Економија
Подгответе се за летото со попусти и забава – late night shoppingво Скопје Сити Мол!

Веќе десет години најомилен дел од јуни се неверојатните попусти во омилениот трговски центар, кои кулминираат со најдобриот ден за попуст во кој продавниците во Скопје Сити Мол работат до полноќ – Late Night Shopping во Скопје Сити Мол. Оваа година за посетителите и љубителите на шопингот подготвивме извонредни попусти, но и одлична забава за вистинско шопинг уживање и доживување.
На 23 јуни вратите на Скопје Сити Мол се отвораат во 10 часот наутро за да ги примат “шопингхоличарите“, но и оние кои го чекаат попустот за да го купат омиленото парче и забавата може да почне. Единствено со Скопје Сити Мол има сѐ што сакате со ексклузивни попусти, па искористете го Late Night Shopping да го купите омиленото парче облека, обувки, асесоари, накит, козметика, подгответе се за плажа со нов костим за капење, нов куфер или купете нешто за домот. Притоа подгответе се за забава посетете го GIN LANE FESTIVAL, сликајте со другарите на нашиот фотобут, уживате во ДиЏеј сетот пред и во внатрешноста на Скопје Сити Мол и се разбира тука е и огненото шоу.
„Остануваме на тоа дека Late Night Shopping приредува целосно уживање и вистинско доживување на сите посетители и вистински рај за сите кои уживаат во попусти, шопинг, но и за сте кои сакаат да се забавуваат – имаме огненно шоу, два Ди Џеја пред и во трговскиот центар, богата музичка програма и сите вкусови на GIN LANE FESTIVAL, и се разбира неверојатни попусти во омилените брендови. Приредуваме вистинско шопинг доживување за нашите посетители, ден и ноќ кои ќе ги паметат не само по добриот шопинг, туку и по извонредната забава и целосното искуство. Ве чекаме на 23 јуни од 10.00 наутро до полноќ.“ – изјави Дамјан Корубин маркетинг менаџерот на Скопје Сити Мол.
Видот на попустите и промоциите ги дефинира секој бренд поединечно, попустите се однесуваат за 23 јуни, денот на Late Night Shopping во Скопје Сити Мол, но најголемиот дел од брендовите им нудат можност на оние кои не можат да дојдат тој ден попусти и преку целиот викенд. Следете ги профилите на социјалните мрежи на Скопје Сити Мол за детални информации.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Кредибилните и конзистентни политики ја поддржуваат стабилноста на денарот и на кредитниот рејтинг на земјата, според „Фич“

Стабилноста на девизниот курс на денарот, која се одржува благодарение на кредибилните и конзистентни политики, е еден од клучните фактори за одржување на кредитниот рејтинг на нашата земја. Ова се посочува во најновиот извештај на агенцијата за кредитен рејтинг „Фич“, во кој рејтингот на земјата повторно е потврден на нивото ББ+ со стабилен изглед.
Во извештајот се посочува дека курсот на домашната валута и натаму е стабилен. Според проекциите на агенцијата за кредитен рејтинг „Фич“, девизните резерви покриваат 4,3 месеци од увозот проектиран за 2025-2026 година, што ја поддржува стабилноста на фиксниот курс на денарот во однос на еврото. Дефицитот на тековната сметка е во согласност со десетгодишниот просек, а приливите на странските директни инвестиции се на највисоко ниво во изминатите седумнаесет години. „Фич“ оценува дека овој извор на финансирање и во следниот период ќе биде соодветен за понатамошно покривање на дефицитот на тековната сметка.
Во однос на банкарскиот сектор, „Фич“ оценува дека тој и натаму е стабилен и профитабилен. Банкарскиот систем е добро капитализиран, високо ликвиден и со квалитетно кредитно портфолио, при што нефункционалните кредити изнесуваат само 2,9 %.
Економија
Стабилно снабдувањето со јајца на домашниот пазар пред велигденските празници

Во врска со актуелната побарувачка на конзумни јајца во периодот пред Велигден, Групацијата за живинарството при Стопанската комора на Северна Македонија ги информира граѓаните дека македонскиот пазар е стабилен и снабден во доволни количини квалитетни и безбедни конзумни јајца.
Како традиционален производ, кој е дел од велигденските обичаи, јајцата се достапни во доволни количини во трговските мрежи, на пазарите и во фармерските продавници.
На 24 март во просториите на Комората се одржа работна средба помеѓу компаниите од овој сектор, членки на Комората и претставници на ресорното министерство предводени од Цветан Трипуновски, министер за земјоделство, шумарство и водостопанство.
„Најголемите производители и извозници на јајца најавија активна соработка со дистрибутерите и трговците, со цел да се задоволи зголемената побарувачка во овој период од годината, а притоа цените да останат на конкурентно ниво, во согласност со пазарните трендови.
Ресорното министерство и надлежните институции ги следат состојбите и се подготвени да преземат мерки доколку се јави потреба од дополнителна стабилизација. Ги потсетуваме потрошувачите да внимаваат при купувањето – да ги проверуваат трајноста и потеклото на јајцата, како и да ги поддржат локалните производители“, соопшти Стопанската комора.
Економија
Нова ера на безбедност: MINT Fintech Group со OneID партнерство

Во дигиталната ера кога брзината е сѐ– довербата станува клучна валута. MINT Fintech Group и OneID објавуваат нова стратешка соработка насочена кон нова заштита на корисниците од финансиски измами и дигитален идентитет кој нуди максимална безбедност.
Преку интеграцијата на OneID – платформа за сигурна дигитална идентификација – корисниците на MINT ќе добијат можност за проверка на идентитет без споделување на чувствителни податоци, преку едноставна и безбедна процедура.
Ова партнерство е повеќе од технолошко решение
„Во време кога измамите стануваат сè попаметни, ние стануваме потемелни. OneID е логичен чекор напред во нашата визија: финансиски услуги кои се не само паметни и брзи, туку и длабоко одговорни,“ изјавуваат од MINT Fintech Group.
Договорот веќе е склучен, а новата заштитна функционалност ќе биде активно достапна наскоро.
Оваа соработка е само дел од пошироката трансформација која ја води MINT: постојано унапредување на корисничкото искуство, фокус на софистицираност во секој детал и развој на платформи што ги надминуваат стандардите – и по функционалност, и по етика.
Од технолошка иновација до емпатична дигитална комуникација, MINT останува посветен на создавање финансиски екосистем кој не е само модерен – туку и хуман.
ПР текст