и Турција), кои претставуваат 25 медиуми специјализирани во овој сегмент.
Победничкото возило во својата каросерија ќе може со гордост да го носи логото „Меѓународно комерцијално возило на годината“ една година. Оваа награда ја одразува посветеноста на сите тимови кои учествуваа во проектот „пежо e-expert“
Брендот „Пежо“ ја добива оваа награда шести пат од првото нејзино доделување во 1992 година:
– 1994 : PEUGEOT BOXER
– 1997 : PEUGEOT PARTNER
– 2008 : PEUGEOT EXPERT
– 2009 : PEUGEOT BIPPER
– 2019 : PEUGEOT PARTNER
– 2020 : PEUGEOT e-EXPERT
Моќен и впечатлив дизајн, следна генерација на електрични комерцијални возила од „Пежо“
Верен на концептот на брендот за моќта на изборот, новото „пежо e-expert“ го задржува атлетскиот, робустен и нагласен стил од верзиите со внатрешно согорување, надополнет со неколку уникатни карактеристики.
Од надвор:
– Дихроични лавови (метод кој ја менува бојата во зависност од аголот на гледање), напред и назад, кои доаѓаат со опцијата „Pack Look“,
– отвор за полнење на левото предно крило
– специфична средна решетка,
– монограм “e-Expert” на задниот дел
Во внатрешноста:
– аналогна контролна табла со матрица во боја прилагодена на електричниот систем,
– специфична графика за централниот екран на допир со TomTom Traffic 3D поврзана навигација, која сега ги вклучува достапните точки за полнење и опсегот според преостанатата автономија,
– нова автоматска контрола на автоматскиот менувач „e-Toggle“,
– прекинувач за избор на режим на возење за да може да изберете режим на возење:
– Eco (60 kW, 190 Nm): промовира автономија,
– Normal (80 kW, 210 Nm): оптимално за секојдневна употреба,
– Power (100 kW, 260 Nm): ги оптимизира перформансите при транспорт на големи товари
– електрична паркирна сопирачка.
Задоволство при возење и практичност во секојдневниот живот: вештини на следната генерација на електрични комерцијални возила
Новото „пежо e-expert“ комбинира компактни надворешни димензии со максималнa носивост. Батериите се наоѓаат под подот, без никакво влијание врз волуменот на оптоварување. Ова позиционирање, исто така, промовира цврстина, обезбедувајќи задоволство и уживање при возењето, исто како кај верзиите со внатрешно согорување, благодарение на оптималната дистрибуција на тежината.
Возачот на новото „пежо e-expert“ има поголема удобност во сите ситуации, преку специјално прилагодливиот систем за серво управување што го олеснува возењето и со дијаметар на вртежниот круг од 11,3 m (компактна верзија помеѓу крајните точки) и висина на возилото ограничена на 1,90 m (во зависност од верзијата) што гарантира пристап до повеќето паркинзи.
Новото „пежо e-expert“ е достапно во истите верзии како и во врзиите со мотори со внатрешно согорување со цел да ги исполни сите потреби:
– Комерцијални возила (3 должини: компактна 4,6 m, стандардна 4,95 m и долга 5,30 m),
– Длабоки кабини (5 или 6 места, фиксни или преклопни, во стандардна и долга должина),
– Под на кабината (за конверзии на каросеријата, во стандардна должина).
Модуларноста продолжува да ги поставува нови стандардите во сегментот со модуларната клупата со 3 седишта со можност за нивно поклопување.
Капацитетот на влечење останува ист со можност за влечење товар до 1000 kg.
Волуменот на носивост до 6,6 m³ е точно ист како кај моторите со внатрешно согорување, а носивоста до 1275 kg е специфична за електричниот погон.
100% електрична технологија, следна генерација на ефикасни електрични комерцијални возила
Се базира на мулти-енергетската модуларна платформа EMP2 (Ефикасна модуларна платформа), новото „пежо e-expert“ нуди 100% електричен погон со максимална моќност од 100 KW и максимален вртежен момент од 260 Nm достапен од самото стартување за непосредна реакција, без вибрации, бучава, менување брзини, мирис и, се разбира, емисија на СО2.
Новото „пежо e-expert“ е првото електрично возило на „Пежо“ што нуди двоен опсег на автономија. Во зависност од барањата, достапните капацитети на литиум-јонските батерии се од 50 kWh и 75 kWh.
Верзиите (Compact, Standard и Long) достапни со батерија со капацитет од 50 kWh може да достигнат опсег до 230 km според протоколот за одобрување на WLTP (Светски усогласени процедури за тестирање на лесни возила).
Стандардната и долгата верзија исто така можат да бидат опремени со батерија со капацитет од 75 kWh со автономија до 330 km, според истиот протокол за одобрување.
Достапни се два типа полначи за да ги задоволат сите потреби на клиентите и решенијата за полнење, од еднофазен полнач од 7,4 kW како стандард и трифазен полнач од 11 kW како опција.
– од стандарден штекер (8А): за целосно полнење за 31 час (батерија од 50 kWh) или 47 часа (батерија од 75 kWh),
– од засилен приклучок (16A): за целосно полнење на батерија за 15 часа (50 kWh батерија) или 23 часа (75 kWh батерија),
– од кутија за полнење од 7,4 kW: целосно полнење за 7 часа и 30 минути (батерија од 50kWh) или 11 часа и 20 минути (батерија од 75kWh) со еднофазен полнач (7,4 kW),
– од кутија за полнење од 11 kW: целосно полнење за 5 часа (батерија од 50kWh) или 7 часа и 30 минути (батерија од 75kWh) со трифазен полнач (11 kW),
– од јавна станица за полнење: термичката регулација на батеријата овозможува користење полначи од 100 kW и достигнување на 80% наполнетост за 30 минути (батерија од 50 kWh) или 45 минути (батерија од 75 kWh).
Новото „пежо e-expert“ нуди прилагоден одговор за да се задоволат растечките потреби на клиентите.
Возилото ќе биде достапно во PRO и PREMIUM нивоа на опременост, како и ASPHALT (за возачи) и URBAN (за урбана употреба). Секоја верзија може да биде опремена со најнова технологија и помош при возење.
Новото „пежо e-expert“ е веќе достапно во Европа од средината на ноември.
Фабриката за производство, лоцирана во Франција, е целосно оперативна и подготвена да одговори на растечкиот број на нарачки во најбрз можен рок.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски од Прилеп: Заложбата е на нашите полици да се продаваат македонски преработки од земјоделски производи
Денеска министерот за земјоделство, шумарство и водостопанство, Цветан Трипуновски, присуствуваше на манифестацијата организирана од Slow Food – Прилеп, која се реализираше со поддршка на Министерството.
„Интенцијата и заложбата на Министерството е преку финансирање на ваков вид настани да се промовираат домашните преработки на земјоделски производи, да се развие локалниот туризам и да се поддржат здруженијата кои постојат на ниво на државата”, истакна министерот Трипуновски.
Министерот објави дека финансиската поддршка кон сите здруженија е зголемена на 200.000 денари по корисник.
„Сточарите на овој настан можат да ги промовираат своите преработки. Кога зборуваме за сточарството, изминативе 15 месеци покажавме дека земјоделството е во фокусот на приоритетите и работењето на Владата”, додаде тој.
Министерот Трипуновски истакна дека оваа година поддршката за македонските сточари од Програмата за финансиска поддршка е зголемена за околу 50%.
„Сакаме на нашите полици да се продава македонско млеко и македонски преработки од земјоделски производи”, појасни министерот.
Економија
„Еуроимпекс“ прослави јубилеј од 35 години
Во средата на 10.9.2025 година, првата приватна македонска компанија со дејност од автомобилската индустрија „Еуроимпекс“, прослави јубилеј од 35 години успешно стопанисување. Свеченоста беше посветена на тимот вработени на компанијата, а забавата ќе остане долго да се зборува и да се памти…
„Еуроимпекс“ започнува со работа во 1990 година, кога во Македонија немаше ниту една приватна компанија за продажба на автомобили. Тие беа први. Семејството Воиновски. Започнуваат скромно со само тројца вработени, а денес се гордеат со компактен тим од 150 вработени во Скопје и Белград и застапуваат два сериозни автомобилски бренда на територија од 5 држави во регионот.
“Бележиме автомобилска традиција од 3 поколенија…. почнувајки од нашиот дедо, потоа нашиот татко, сега јас и брат ми, а веќе и следната, четврта генерација Воиновски е тука, подготвена да продолжи по истиот пат. Од тука потекнуваат и оние вистински семејни вредности кои се рефлектираат во целокупното работење, како кон клиентите така и кон нашиот тим.
Нашиот тим е компактен, постојан, кој секогаш се грижи за своите клиенти. Со таков пристап се градат нераскинливи врски помеѓу компанијата, клиентите и соработниците. Hие сите заедно – преку доверба, создаваме иднина. “ – изјави Кирил Воиновски, Генерален директор на „Еуроимпекс“.
„Еуроимпекс“ е првично позната по своето застапништво на еден од најпознатите автомобилски брендови – Peugeot во Македонија и регионот, но истовремено е и генерален увозник на брендовите: TotalEnergies, Milwaukee, Bahco, Irimo, се грижи за развојот на ловиштето Ниџе, а од 2020 година е генерален застапник и за германскиот блиц – Opel во Македонија, Србија, Косово, Албанија и Црна Гора.
„Горди сме на нашата 35 годишна традиција на раст и развој. Но, тука не застануваме. Чест ми е да најавам дека заедно со тимот на Еуроимпекс, работиме во насока на изградба на два нови репрезентативни деловни центари. Едниот во Скопје, другиот во Белград. Заедно целиме кон уште подобри 35 години!“ – – изјави Даниел Воиновски, Генерален директор на „Еуроимпекс“.
Ова беше еден од ретките настани обоени во кирилица. Гостите беа пречекани со лица во традиционални носии кои послужуваа македонски локум. Постоеше линк помеѓу минатото и иднината… Историски Peugeot возила блескаа крај црвениот килим, кои беа осветлени од најновите Peugeot и Opel модели, а по влезот во ресторанот беше искажано добредојде со шампањ и малини како симбол кој ги поведе гостите во иднината…
Гостите уживаа во македонска музика. Македонски шлагери ја преполнија просторијата со емоции. „За нас почнува живот“ и многу други, во изведба на Дина и The Ringtones. Нашата дива Калиопи, која воедно е и амбасадор на Peugeot брендот во Македонија, приреди маестрален настап, за време на кој гостите не стивнуваа од силни аплаузи и овации… Забавата продолжи на кирилица со Дина и The Ringtones, а гостите беа испратени со ракија и македонски домашен мед.
Ова не беше обична свеченост. Ова беше настан преполн со емоции, посветен на вредните колеги, соработниците и клиентите. Ова беше свеченост на која сопствениците и тимот на „Еуроимпекс“ покажаа како заеднички и тимски се гради и сака една компанија.
ПР
Економија
Божиновска: Стабилната грејна сезона е приоритет, институциите во редовна координација
На координациски состанок со претставници на сите надлежни институции од енергетскиот сектор беа разгледани тековните активности и подготвителните мерки за непречено снабдување со топлинска и електрична енергија во претстојната грејна сезона, информираат од Министерството за енергетика, рударство и минерални суровини.
Редовниот ресорски состанок се одржа во Министерството за енергетика, рударство и минерални суровини, каде покрај претставниците на Министерството од соодветните сектори, присуствуваа и претставници на компании и институции од енергетскиот сектор.
Во дискусијата активно учествуваа раководствата на ЕСМ, МЕПСО, НОМАГАС, како и претставници на НЕМО, кои ги изнесоа своите ставови, предизвици и предлози за натамошно унапредување на енергетскиот систем и зголемување на координацијата помеѓу институциите.
Разгледани беа: напредокот на проектите за енергетска инфраструктура; состојбата со обезбедувањето на потребните енергенси; плановите за работењето на берзата за електрична енергија и day-ahead пазарот; координацијата помеѓу институциите за одржување на стабилноста на системот.
Министерката Сања Божиновска беше информирана за досегашните подготовки и нагласи дека клучен приоритет останува сигурното и стабилно снабдување на граѓаните и индустријата во текот на целата грејна сезона.
За првпат по формирањето на Министерството за енергетика, рударство и минерални суровини, Божиновска воведе пракса на редовни координациски состаноци со сите надлежни институции од секторот. Целта е навремено информирање и координирање на активностите – практика што досега не постоела, посочуваат од министерството.
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
Тошковски: Жителите во непосредна близина на пожарот да ги напуштат живеалиштата поради штетните супстанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Движењето „Стоп за Вардариште“ во понеделник наутро ќе го блокира мостот „Близнаци“
Движењето „Стоп за Вардариште“ ја информира јавноста дека на ден 15.09.2025, понеделник, покрај протестот во 18:00 часот, ќе се одржи...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
