Економија
Отворен третиот ESG Adria Summit во Porto Montenegro: повеќе од 700 регионални и светски лидери се собраа за да обликуваат одржлива иднина
Во Porto Montenegro денес беше свечено отворен третиот ESG Adria Summit, водечка регионална платформа за одржлив развој и одговорно лидерство. Оваа година, настанот ќе собере повеќе од 700 учесници од регионот и светот, вклучувајќи претставници на влади, меѓународни организации, компании, академската заедница и цивилниот сектор. Пред учесниците е 3-дневна програма со бројни панели и интересни говорници, со очекувано започнување на неколку важни регионални иницијативи во областа на енергијата, одржливите финансии, стартап претприемништвото и вклучувањето на младите.
Самитот, кој се одржува под покровителство на Претседателот на Црна Гора и во партнерство со Владата на Црна Гора, го отвори Билјана Брејтвејт, основач на Sustineri Partners и директорка на Самитот.
„Горди сме што ова го правиме во Црна Гора — земја која често ги надминала очекувањата, особено кога станува збор за собирање на луѓето околу заедничка цел. Место каде што соработката и меѓународниот дијалог навистина наоѓаат потпора. И ако смеам лично да кажам: за нас кои сме пораснале во овој регион, самата фактот дека денес сме овде — не говориме за конфликти, туку за инвестиции, иновации и одржливост — не е мала работа. Се сеќавам на времето кога на овој регион се гледаше како на нестабилен, фрагментиран, поделени простор. А сега тој стои како еден од најдинамичните коридори на можности во Европа. Таа промена не се случи преку ноќ. И не се случи случајно. Таа е резултат на многу мали акти на храброст, поврзување и соработка — и токму тие вредности овој Самит продолжува да ги почитува и зајакнува“, порача Брејтвејт.
Настанот го поздравија генералниот директор на Porto Montenegro, Давид Маргасон, и претседателот на Општина Тиват, Жељко Комненовиќ.
„Вестите за извонредни социјални, еколошки, а сега и економски настани станаа секојдневие, намалувајќи го нивото на нашата реакција и зголемувајќи ја опасноста од рамнодушност кон овие системски закани за животната средина, која несомнено веќе е доведена до своите граници“, изјави Маргасон.
„Тиват, како и многу други градови во Европа и на Балканот, се соочува со предизвици на забрзан развој, големи градби, инфлација, недостаток на работна сила, зелена транзиција, и сите овие предизвици се мултиплицираат и јаќе се чувствуваат на ниво на локалните власти. Локалните заедници лесно можат да ги препознаат и да понудат први решенија. Затоа сега, повеќе од кога било, е потребно да се зајакнат локалните власти, да им се дадат ресурси и слобода на делување, истовремено обезбедувајќи им поддршка од централните органи“, додаде Комненовиќ.
По отворањето, учесниците имаа можност да ги слушнат пораките на Претседателот на Црна Гора, Јаков Милатовиќ.
„За Adria регионот, ESG не е само глобален тренд — тоа е неопходност. Тоа се темелите на кои мораме заедно да изградиме подобро општество. А за да изградиме такво општество – потребни ни се луѓе. Затоа сакам оваа година посебен фокус да ставам на улогата на младите и значењето на образованието. Нашата младинска генерација не е само иднината – таа е и сегашноста. Нивната енергија, иновативност и идеи се клучни за создавање на свет во кој одржливоста ќе биде правило, а не исклучок. Но, за младите активно да учествуваат во ESG процесите, мораме да им обезбедиме квалитетно образование што ќе ги зајакне со знаења и вештини потребни за решавање на предизвиците со кои се соочуваат. Образовниот систем мора да биде насочен кон развој на критичко размислување, дигитална писменост и еколошка свест, за младите да станат двигатели на позитивни промени во општеството. Затоа ми е задоволство денес, од ова место, да најавам една важна иницијатива која ќе ја започнам како Претседател на Црна Гора, заедно со компанијата Sustineri Partners и во соработка со компанијата Mtel, златен партнер на Самитот, преку која ќе ги финансираме младите од Црна Гора кои запишале студии на врвни светски универзитети – обезбедувајќи на тој начин средства за извонредност“, истакна Претседателот Милатовиќ.
Како платинум партнер на Самитот, Universal Capital Bank е еден од клучните покровители на Самитот. Милош Павловиќ, претседател на Управниот одбор на Universal Capital банка, го нагласи значењето на денешниот настан за Црна Гора.
„Во Universal Capital банка веруваме дека финансискиот сектор мора да игра клучна улога во изградба на одржлива иднина. Нашето партнерство со ESG Adria Summit 2025 како платинум партнер, уште еднаш ја потврдува нашата посветеност на ESG принципите, иновациите во одржливото финансирање и поддршката на развојот на зелената економија. Гордите сме што ја предводиме развојот на зеленото финансирање во Црна Гора и што активно придонесуваме за позитивни промени преку нашите кредитни програми и бизнис стратегија насочена кон заедницата“, порача Павловиќ.
Златен партнер на Самитот, компанијата M:tel Црна Гора, обезбеди силна поддршка преку иновативни дигитални иницијативи. Извршниот директор на компанијата, Зоран Миловановиќ, порача: „Во M:tel активно инвестираме во дигиталната инфраструктура и паметни решенија – од развојот на 5G мрежата, преку поддршка на smart city иницијативи, до проекти кои обезбедуваат енергетска ефикасност. Веруваме дека технологијата треба да служи на луѓето, а токму форуми како ESG Adria Summit овозможуваат размена на конкретни искуства и партнерства кои водат кон поодржлива иднина. Горд сум што можеме да бидеме дел од тој дијалог“, изјави Зоран Миловановиќ, Извршен директор на компанијата M:tel.
Мохамед Алабар, основач на компанијата Eagle Hills, златен партнер на Самитот, утре, со почеток во 10.35 часот, ќе одржи презентација на своите проекти и програми.
Меѓу истакнатите говорници на овогодишниот ESG Adria Summit ќе бидат: Катриин Јакобсдотир, поранешна премиерка на Исланд; Иан Голдин, професор по глобализација и развој на Универзитетот во Оксфорд; Фатих Карахан, гувернер на Централната банка на Турција; Атифете Јахјага, поранешна претседателка на Косово; Бенедикт Франке, директор на Минхенската безбедносна конференција; Рафаел Гиандaи, финансиски директор на Фондацијата на Принцот Албер II од Монако; Амер Капетановиќ, генерален секретар на Регионалниот совет за соработка; Декс Хантер-Торик, експерт за комуникации од Силиконската долина; Кетрин Аткин, копретседател на Stanford CodeX Climate Initiative; Агњешка Хрњевич-Бијеник, глобален директор на Google for Startups и бројни други лидери во бизнисот, политиката и општеството.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Цените на нафтата се искачија над 66 долари
Цените на нафтата денес се искачија над 66 долари на меѓународните пазари, при што водечките производители објавија само умерено зголемување на понудата кон крајот на годината и индикации за стабилна побарувачка за гориво во САД.
На лондонскиот пазар, цената на барел попладне беше за 1,04 долари повисока од вчерашното затворање, на 66,49 долари. На американскиот пазар, барелот се тргуваше по цена повисока за 1,13 долари, на 62,86 долари.
Инвеститорите беа изненадени од објавата на почетокот на неделата од водечките производители дека имаат намера само умерено да ја зголемат понудата кон крајот на годината.
Групата од осум членки на Организацијата на земјите извознички на нафта (ОПЕК) и нејзините сојузници објавија во неделата дека ќе испумпаат само дополнителни 137.000 барели дневно на пазарот во ноември.
Тие веќе ја зголемија понудата за 411.000 барели дневно во септември.
„Осумката“ забележа дека изгледите за глобалната економија се „стабилни“ и дека пазарните индикатори се „моментално здрави“, судејќи според „ниското ниво на залихи“.
Пазарите очекуваа октомври да означи само краткорочен одмор во забрзаната нормализација на залихите.
Економија
Гувернерот Славески: Финансиската едукација и дигиталната писменост се неопходни во услови на зголемени ризици и дигитализација
На годишниот состанок на регионалниот проект за техничка помош во областа на финансиската едукација, поддржан од ОЕЦД и Министерството за финансии на Холандија, што се одржува во Сараево во организација на Централната банка на Босна и Херцеговина, гувернерот на Народната банка, д-р Трајко Славески, истакна дека во услови на зголемени економски ризици и брза дигитализација, финансиската едукација и дигиталната писменост се неопходни за користење на предностите од финансиските услуги и за обезбедување сеопфатен раст.
„Во време кога инфлацијата расте и кога има зголемени каматни стапки и широка достапност на дигиталните финансиски услуги, се јавува нужна потреба од јакнење на финансиската и дигиталната писменост. Дигитализацијата носи нови можности, како поефикасни и поевтини финансиски услуги, но истовремено создава и нови ризици – од онлајн измами, прекумерно задолжување, до загрозување на личните податоци“, порача гувернерот.
Тој зборуваше на панел-дискусијата на тема „Унапредување на финансиската едукација за посилен раст“, на која учествуваа гувенерите на централните банки на Босна и Херцеговина и Молдавија, заменик-гувернерката на Грузија и вицегувернерот на Хрватска. Разговорот беше насочен кон улогата на финансиската едукација во зајакнувањето на економскиот раст, како и во справувањето со новите ризици предизвикани од дигитализацијата на финансиските услуги.
Гувернерот Славески нагласи дека посебно внимание треба да им се посвети на младите и на потрошувачите со ограничено финансиско искуство. „Зголемувањето на финансиската и дигиталната писменост е од огромна важност за граѓаните и за претприемачите за да можат да ги препознаат придобивките, но и ризиците од новите дигитални финансиски производи и услуги. Само така можеме да ја искористиме дигитализацијата како алатка за поголема вклученост и стабилен економски раст“, додаде тој.
Во рамките на зголемувањето на вклученоста, Народната банка ги спроведува и активностите на иницијативата „Кодекс за финансирање на жените претприемачи“ (WeFi Code), како национален координатор, заради намалување на родовиот јаз во пристапот до финансии и поддршка на женското претприемаштво. Во оваа иницијатива, покрај Народната банка, се вклучени 18 институции од јавниот, приватниот и граѓанскиот сектор, меѓу кои шест банки и две штедилници.
Народната банка со своето учество ја потврди својата заложба за унапредување на финансиската едукација, дигиталната писменост и вклученоста, во услови на брзи економски и технолошки промени.
Економија
Божиновска на средба со Плаколм и раководството на ЕВН Македонија: Компанијата покажува како странските инвестиции можат да придонесат кон стабилност и дигитализација на енергетскиот систем
Министерката за енергетика, рударство и минерални суровини, Сања Божиновска, оствари средба со австриската сојузна министерка за Европа, интеграција и семејство, Клаудија Плаколм, и со раководството на ЕВН Македонија, во рамки на работната посета што австриската делегација ја реализираше во земјава.
На средбата присуствуваше и Мартин Памер, амбасадор на Република Австрија во Република Македонија, заедно со претставници од австриската амбасада.
Фокусот на разговорите беше насочен кон успешната соработка меѓу Министерството за енергетика и компанијата ЕВН Македонија, како пример за одговорно и партнерско делување меѓу државата и енергетскиот сектор.
Божиновска истакна дека ЕВН Македонија е значаен партнер во енергетската транзиција на земјата, посочувајќи дека примерот на компанијата покажува како странските инвестиции можат да придонесат кон стабилност, модернизација и дигитализација на енергетскиот систем.
„ЕВН Македонија е пример како странски инвеститор може да соработува со државните институции на начин што создава додадена вредност – не само за економијата, туку и за општеството“, нагласи Божиновска.
Во рамки на посетата, делегацијата имаше можност да се запознае со технолошките и организациските достигнувања на компанијата, меѓу кои и современиот диспечерски центар за дигитално управување со дистрибутивната мрежа на национално ниво.
Австриската министерка Клаудија Плаколм изрази задоволство од постигнатото ниво на енергетска соработка меѓу двете земји и од синергијата меѓу јавниот и приватниот сектор во Северна Македонија, истакнувајќи дека таа соработка е позитивен пример за поширокиот регион.
Двете министерки потврдија дека постои заеднички интерес за продолжување на размената на искуства и добри практики, со фокус на одржлив енергетски развој и зелена транзиција.
Филипче до Димитриевски: Со предавници на социјадемократската идеја не дебатирам
Претседателот на СДСМ, Венко Филипче, на трибината „Се бориме за нашиот дом“ од Прилеп, му одговори на Максим Димитриевски. „Слушам...
Мицкоски: Венко и Стевчо тајно во седиштето на СДСМ премерувале како да обезбедат 2.000 гласа за Јакимовски од СДСМ
На денешниот митинг во Карпош во рамките на изборната кампања за локалните избори 2025 година со слоган „Вистинскиот избор! Твојот...
Уапсена сопругата на докторот кој беше застрелан во Куманово, била вмешана во обидот за неговото убиство
Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но...
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен
Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот...
(Видео) Филипче до Мицкоски: Или сфати дека си избран да ја водиш државата или да си одиш
Претседателот на СДСМ, Венко Филипче, одговарајќи на новинарско прашање во врска со изјавите на премиерот Мицкоски, порача дека премиерот треба...
Почина Панчо Минов, поранешен пратеник и градоначалник на Кавадарци
На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието. Панчо Минов беше дипломиран...
Парични казни за три градинки и едно училиште по спроведени инспекциски контроли во кујните
Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во...
Кривична пријава за злоупотреби и малтретирање против две сопственички на приватни установи за сместување стари лица
Министерството за внатрешни работи поднесе кривична пријава до Основното јавно обвинителство Скопје против Н.Ј.(47) и Т.И.(58), двете од Скопје поради...
Истрага против две сопственички на домови за стари лица: сместувале женски и машки лица заедно, дел од корисниците биле заклучувани, им биле служеби оброци со изминат рок
Јавен обвинител од Основното јавно обвинителство Скопје денеска донесе Наредба за спроведување истражна постапка против две лица осомничени за кривични...
Мицкоски до Филипче: Кажи јавно што мислиш за Зоран Заев, не биди лицемерен
Претседателот на ВМРО-ДПМНЕ, Христијан Мицкоски на синоќешниот митинг во Гостивар во рамките на изборната кампања за локалните избори 2025 година...
Уапсени двајца скопјани: предизвикале пожар на две товарни и едно патничко возило кај спортскиот центар „Јане Сандански“
Денеска, во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје...
(Видео) Нападнат автомобилот во кој се наоѓал претседателот на Еквадор, луѓе фрлаа камења, најдени траги од куршуми
Автомобилот на еквадорскиот претседател Даниел Нобоа бил опкружен од околу 500 луѓе кога тој пристигнал на настан во покраината Канар,...
Путин: Украинците се повлекуваат на целата фронтова линија
Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и...
Мелони: Пријавена сум во Меѓународниот кривичен суд за соучество во геноцид
Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество...
Нетанјаху: Ќе продолжиме да ги постигнуваме сите воени цели, Газа повеќе нема да биде закана
Израелскиот премиер Бенјамин Нетанјаху вчера вечер им вети на Израелците дека ќе ги постигне сите цели на војната против Хамас...
Путин: Се докажа дека бевме во право во февруари 2022 година
Желбата на луѓето од Донбас и Новорусија да ја поврзат својата иднина со Русија докажа дека одлуките донесени во февруари...
Тошковски: Нема да поднесам оставка
Министерот за внатрешни работи Панче Тошковски на неговиот „Фејсбук“ профил реагира соопштението на СДСМ во кое се бара негова оставка....
Во вооружениот напад во Куманово е повреден докторот Зекирија Шаини, од Здравство велат дека е во стабилна состојба
Министерството за здравство со вознемиреност ја прими веста за вооружениот напад во Куманово при кој беше повреден нашиот колега, доктор...
Нема индиции на политички мотиви зад оружениот инцидент во Куманово
Првичните индиции не упатуваат на политички мотиви зад оружениот инцидент во Куманово, соопштија од Јавното обвинителсто. „Во однос на настанот...
Поради сериозни пропусти, Владата го раскина договорот за концесија на каменоломот во Страчинци
Првиот заменик на претседателот на Владата и министер за животна средина и просторно планирање, Изет Меџити, информира дека Владата еднострано...
