Економија
Нови акции на „SPORT LIFE“: „Втора шанса за подарок“ и „Лајв експерт“!
Започнаа две нови акции на Sport Life кои ќе го зачинат и загреат наредниот период со подароци и добивки, екслузивно за членовите на СЛ клубот.
„ВТОРА ШАНСА ЗА ПОДАРОК“ е за недобитните тикети со еден промашен натпревар. Тие ќе се рангираат според висината на погодениот коефициент. За најдобрите тикети се обезбедени – мобилен телефон „Apple Iphone 14“, телевизор „Samsung“, електричен тротинет, велосипеди, паметни часовници, фудбалски топки Adidas и СЛ вредносен ваучер од 2000 денари. Во игра влегуваат тикетите со една комбинација, како и микс тикетите и тикетите уплатени од понудата за обложување во живо, секако со регистрирање на тикетот на СЛ Клуб картичката. Конечната ранг листа и дневните промени на табелата со пласираните играчи ќе бидат ажурирани и прикажани на вебсајтот и социјалните мрежи на Sport Life. „Втора шанса за подарок“ ќе трае до 18 декември 2022 год.
Со LIVE ЕКСПЕРТ, секоја недела, играчот со најголем број погодени тикети од понудата за обложување во живо, ќе освои 25.000 денари. Акцијата ќе се одвива во 4 неделни етапи, од 18 ноември до 18 декември, така што секоја недела ќе имаме нов „Лајв експерт“ во Sport Life.
Во текот на еден ден корисникот може да има повеќе добитни тикети коишто го исполнуваат условот, со минимум 5 минути разлика помеѓу уплатените тикети. Повеќе за правилата и условите прочитајте ТУКА.
Sport Life постојано нуди нови можности за вредни подароци и бонуси. За членовите на СЛ клубот, покрај овие две нови акции, во тек се и „Типстер на месецот“, „Спорт Лајф Мени“ и големата акција „Играј за стан во Скопје“.
ПР-текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Анакиев: Државниот инспекторат за земјоделство на „Денови на кочанскиот ориз“
Денеска директорот на Државниот инспекторат за земјоделство Васе Анакиев, присуствуваше на манифестацијата „Денови на кочанскиот ориз“ во с. Оризари, кочанско, каде што со симболично зажнејување на оваа житна култура официјално се означи почетокот на годинешната жетва на ориз.
Манифестацијата е поддржана од Министерството за земјоделство, шумарство и водостопанство, а е во организација на Општина Кочани.
Од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар. Инспекторите од ДИЗ ќе бидат постојано на терен и ќе го следат претстојниот откуп, со што се гарантира заштита на производителите.
Во однос на загриженоста на производителите во однос на државните резерви на увозен ориз, според информации на инспекторатот, министерот за земјоделство Трипуновски информираше дека нема простор за загриженост бидејќи во Република Македонија сериозна количина на увозен ориз нема, и онаа количина што е во минимални рамки, се контролира во однос на квалитетот и безбедноста.
Во својата изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Економија
Трипуновски од Кочани: Оваа година ќе имаме богата жетва и зголемен принос на ориз
Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина Кочани.
„Денес се наоѓаме во Оризари, општина Кочани на манифестацијата „Денови на кочанскиот ориз“, со што започнува и жетвата на оваа култура. Ние како Министерство ја поддржуваме оваа манифестација се со цел да ја продолжиме традицијата и да го афирмираме постоењето на оваа битна житна култура за нас како држава“, истакна министерот Трипуновски.
„Се надевам дека ќе имаме успешна жетва и дека ќе имаме богат род и квалитетен ориз од реколта 2024 година“, посочи Трипуновски.
Во својата се изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Тој додаде дека од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар.
„Првичните информации говорат дека и рандманот ќе е исто така висок, што значи дека ќе имаме богата жетва и ќе имаме зголемен принос на ориз. И квалитетот ќе биде многу подобар од претходните години“, истакна министерот Трипуновски.
„Согласно информациите кои што ги добив од Државниот земјоделски инспекторат во Република Македонија сериозна количина на увозен ориз нема, и онаа количина што е во минимални рамки, морам да кажам дека ја контролираме согласно квалитетот и безбедноста да биде запазена. Меѓутоа она што е наш приоритет како Влада е да работиме и работиме во интерес на земјоделците се со цел да го заштитиме домашното производство“, посочи тој.
Министерот укажа дека останатата количина на ориз од минатата реколта е во многу помала количина. И во разговор со компаниите веќе започнаа да го откупуваат и ланскиот ориз.
„Работиме земјоделците да имаат откупена количина на ориз по рентабилна цена која што ќе значи стимул за наредниот период да се произведува. Ние како Министерство и како Влада ќе го следиме процесот. Нормално ќе го следиме и во делот на откупот од страна на компаниите дали се почитуваат сите законски норми се со цел да нема злоупотреба и манипулација на трудот на земјоделците од овој регион“, нагласи Трипуновски.
Економија
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската делница Скопје-Тетово.
Тој на својот профил објави:
„Продолжуваме со засилено темпо на работа. Видео од реконструкцијата на автопатот Тетово – Скопје на делот пред Скопје, проект на Јавното претпријатие за државни патишта. Ќе ја направиме Македонија поубаво место за живеење.”- објави министерот Николоски.
Инвестицијата е вредна 9,1 милиони евра.