Економија
Потпишани билатерални документи со Србија, во фокус интересот на граѓаните и економиите на двете земји
![](https://makfax.com.mk/wp-content/uploads/2023/03/thumbnail_31032023_VRSM_Poseta-na-R.Srbija_1.jpg)
Денеска, во Белград, за време на официјалната посета на премиерот Димитар Ковачевски, министри од владите на Македонија и Србија потпишаа неколку билатерални документи, кои се во насока на натамошно приближување на нашите држави, економии и народи, а кои произлегуваат од потпишаните договори за „Отворен Балкан“.
Меморандумот потпишан помеѓу министрите за внатрешни работи на двете земји се однесува на олеснување и забрзување на проток на патници и возила на граничниот премин Табановце – Прешево.
Свесни за високото ниво на фреквенција на патнички возила што се создава на овој граничен премин, тимови на министерствата за внатрешни работи, ИТ-секторите и граничните полиции, царинските управи, како и министерствата за транспорт и врски од двете земји, работеа неколку месеци на изнаоѓање решенија, информираа од владината прес-служба.
Дефинирани се повеќе типови мерки со чија имплементација ќе се унапреди, олесни и забрза протокот на патници и возила.
Мерките се однесуваат, пред сè, на теренската инфраструктура и на моделот на заедничко гранично управување.
Вториот меморандум, кој беше потпишан во Белград, е за проект за вмрежување на системите за електронска наплата на патарините.
Со интензивирањето на регионалната соработка и особено високото ниво на поврзување меѓу нашите две држави секојдневно се зголемува бројот на граѓани што патуваат од Северна Македонија за Србија или обратно, но голем е интензитетот на возила и патници што ги користат нашите држави како транзит до трети земји.
Во таа насока постојано ја подобруваме инфраструктурата на автопатите и градиме нови, но вложуваме и во дигитални решенија, кои го олеснуваат патувањето преку вмрежување на системите за електронска наплата на патарините.
Со потпишувањето на меморандумот набргу сите граѓани на Србија со ТАГ-инсталиран уред ќе може да поминуваат на патарините во Северна Македонија без да застануваат, а тоа ќе важи и за граѓаните на нашата држава кога патуваат во Србија.
Третиот меморандумот што беше денеска потпишан во Белград се однесува на соработка во областа на рударството и енергетиката.
Со овој меморандум ја покажуваме заедничката подготвеност за зајакнување на меѓусебните односи и разбирање, со цел да придонесеме за економски развој и зголемување на економскиот раст.
Енергетиката е столб на економијата, а со овој меморандум, меѓу другото, се поттикнуваат и поддржуваат заедничките инвестиции од двете земји, особено за градење капацитети за користење обновливи извори на енергија, производство на енергија и меѓусебно поврзување на системите за гас и електрична енергија на Северна Македонија и Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Продолжен рокот за аплицирање за субвенции за 2024 година
![](https://makfax.com.mk/wp-content/uploads/2017/05/476470-zemjodelcite-kje-dobijat-224.571.508-denari-subvencii.jpg)
Министерството за земјоделство, шумарство и водостопанство за да излезе во пресрет на земјоделците кои до денес сѐ уште го немаат остварено своето право за поднесување на апликација за субвенции за 2024 година го продолжи рокот за аплицирање за субвенции за 2024 година.
Согласно oдлуката на vлада од првата седница, точка 13, рокот за аплицирање за субвенции за основните мерки за растително и сточарско производство се продолжува за период од 1 месец, односно крајниот рок за поднесување на апликации за субвенции од Програмата за директни плаќања за 2024 година е 31 Јули 2024 година.
„Ги повикуваме сите земјоделци кои го немаат реализирано оваа право, доколку не можат сами да креираат апликации да се јават во pодрачните единици на МЗШВ каде од страна на вработените ќе им биде креирана и поднесена апликацијата или самостојно да си поднесат апликација за субвенции за 2024 година согласно Програмата и Уредбата за директни плаќања за 2024 година“, се истакнува во соопштението од ресорното министерство.
Економија
Од полноќ се зголемува цената на мазутот
![](https://makfax.com.mk/wp-content/uploads/2023/02/benzin-gorivo-960x639-1-2.jpg)
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,52 % во однос на одлуката од 24.6.2024 година.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,061%, кај дизелот 0,419%, кај екстра лесното масло за 0,400% и кај мазутот зголемувањето е за 3,489%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,008%
Од 29.6.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 82,50 (денари/литар)
Моторен бензин ЕУРОСУПЕР БС – 98 85,00 (денари/литар)
Дизел гориво ЕУРОДИЗЕЛ БС (Д-Е V) 76,50 (денари/литар)
Масло за горење Екстра лесно 1 (ЕЛ-1) 75,00 (денари/литар)
Мазут М-1 НС 47,928 (денари/килограм)
Малопродажната цена на Мазутот М-1 НС се зголемува за 1,208 ден/кг и сега ќе изнесува 47,928 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Економија
Надворешен долг, побарувања и меѓународна инвестициска позиција во првото тримесечје годинава
![](https://makfax.com.mk/wp-content/uploads/2019/10/evra.jpg)
Народната банка го објави редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција, во првото тромесечје од 2024 година.
На 31 март, нето надворешниот долг изнесува 4.350 милиони евра (или 29,9% од проектираниот БДП). Нето надворешниот долг на земјата, во првиот квартал од 2024 година, е намален за 109 милиони евра, или за 2,4%. Од аспект на структурата, приватниот нето-долг и натаму има поголемо учество во вкупниот нето-долг со 62%.
Во текот на првиот квартал од 2024 година, негативната нето меѓународна инвестициска позиција (МИП) е зголемена за 6 милиони евра и изнесува 8.506 милиони евра, односно 58,4% од проектираниот БДП за 2024 година.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следната врска.