Економија
Работи на маркетинг-кампањи за Силициумската Долина од Македонија

Компанијата LeanSEM, за која пишувавме неколкупати, го проширува својот тим!
Маркетинг-агенцијата која работи кампањи за „Гугл“ и „Фејсбук“ за над 50 клиенти од Силициумската Долина има отворено повици за неколку различни позиции. Во моментов се бараат: Digital Marketer, SEO expert и Copywriter.
По 5 години постоење во Македонија, тимот на LeanSEM сега менаџира со маркетинг-буџет од над 2 милиони долари на месечно ниво и продолжува да расте дури и во овој период на несигурност.
Кои се придобивките од работа за оваа брзорастечка компанија?
Главно, брзиот раст и можноста за работа на проекти за едни од најиновативните компании во светот.
Во LeanSEM на секој вработен се гледа како партнер. Тоа значи дека секој од вработените има можност за исклучително брз раст и напредок, а поголемите проекти од оние на македонските клиенти овозможуваат многу поголем „impact” од вистинските луѓе.
Ова е место за оние кои дигиталниот маркетинг го гледаат како нивна кариера, а не само уште една работа. Работата со вакви клиенти бара доста труд и вистинска пасија за маркетинг, но можноста за напредок на финансиски и личен план и тоа како се исплати.
Според Габриела, еден од акаунт директорите во LeanSEM, најважно е да сте фокусирани на резултати, да имате аналитички способности и критичко размислување.
Во едно од нејзините интервјуа, Габи ја сподели и својата приказна. Таа раскажа дека доаѓа во LeanSEM пред 4 години, напуштајќи маркетинг-позиција во еден од телекомуникациските оператори во Македонија во потрага по побрз личен раст и валоризирање на трудот.
За една година нејзината плата се зголемува за 5 пати, а сега е еден од двајцата акаунт-директори во LeanSEM, одговорна за маркетинг-кампањите на голем дел од клиентите.
Според Габи, не се бараат само маркетери со искуство, напротив, потребни се луѓе фокусирани на резултати кои сакаат да изградат светска маркетинг-кариера, од Македонија.
Друга придобивка, покрај растот е и системот на поддршка. За оние кои ќе ја одберат работата во LeanSEM како стил на живот и кариера, а не само работа, експертите се подготвени да го споделат целото свое знаење и искуство.
Доколку верувате дека вие сте потенцијален идеален партнер на LeanSEM и сакате да се приклучите на тимот, пријавете се за некоја од отворените позиции.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Издадени првите лиценци за батериски систем за складирање на електрична енергија од обновливи извори

Регулаторната комисија за енергетика, водни услуги и услуги за управување со комунален отпад (РКЕ) ги издаде првите лиценци за батериски систем за складирање на електрична енергија од обновливи извори на компанијата ЕНЕРГО СОЛАР СИСТЕМИ.
Станува збор за два батериски системи со вкупна инсталирана моќност од 2 600 kW, што се инсталирани во склоп на две различни фотонапонски електроцентрали кои се веќе изградени и во функција.
„Издавањето на овие лиценци во кои се вклучени батериски системи за складирање на електрична енергија, всушност го означува почетокот на еден нов инвестициски циклус во енергетиката. Воведувањето на батериите во пракса значи забрзана енергетска транзиција преку создавање на одржлив, ефикасен и еколошки енергетски систем во земјава. Во РКЕ очекуваме голем број сопственици на ФЕЦ да поднесат барање за инсталирање на “сториџи“, но исто така очекуваме интерес да појават и компании кои би биле самостојни оператори на складишта само со батериски системи. Употребата на батериите ќе придонесе за сигурно и доверливо функционирање на системите, а едновремено и за економски посигурен и поефикасен енергетски пазар. Истите можат да даваат услуги на операторот на електропреносниот систем за балансирање на истиот, како и одржување на одредени параметри на мрежата во пропишани граници. Складирањето на енергија во периоди кога има вишок и нејзино користење во периоди кога потребите од електричната енергија се зголемуваат се очекува дека ќе влијае и врз намалување на вкупните трошоци во системот.“ посочи Марко Бислимоски, претседател на РКЕ.
Условите, постапката и потребната документација за добивање на лиценца за складирање на електрична енергија се уредена во Законот за енергетика и Правилникот за лиценци, .
Економија
Владата усвои измени: Се укинува ослободувањето од ДДВ за онлајн пратки во вредност до 22 евра

Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања на Законот за данок на додадена вредност, со кои се укинува ослободувањето од ДДВ за онлајн пратки во вредност до 22 евра. Законските измени веќе се во собраниска процедура, а нивното спроведување се очекува да има директни позитивни ефекти врз економијата и работењето на домашните компании.
Со оваа мерка, околу 4 милиони денари месечно, колку што во одредени периоди изнесува прометот кон странските онлајн платформи, ќе се пренасочат кон домашното стопанство. Овие средства ќе придонесат за развој на локалните компании, отворање нови работни места и исплата на повисоки плати на вработените.
Ова претставува значаен чекор во заштита и поддршка на домашната економија, особено во услови на зголемена глобализација и дигитална трговија.
Дополнително, измените ќе помогнат во намалување на сивата економија, имајќи предвид дека досегашниот систем овозможуваше злоупотреби – односно увоз на стоки ослободени од данок кои понатаму се продаваат на домашниот пазар.
Со оваа измена, државата испраќа јасен сигнал на поддршка за домашните компании кои создаваат додадена вредност и вработуваат граѓани во земјата, велат од Министерството за финансии.
Економија
Халкбанк со Промо депозит по повод месецот на штедење

По повод октомври, месецот на штедењето, Халкбанк АД Скопје ја започна својата традиционална кампања посветена на промовирање на финансиската писменост и одговорно управување со личните финансии, преку воведување на нов Промо депозит создаден за да им овозможи на граѓаните поповолни услови за заштеда и дополнителна сигурност во време на економски предизвици.
Депозитот може да се отвори во сите филијали и експозитури на Халкбанк низ земјата. Минималниот износ на вложување е 30.000 денари или 500 евра, а каматната стапка е фиксна иизнесува 3% за штедење во денари, односно 2% за шедење во евра или долари, а рокот на орочување е 13 месеци. Штедењето во американски долари претставува новитет во понудата на банката, со што клиентите добиваат дополнителна можност за диверзификација на своите заштеди. Клиентите можат да изберат исплата на каматата на крајот на периодот на орочување или месечно, во зависност од своите потреби и планови.
За овој депозит не се дозволува делумно повлекување или дополнителни уплати пред истекот на рокот, што овозможува целосна стабилност и предвидливост на приносот.
„Халкбанк секоја година го одбележува mесецот на штедењето со посебни понуди и иницијативи, со цел да ги охрабриме граѓаните да размислуваат долгорочно и одговорно кон своите финансии. Штедењето не е само индивидуална придобивка, туку и темел на стабилен економски систем. Затоа, секоја година во овој период нудиме дополнителни стимули за штедачите. Преку Промо депозитот им овозможуваме на нашите клиенти сигурен, транспарентен и исплатлив начин да ги зголемат своите заштеди,“ велат од банката.
Со оваа кампања, Халкбанк уште еднаш ја демонстрира својата улога како одговорна и стабилна банка, која се грижи за финансиската благосостојба на своите клиенти и постојано нуди решенија што ги поддржуваат нивните цели и планови.
Халкбанк потсетува дека штедењето е првиот чекор кон финансиска сигурност и независност, а со внимателно управување со средствата, секој може да го изгради сопствениот пат кон стабилна иднина.
ПР