Економија
Обликуван според перформансите – новиот спортски херој од Porsche: Cayenne Turbo GT
Во салонот на Porsche во Скопје пристигна последниот додаток во понудата на модели на Ca-yenne. Спортски херој, создаден за максимални перформанси и управување, новиот Cayenne Turbo GT комбинира извонредна динамика на возење со висок степен на секојдневна употребливост. Неговиот четирилитарски битурбо V8 од 471 kW (640 КС) обезбедува основа за извонредни возни карактеристики. Со 67 kW (90 КС) повеќе од Cayenne Turbo Coupé и максимален вртежен момент од 850 Nm (повеќе за 80 Nm), забрзувањето од 0-100 km/h е намалено на 3,3 секунди (0,6 секунди помалку), а максималната брзина е сега 300 km/h (зголемување од 14 km/h). Со уште поспортски линии и достапен исклучиво како купе со четири седишта, Cayenne Turbo GT доаѓа со сите достапни системи за контрола на шасија вградени како стандардни и гуми со високи перформанси развиени специјално за овој модел. Погонската единица и шасијата исто така имаат уникатна поставеност специјално подесена за Cayenne Turbo GT. Резултатот е хармоничен целосен концепт со извонредна способност за тркачките патеки. Ова го докажа тест-возачот на Porsche, Ларс Керн, кој извозе 20,832 километри Нирбургринг Нордшлајфе со Cayenne Turbo GT за време од 7:38,9 минути, поставувајќи нов официјален SUV рекорд.
Во споредба со Cayenne Turbo Coupé, Turbo GT е до 17 милиметри понизок. Врз основа на ова, и пасивните компоненти на шасијата и системите за активна контрола на аеродинамиката се реконструирани и оптимизирани за врвни перформанси. Тие исто така имаат специфична калибрација за да гарантираат совршена интеракција меѓу нив. Како на пример, цврстината на трикоморната воздушна суспензија е зголемена до 15 проценти, а карактеристиките на амортизерите на Porsche Active Suspension Management (PASM), примената на Power Steering Plus и управувањето на задната оска, исто така е прилагодено. Системот за активна стабилизација Porsche Dynamic Chassis Control (PDCC) сега работи со контролен софтвер ориентиран кон перформансите. Резултатот е уште подобра стабилност на патот, како и попрецизно однесување при повисоки брзини во свиоци. Во согласност со ова, системот Por-sche Torque Vectoring овозможува повисоки стапки на пристрасност на вртежниот момент. Сеопфатно оптимизираната предна оска исто така го подобрува управувањето. Во споредба со Turbo Coupé, неговите предни тркала се за инч пошироки, а негативниот наклон е зголемен за 0,45 степени за да им се даде на новите 22-инчни гуми со високи перформанси Pirelli P Zero Corsa, специјално развиени за Turbo GT, поголема контактна површина. Сопирањето го извршува стандардниот систем на Porsche Ceramic Composite Brake (PCCB).
Брз пренос на брзини Tiptronic S и спортски издувен систем од титаниум
Битурбо моторот на Cayenne Turbo GT моментално е најмоќниот осумцилиндричен агрегат на Porsche. Најобемните надградби беа извршени во областите на погонот, турбополначот, директното вбризгување гориво, индукцискиот систем и интеркулерот. V8 моторот на Turbo GT се разликува од оној на Turbo Coupé по основните елементи како што се коленестото вратило, поврзувачките шипки, клиповите и амортизерите за торзионите вибрации. Со оглед на
зголемувањето на моќноста до 471 kW (640 КС), овие компоненти се дизајнирани за поголеми максимални оптоварувања и подобрена динамика на возење. Модифицирани се и осум-брзинскиот Tiptronic S со побрзо менување и системот за управување со тракцијата на Porsche (PTM). Има и дополнително водено ладење за преносната кутија на менувачот. Стандардниот спортски издувен систем, со неговите централни издувни цевки, е единствен за Cayenne Turbo GT. Од средината на возилото, издувниот систем, вклучувајќи го и задниот придушувач, е направен од лесен титаниум кој е особено отпорен на топлина. Дополнителна заштеда на тежина се постигнува со изоставување на централниот придушувач.
Спортска опрема: многу carbon на надворешноста, многу алкантара во внатрешноста
Достапен со новата Arctic сива боја, Cayenne Turbo GT го нагласува својот исклучителен атлетизам преку извонредните карактеристики на неговиот прогресивен дизајн. Тие вклучуваат предница специфична за GT со впечатлив спојлер и зголемени странични доводи за воздух за ладење, кои создаваат уникатен преден поглед. Контурен карбонски покрив и црни продолжетоци на лакот на тркалата, заедно со 22-инчните тркала GT Design во Neodyme, доминираат во неговиот страничен поглед. Карбонските странични плочи поставени по должина на спојлерот на покривот се специфични за GT, како и адаптивниот издолжен заден спојлер, кој е 25 mm поголем од оној што е поставен на Turbo. Ова ја зголемува надолната сила на воздухот (downforce) при максималната брзина на автомобилот до 40 килограми. Задниот поглед е заокружен со впечатлива дифузерска плоча направена од јаглерод.
Деби во Turbo GT: нов инфозабавен систем за Cayenne
Спортскиот карактер на Cayenne Turbo GT е нагласен со висококвалитетната стандардна опрема и мноштвото на детали во Alcantara во неговата внатрешност. Спортски прилагодливи седишта со 8 насоки во предниот дел и спортскиот систем на задните седишта се стандардни. Секој од нив доаѓа специфично за GT со перфорирани централни панели на седиштата во Alcantara, контрастни акценти во Neodyme или Arctic сиво и букви „turbo GT“ на потпирачите за глава. Како што се очекува кај спортските автомобили на Porsche, мултифункционалниот спортски волан има жолта централна ознака на 12 часот. Со Turbo GT, следната генерација на Porsche Communication Management (PCM) системот е лансиран на пазарот со подобрени перформанси, нов кориснички интерфејс и нова оперативна логика во Cayenne. Како и досега, PCM 6.0 е целосно компатибилен со Apple CarPlay, но сега овозможува и длабинска интеграција на Apple Music и Apple Podcasts. Покрај тоа, инфозабавниот систем сега вклучува и Android Auto, што значи дека сите популарни паметни телефони сега можат да се интегрираат.
Cayenne Turbo GT е достапен веднаш во салонот на Porsche во Скопје.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски од Прилеп: Заложбата е на нашите полици да се продаваат македонски преработки од земјоделски производи
Денеска министерот за земјоделство, шумарство и водостопанство, Цветан Трипуновски, присуствуваше на манифестацијата организирана од Slow Food – Прилеп, која се реализираше со поддршка на Министерството.
„Интенцијата и заложбата на Министерството е преку финансирање на ваков вид настани да се промовираат домашните преработки на земјоделски производи, да се развие локалниот туризам и да се поддржат здруженијата кои постојат на ниво на државата”, истакна министерот Трипуновски.
Министерот објави дека финансиската поддршка кон сите здруженија е зголемена на 200.000 денари по корисник.
„Сточарите на овој настан можат да ги промовираат своите преработки. Кога зборуваме за сточарството, изминативе 15 месеци покажавме дека земјоделството е во фокусот на приоритетите и работењето на Владата”, додаде тој.
Министерот Трипуновски истакна дека оваа година поддршката за македонските сточари од Програмата за финансиска поддршка е зголемена за околу 50%.
„Сакаме на нашите полици да се продава македонско млеко и македонски преработки од земјоделски производи”, појасни министерот.
Економија
„Еуроимпекс“ прослави јубилеј од 35 години
Во средата на 10.9.2025 година, првата приватна македонска компанија со дејност од автомобилската индустрија „Еуроимпекс“, прослави јубилеј од 35 години успешно стопанисување. Свеченоста беше посветена на тимот вработени на компанијата, а забавата ќе остане долго да се зборува и да се памти…
„Еуроимпекс“ започнува со работа во 1990 година, кога во Македонија немаше ниту една приватна компанија за продажба на автомобили. Тие беа први. Семејството Воиновски. Започнуваат скромно со само тројца вработени, а денес се гордеат со компактен тим од 150 вработени во Скопје и Белград и застапуваат два сериозни автомобилски бренда на територија од 5 држави во регионот.
“Бележиме автомобилска традиција од 3 поколенија…. почнувајки од нашиот дедо, потоа нашиот татко, сега јас и брат ми, а веќе и следната, четврта генерација Воиновски е тука, подготвена да продолжи по истиот пат. Од тука потекнуваат и оние вистински семејни вредности кои се рефлектираат во целокупното работење, како кон клиентите така и кон нашиот тим.
Нашиот тим е компактен, постојан, кој секогаш се грижи за своите клиенти. Со таков пристап се градат нераскинливи врски помеѓу компанијата, клиентите и соработниците. Hие сите заедно – преку доверба, создаваме иднина. “ – изјави Кирил Воиновски, Генерален директор на „Еуроимпекс“.
„Еуроимпекс“ е првично позната по своето застапништво на еден од најпознатите автомобилски брендови – Peugeot во Македонија и регионот, но истовремено е и генерален увозник на брендовите: TotalEnergies, Milwaukee, Bahco, Irimo, се грижи за развојот на ловиштето Ниџе, а од 2020 година е генерален застапник и за германскиот блиц – Opel во Македонија, Србија, Косово, Албанија и Црна Гора.
„Горди сме на нашата 35 годишна традиција на раст и развој. Но, тука не застануваме. Чест ми е да најавам дека заедно со тимот на Еуроимпекс, работиме во насока на изградба на два нови репрезентативни деловни центари. Едниот во Скопје, другиот во Белград. Заедно целиме кон уште подобри 35 години!“ – – изјави Даниел Воиновски, Генерален директор на „Еуроимпекс“.
Ова беше еден од ретките настани обоени во кирилица. Гостите беа пречекани со лица во традиционални носии кои послужуваа македонски локум. Постоеше линк помеѓу минатото и иднината… Историски Peugeot возила блескаа крај црвениот килим, кои беа осветлени од најновите Peugeot и Opel модели, а по влезот во ресторанот беше искажано добредојде со шампањ и малини како симбол кој ги поведе гостите во иднината…
Гостите уживаа во македонска музика. Македонски шлагери ја преполнија просторијата со емоции. „За нас почнува живот“ и многу други, во изведба на Дина и The Ringtones. Нашата дива Калиопи, која воедно е и амбасадор на Peugeot брендот во Македонија, приреди маестрален настап, за време на кој гостите не стивнуваа од силни аплаузи и овации… Забавата продолжи на кирилица со Дина и The Ringtones, а гостите беа испратени со ракија и македонски домашен мед.
Ова не беше обична свеченост. Ова беше настан преполн со емоции, посветен на вредните колеги, соработниците и клиентите. Ова беше свеченост на која сопствениците и тимот на „Еуроимпекс“ покажаа како заеднички и тимски се гради и сака една компанија.
ПР
Економија
Божиновска: Стабилната грејна сезона е приоритет, институциите во редовна координација
На координациски состанок со претставници на сите надлежни институции од енергетскиот сектор беа разгледани тековните активности и подготвителните мерки за непречено снабдување со топлинска и електрична енергија во претстојната грејна сезона, информираат од Министерството за енергетика, рударство и минерални суровини.
Редовниот ресорски состанок се одржа во Министерството за енергетика, рударство и минерални суровини, каде покрај претставниците на Министерството од соодветните сектори, присуствуваа и претставници на компании и институции од енергетскиот сектор.
Во дискусијата активно учествуваа раководствата на ЕСМ, МЕПСО, НОМАГАС, како и претставници на НЕМО, кои ги изнесоа своите ставови, предизвици и предлози за натамошно унапредување на енергетскиот систем и зголемување на координацијата помеѓу институциите.
Разгледани беа: напредокот на проектите за енергетска инфраструктура; состојбата со обезбедувањето на потребните енергенси; плановите за работењето на берзата за електрична енергија и day-ahead пазарот; координацијата помеѓу институциите за одржување на стабилноста на системот.
Министерката Сања Божиновска беше информирана за досегашните подготовки и нагласи дека клучен приоритет останува сигурното и стабилно снабдување на граѓаните и индустријата во текот на целата грејна сезона.
За првпат по формирањето на Министерството за енергетика, рударство и минерални суровини, Божиновска воведе пракса на редовни координациски состаноци со сите надлежни институции од секторот. Целта е навремено информирање и координирање на активностите – практика што досега не постоела, посочуваат од министерството.
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
Тошковски: Жителите во непосредна близина на пожарот да ги напуштат живеалиштата поради штетните супстанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Движењето „Стоп за Вардариште“ во понеделник наутро ќе го блокира мостот „Близнаци“
Движењето „Стоп за Вардариште“ ја информира јавноста дека на ден 15.09.2025, понеделник, покрај протестот во 18:00 часот, ќе се одржи...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево
Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските...
(Видео) Гори фабрика во Трубарево, црн чад се издигна над Скопје
Голем црн чад се издигна над главниот град, алармираат граѓаните од повеќе скопски населби. Директорот на Дирекцијата за заштита и...
