Халкбанк АД Скопје веќе една ипол година гради успешна приказна за поддршка на женското претприемништво, промовирајќи ја истовремено својата заложба за рамноправност и финансиска слобода на жените.

Преку внимателно креиран Пакет за жени кој е дизајниран да одговори на различните потреби на микро, малите и средните претпријатија каде сопственици или менаџери се жени, со реализирана кредитна линија од 10 милиони евра, банката веќе им овозможи успешен бизнис на повеќе од 300 клиентки во земјата.

Пакетот за жени нуди низа погодности како можност за добивање финансиски средства за основни и обртни средства во висина до 500.000 евра, со фиксна и варијабилна каматна стапка во зависност од намената на средствата. Пакетот обезбедува и низа други бенефиции како бесплатно водење на сметката, пониски провизии за денарски платен промет и за плаќање налози преку е-банкинг, без месечен трошок за електронско банкарство. Тој исто така вклучува и бизнис Мастеркард дебитна картичка без надоместок за издавање и намален трошок за годишна членарина за Мастеркард кредитна картичка, зголемени каматни стапки за депозити за правни лица, како и еднократен попуст за каско, домаќинско и патничко осигурување издадено од Халк Осигурување.

Покрај финансиските услуги, Халкбанк преку платформата за зајакнување на финансиската слобода на жените, реализира и низа настани, кампањи и поддршки. Почнувајќи од хуманитарните акции поврзани со продажба на „Фустаните со џебови“, преку пласирање на кампањите за финансирање на женските бизниси, па се до низата настани наменети за вмрежување и овозможување на меѓусебна поддршка на жените, Халкбанк заедно со својот партнер Мастеркард ја подигнаа на повисоко ниво свеста и перцепцијата за финансиската моќ и слободата на жените во земјата.

Оваа платформа денес е повеќе од финансиска поддршка – таа е инспирација за „Силни, храбри и независни приказни“ која продолжува да се развива и унапредува согласно потребите од задоволните и потенцијални клиентки.

ПР

По Нова година, ќе излеземе со условите и начинот на кој младите брачни двојки ќе може по поволни услови да учестуваат на проектот „Купи куќа за млади“, истакна заменик-претседателот на Владата и министер за транспорт, Александар Николоски.

„Сакам да најавам дека в година ќе почнеме да го развиваме проектот ‘Купи куќа за млади’, кој треба да им овозможи на многу млади брачни двојки да стекнат сопствен дом по исклучително поволни услови. Затоа ги спремаме плановите и по Нова година, ќе излеземе со конкретни предлози во кои општини ќе може тоа да се реализира и на кој начин ќе може младите брачни двојки да добијат подршка и помош за сопствен дом“, изјави Николоски.

Тој денеска се обрати на настанот во организација на Сојузот на стопанските комори поврзан со иновативни решенија за паметни домови.

„Иновативните предлози значат забрзување на стопанскиот и економскиот раст. Дополнително, има уште еден сегмент, кој се однесува на дуалното образование и мислам дека тоа е клуч за генерациите што доаѓаат и нешто што треба да даде нова можност за македонската економија. Тука ги вклучуваме и иновативните решенија во однос на начинот на градење и изведба на објекти. Ние како Влада стоиме на располагање со цел да дадеме подршка на вакви иницијативи“, истакна Николоски.

Првиот предлог Буџет за 2025 година на актуелната власт на ДПМНЕ е расипнички, недомаќински и наместо за граѓаните направен е само за задоволување на власта. Буџетот е тежок 6,5 милијарди евра, толку планира власта да земе од граѓаните и да потроши. Но, наместо за поголеми плати на работниците, повисок животен стандард на граѓаните, образование, здравство, власта ги зголемува трошоците за службени возила и луксуз за дури 75%, истакна Сања Лукаревска, пратеничка на СДСМ.

За купување мебел, според неа, власта предвидува 5 пати повеќе пари во исто време кога ги зголемува глобите и административните такси за нови 11 милиони евра.

Владата, нагласува Лукаревска, предвидува зголемување и на непродуктивните трошоци за стоки и услуги а во истиот момент ги крати капиталните расходи во клучни сектори како образованието и здравството.

„Парите за чист воздух, намалени за дури 51% а парите за заштитна на животна средина за 25%. Тоа значи дека актуелната власт нема намера да преземе ништо додека граѓаните се гушат. Расипничкото однесување се случува во услови на високо ниво на јавниот долг кој со новите долгови ќе ја надмине границата од историски највисоко ниво на јавен долг од 70,8%. Намалени се и парите за поддршка на домашните компании од 340 на само 220 милиони денари. Истовремено парите за поддршка на странски компании се зголемени. Оваа политика на запоставување на домашните компании и фаворизирање на странските ги става македонските работници во подредена позиција, води кон економска нееднаквост и ниски плати. Дополнително, во Буџетот ги нема ниту најавените 250 милиони евра за општините. Парите за земјоделството се намалени за 15,7% а програмата за рурален развој се намалува за 10 пати“, оценува пратеничката на СДСМ.

СДСМ како одговорна опозиција, додава таа, со поднесување на над 200 амандмани се бори за граѓаните и подобрување на Буџетот за се обезбедат економски раст, поголеми плати и подобар животен стандард.

Бараат, зголемување на платите во секторите каде вработените се од витално значење за услугите на граѓаните, како образованието, јавниот сектор, полицијата, пожарникарите. За вработените во Министерството за внатрешни работи бараат покачување на платите за 20%, како и средства за набавка на современа технолошка опрема за зголемување на безбедноста на граѓаните.

„Во здравството, амандманите предвидуваат: набавка на нова медицинска опрема, подобрување на капацитетите на Итната медицинска помош, доусовршување на лекарите и медицинскиот персонал. Апарати за магнетна резонанца, инсулински пумпи, кислородни боци, комплети за прва помош итн. СДСМ верува дека овие амандмани ќе придонесат за поефикасно искористување на буџетските средства и ќе обезбедат реален економски и социјален напредок“, нагласи Лукаревска.

Денеска, како што информира, почнува амандманската расправата, „со аргументи и факти силно ќе ги браниме овие амандмани во македонското Собрание и ќе бараме поддршка за нивно усвојување“, потенцира пратеничката на СДСМ.