Европа
Речиси 4,8 милиони работни места затворени во Украина поради војната
Од почетокот на руската агресија во Украина од февруари изгубени се речиси 4,8 милиони работни места, исто толку компании се затворени, извозот е намален, а милиони граѓани избегале од конфликтот, објави Меѓународната организација на трудот (МОТ).
Загубите на работни места сочинуваат речиси 30 отсто од работната сила во Украина пред инвазијата, се вели во извештајот на МОТ, пренесуваат медиумите.
Нивниот број може да се искачи на седум милиони ако продолжат непријателствата, предупреди организацијата, додавајќи дека прекинот на огнот може да врати 3,4 милиони работни места на краток рок.
Илјадници луѓе загинаа за време на руската инвазија на Украина, а повеќе од пет милиони луѓе, главно жени, деца и постари лица, избегаа од конфликтот. БДП на Украина оваа година може да се намали за најмалку една третина поради војната.
„Нарушувањата во економијата и голем број раселени лица во Украина и бегалци во други земји предизвикуваат големи загуби во вработувањето и приходите“, заклучува МОТ во истражувањето.
Руската агресија во Украина резултира со катастрофална хуманитарна криза, што го поттикна најбрзото принудно движење на населението од Втората светска војна.
Последиците од војната може да се прелеат и во земјите од Централна Азија.
Најмногу бегалци примиле соседните земји, како Полска и Романија, според МОТ, додавајќи дека пред војната биле вработени околу 1,2 милион бегалци.
Ако трае, пазарите на трудот и системите за социјална заштита во тие земји ќе бидат под притисок со текот на времето, што веројатно ќе ја зголеми невработеноста, покажа студијата.
„Хипотетички, додавањето бегалци на бројот на невработени би ја зголемило стапката на невработеност во Полска од три на 5,3 отсто“, пресмета МОТ.
Последиците од војната може да се прелеат во земјите од Централна Азија, кои во голема мера зависат од дознаките од мигрантите вработени во Русија, предупредува меѓународната организација.
Работниците имигранти би можеле да ги загубат своите работни места и да се вратат дома во случај на пад на активноста во Русија поради западните санкции и трошоците за војната.
На глобално ниво војната во Украина го забрза растот на цените на храната и енергијата и ги загрози работните места и растот на реалните плати, особено во земјите со низок и среден приход, што сè уште закрепмуваат од пандемијата на коронавирусот, забележува МОТ, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Американски генерал: Руската армија е поголема денес отколку кога ја започнаа војната во Украина
На НАТО ќе му требаат повеќе ракети со долг дострел во својот арсенал за да ја одврати Русија од напад врз Европа, бидејќи се очекува Москва да го зголеми производството на оружје со долг дострел, изјави американскиот генерал Џон Раферти за Ројтерс.
Ефикасната употреба на ракети со долг дострел од страна на Русија во војната во Украина ги убеди западните воени претставници за нивната важност за уништување на командни пунктови, транспортни центри и лансери за ракети длабоко зад непријателските линии.
„Руската војска е поголема денес отколку кога ја започнаа војната во Украина“, рече генерал-мајор Раферти во интервју во американската воена база во Висбаден, Германија. „Знаеме дека тие ќе продолжат да инвестираат во ракети со долг дострел и софистицирана воздушна одбрана. Затоа поголемите капацитети на алијансата се навистина, навистина важни.“
Војната во Украина ја истакна големата зависност на Европа од Соединетите Држави за снабдување со ракети со долг дострел, бидејќи Киев се обидува да ја зајакне својата воздушна одбрана.
Раферти неодамна го заврши својот мандат како командант на 56-та артилериска команда на американската армија во германскиот град Мајнц-Кастел, која се подготвува за привремено распоредување на американски ракети со долг дострел на европско тло од 2026 година.
На состанокот со американскиот секретар за одбрана Пит Хегсет во понеделник, се очекува германскиот министер за одбрана Борис Писториус да се обиде да разјасни дали ваквите распоредувања, договорени меѓу Берлин и Вашингтон кога Џо Бајден беше претседател, ќе бидат имплементирани сега кога Доналд Трамп се врати во Белата куќа.
Европа
(Видео) Пожар зафати луксузна суперјахта во пристаниште во Франција
Пожар избувна на суперјахта од 41 метар вчера во Сен Тропе, предизвикувајќи загриженост дека може да потоне во пристаништето кое го посетуваат богатите и славните во текот на летото, објавија француските медиуми.
Пожарникарите поставија заштитна бариера за да спречат загадување околу „Си Лејди II“, луксузна јахта чија изнајмување чини повеќе од 80.000 евра неделно.
Два часа по избувнувањето на пожарот, пожарникарите пријавија тешкотии при качувањето на бродот, а снимките на социјалните мрежи покажуваат густ црн чад како се извишува околу пристаништето.
„Брзо ги преместивме околните јахти и поставивме заштитни бариери против загадување“, изјави портпаролот на противпожарната служба за АФП. Тој додаде дека е „веројатно“ да потоне во пристаништето и дека причината за пожарот е под истрага.
Јахтата е изградена во 1986 година и последен пат е обновена во 2024 година. Има екипаж од осум лица и може да прими десет гости. Секоја од петте кабини има бања, според веб-страницата на Чартерлинк, една од агенциите што ја даваат под наем.
Европа
Британија: Бројот на руските жртви во Украина надмина еден милион
Русија веројатно претрпе околу 236.000 жртви (убиени и ранети) во конфликтот со Украина во 2025 година, додека вкупно 1.022.460 жртви се регистрирани од почетокот на инвазијата во 2022 година.
Британското Министерство за одбрана ги објави овие информации во разузнавачки извештај за Украина на социјалната мрежа Икс.
Latest Defence Intelligence update on the situation in Ukraine – 11 July 2025.
Find out more about Defence Intelligence's use of language: https://t.co/bRZd9p4geh#StandWithUkraine 🇺🇦 pic.twitter.com/9uDDNXOJCC
— Ministry of Defence 🇬🇧 (@DefenceHQ) July 11, 2025
Повикувајќи се на податоци од Генералштабот на вооружените сили на Украина, аналитичарите велат дека просечниот дневен број на руски жртви во текот на јуни 2025 година бил околу 1.080, со вкупно 32.000 во текот на месецот.
„Стапките на руски жртви се намалуваат умерено од месец во месец од март 2025 година, при што просечната дневна стапка во јуни е најниска од април 2024 година“, се вели во извештајот на британското разузнавање.
A cemetery full of graves of #Russian occupiers in #Tomsk. pic.twitter.com/QHEgmmohmi
— NEXTA (@nexta_tv) June 4, 2023
Според Министерството за одбрана, претходните години од војната, исто така, забележаа умерено намалување на руските жртви со доаѓањето на летото, при што подобрувањето на временските услови веројатно придонесе за повисоки стапки на преживување на ранетите.
„Умерено намалување на руските жртви се случи во исто време додека руските напади по должината на фронтот останаа интензивни, а Русија постигна постојан напредок во Донбас“, се вели во извештајот.
Македонија под топлотен бран, температурите до 38 степени
Македонија денеска е под влијание на топол воздушен бран што носи високи температури и претежно сончево време. Според Управата за...
Ангелов: Најсериозен е пожарот во дојранското село Николиќ во близина на границата со Грција
Во моментов најсериозен е пожарот во дојранското село Николиќ во близина на границата со Грција. Тоа е пожар кој гори...
Обезбедување од МВР ќе ја чува Данела Арсовска 24 часа
Министерството за внатрешни работи информира дека по вчерашниот инцидент во Општина Чаир, врз основа на оперативни сознанија и безбедносна проценка...
ОЈО сомничи двајца за насилство врз градоначалничката Арсовска
Основното јавно обвинителство Скопје поведе постапка против две лица за кривично дело „насилство“. Првоосомничениот вчера се заканувал и физички ја...
ФЗО ќе покрива шест, наместо досегашните три ин витра за семејствата кои се обидуваат да имаат потомство
Вкупно шест наместо три обиди за биомедицинско потпомогнато оплодување (БПО) ќе бидат овозможени на товор на Фондот за здравствено осигурување...
Пожарникарите се бореа со огнови на 38 места во државава, 30 се изгаснати
Во текот на изминатото деноноќие се евидентирани вкупно 38 пожари од кои три активни, пет ставени под контрола и 30...
Во Кочани нема да има концерт за Петровден, Крстевски го откажа на барање на родителите на загинатите деца во „Пулс“
Откажан е музичко забавниот дел од програмата за одбележување на Петровден, празникот на градот Кочани. Ваква одлука вчера донесе в.д....
„Ќе глумиме дека не сме виделе?! Ќе чекаме некој да биде убиен за да се освестиме?!“, праша Јакимовски
Градоначалникот на општина Карпош, Стевчо Јакимовски се огласи на социјалните мрежи, по нападот врз градоначалничката Данела Арсовска. „Она што ѝ...
(Видео) Арсовска објави снимка од нападот: Јас го напаѓам него или тој мене?
Градоначалничката на Град Скопје, Данела Арсовска објави снимка од денешниот напад врз неа, на социјалните мрежи. Во објавата на социјалните...
(Видео) „Тошковски ако се плашиш бе момче дај си оставка“: Арсовска обвини дека МВР функционира во одбрана на криминалци
Градоначалничката Данела Арсовска се огласи преку социјалните мрежи, откако излезе од полициската станица, по денешниот напад врз неа. „Штотуку излеговме...
Шест часа од бруталниот напад врз градоначалничката на Скопје, а од ВМРО-ДПМНЕ и Мицкоски сè уште нема ни збор за осуда, вели Филипче
Претседателот на Социјалдемократкиот сојуз на Македонија, Венко Филипче, повика на итна одговорност и поведување постапка против насилниците кои денеска брутално...
„Истрага за полициските службеници што не го спречиле нападот врз градоначалничката Арсовска“, бара Хелсиншкиот комитет
Хелсиншкиот комитет за човекови права најостро го осудува физичкиот и вербалниот напад врз градоначалничката на Град Скопје, Данела Арсовска, што...
(Видео) СДСМ со осуда за нападот на Арсовска: Тоа е срам за државата и порака до сите граѓани дека ако зборуваат за криминал и неправда, ќе бидат замолчени со сила
Социјалдемократскиот сојуз на Македонија, најостро го осудува нападот врз официјални лица од Градот Скопје. Овој брутален напад е последица на...
Aрсовска нападната во Чаир додека извршувала работни задачи: побарала лекарска помош
Градоначалничката на град Скопје, Данела Арсовска, денеска е физички нападната при извршување работни задачи во Чаир. Кон неа биле упатени...
Сторителот од Батинци е идентификуван, но е во бегство, соопшти ОЈО
Дежурен јавен обвинител извршил увид на местото на настанот во Батинци, каде што денеска се случил трагичен инцидент. Од Обвинителството...
Мицкоски треба да најде начин да се извини, вели бугарскиот премиер
Наративот и изразувањето на премиерот Христијан Мицкоски ќе им го оставам на оние што го познаваат Езоп. Република Македонија мора...
Припадник на Армијата загина во трагичен настан во Батинци: Mинистерството за одбрана го потврди случајот
Од Министерството за одбрана информираат дека лицето со иницијали А. М. од скопското село Батинци, кое било нивен припадник, е...
Фон дер Лајен: ЕУ знае дека е одговорна за неуспехот да се спречи геноцидот во Сребреница
Европската унија никогаш нема да заборави што се случи во Сребреница пред 30 години, ја признава својата одговорност за неуспехот...
Поставен камен-темелник на новата фабрика на „Чагатај кабло“, инвестиција вредна 6 милиони евра
Поставен е камен-темелник на новата фабрика на „Чагатај кабло“, инвестиција вредна 6 милиони евра и 200 нови работни места, изјави...
Детали за драмата на пазарот во Битола: го избол со нож по расправија за тезга
Полицијата објави детали за настанот на пазар во Битола во кој едно лице со кујнски нож избоде продавач на тезга...
