Економија
Фабриката „Maya“ на тешко пристапен терен крие совршен спој на младост и искуство
Предизвик за секоја компанија е да направи совршен спој на младоста и искуството, да создаде тим што ќе внесе иновативност во процесот на работа воден од знаењето на искусните професионалци. Предизвикот станува уште покомплексен доколку тој тим треба да работи на тешко пристапен терен, далеку од урбаната средина, на локација опкружена со бујна вегетација. Токму овој предизвик успешно го совлада менаџерскиот тим на компанијата „МЛ-Гари“, компанија што ја пакува и полни водата за пиење „мaya“, позната како природна вода за пиење која се полни од еколошки најчистиот регион во Македонија и пошироко – во дебарското село Гари.
Тимот вработени во компанијата „МЛ-Гари“ го сочинуваат 30 лица, од кои најголемиот дел се вработени таму уште од самиот старт на гринфилд инвестицијата – изградба на најмодерна фабрика за полнење и пакување вода во селото Гари. Оваа фабрика е изградена на тешко пристапен терен на надморска височина од 905 метри, сместена во шумските пазуви на Стогово. Локацијата е стратешки избрана за да биде блиску до планинскиот извор на водата Maya којшто се наоѓа на 1.200 метри надморска височина. За вработените, локацијата на фабриката не е никаква пречка за да функционираат беспрекорно. Напротив, природното опкружување, модерниот објект кој е изграден од природни материјали, но и бројните удопства што им ги нуди на вработените, за нив се мотив плус при извршувањето на секојдневните работни задачи.
Од нејзиното формирање, компанијата „МЛ-Гари“ постави стратегија која се потпира на искуството на етаблирани професионалци во својата област, но истовремено им дава можност на млади кадри да го искористат своето знаење, да стекнат нови искуства, да се надградуваат, како и да напредуваат во кариерата. Денес овој тим може да се пофали дека стои зад премиум брендот Maya, препознатлив по својот квалитет и врвната технологија која се користи за оваа вода да стигне од планинскиот извор до потрошувачите.
За вработените, работењето на брендот Maya е секојдневно задоволство исполнето со многу предизвици. Методија Илиевски станал дел од тимот на Maya со веќе стекнато 15-годишно искуство работејќи во продажба за реномирани домашни компании-застапници на мултинационални брендови. Илиевски работи како директор на продажба во „МЛ-Гари“ и сето свое знаење и искуство го вложува за развој и пласман на брендот Maya.
– Понудата од менаџментот на Maya дојде во март 2017 година и со задоволство ја прифатив бидејќи сакав да дадам мој придонес во развојот на брендот, а воедно и да го збогатам моето искуство. По три години откако се појави на пазарот, поради фактот што потекнува од најчистиот регион во светот и се полни под строго контролирани услови и најмодерна технологија, Maya е единствениот македонски бренд во сегментот на води кој може да се оквалификува како премиум. Таа денес на домашниот пазар е позиционирана како премиум вода со пристапни цени до секој потрошувач – вели Илиевски.
Професионалната кариера на лабораторискиот биоинженер Стефан Костовски почнала во фабриката Maya, непосредно по неговото дипломирање на Фармацевтскиот факултет. Бидејќи Костовски потекнува од Дебар, дознал дека во близина на неговиот роден град се гради нова фабрика и својата лична биографија ја испратил до менаџментот на Maya. Кратко време после тоа, станал дел од оваа компанија, за која вели дека постојано се грижи за своите вработени, овозможувајќи им да ги надградат своите знаења и да напредуваат во кариерата работејќи во позитивна атмосфера и тимски дух.
– Покрај тоа, нашата компанија нуди и многу други поволности за своите вработени. Индустрискиот објект се наоѓа во еден од најживописните предели на земјава, на работ на националниот парк „Маврово“, сместен во пазувите на планините Бистра и Стогово. Архитектурата на објектот во кој е сместена фабриката е во хармонија со природата, при што делува многу позитивно и хармонично на секој посетител, особено на вработените. Сето тоа е надополнето со најмодерна технологија за производство и следење на квалитетот на природната, минерална вода, што несомнено претставува незаменлива инспирација за секој млад ентузијаст кој сака својата кариера да ја гради во ваков индустриски објект – вели Костовски.
Модерниот изглед, еколошките материјали и совршената вклопеност во околината беа главната причина поради која стручната архитектонска јавност ја избра зградата на фабриката Maya за најдобар архитектонски објект во 2017 година.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Димитриеска-Кочоска учествува на годишните средби на ММФ и на Светската банка во Вашингтон
Министерката за финансии Гордана Димитриеска-Кочоска од денеска ќе престојува во работна посета на САД, каде што ќе учествува на редовните Годишни средби на Меѓународниот монетарен фонд и Светската банка, коишто се одржуваат оваа недела во Вашингтон.
Посетата ќе биде можност министерката за финансии на средби со високи претставници од овие меѓународни финансиски институции да ги претстави економските и пред сѐ фискалните политики што ги спроведува Владата, напорите за фискална консолидација, за одржување макроекономска стабилност и за обезбедување одржлив економски раст. Согласно агендата, министерката ќе оствари средби со заменикот на генералниот директор на ММФ Бо Ли, извршниот директор Јерон Клик, замениците на извршните директори Марникс ван Рај и Владислав Рашкован, директорот на Европскиот оддел во ММФ Алфред Камер и шефот на Мисијата на ММФ за нашата земја Ник Гигинеишвили. Исто така, средби се предвидени и со потпретседателката на Светската банка Антонела Басани, извршниот директор на Светската банка Јуџин Ругенат, регионалната директорка за Западен Балкан, Европа и Централна Азија Шиаочин Ју и со директорката за земјава во СБ Карол Межеван.
Димитриеска-Кочоска во Вашингтон ќе има можност да оствари средби и со претставници на Трезорот на САД, со којшто е воспоставена соработка во насока на зајакнување на ефикасноста на институциите, како и со повеќе инвеститори коишто се вклучени во процесот на издавање еврообврзници.
Годишните средби на ММФ и СБ оваа година се одржуваат под мотото „Можност во време на промени“, а на нив учесниците, односно министрите за финансии, гувернери, претставници на бизнис-заедницата и на граѓанскиот сектор, академици и сл. ќе можат да се осврнат на актуелните состојби и на предизвиците во глобални рамки, како и на изнаоѓање можни решенија. На годишните средби во Вашингтон министерката за финансии учествува заедно со гувернерот на Народната банка Трајко Славески.
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 0,83 % во однос на одлуката од 6.10.2025 година.
Од 14.10.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 73,00 (денари/литар)
Моторен бензин ЕУРОСУПЕР БС – 98 75,00 (денари/литар)
Дизел гориво ЕУРОДИЗЕЛ БС (Д-Е V) 68,00 (денари/литар)
Масло за горење Екстра лесно 1 (ЕЛ-1) 67,50 (денари/литар)
Мазут М-1 НС 36,661 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 0,50 ден/лит.
Малопродажната цена на Мазутот М-1 НС се зголемува за 0,001 ден/кг и сега изнесува 36,661 ден/кг.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,358% и кај дизелот за 2,566%, кај екстра лесното масло за 2,450% и кај мазутот намалувањето е за 0,645%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,5110%.
Економија
Халкбанк со промотивна понуда за потрошувачки кредит
Халкбанк АД Скопје им овозможува на своите клиенти нова можност да ги реализираат своите желби и планови под поволни услови, преку промотивната понуда за Промо потрошувачки кредит, со фиксна каматна стапка за целиот период на отплата.
Новиот производ на Халкбанк е со максимален износ до 2 500 000 денари, со можност за отплата до 120 месеци, и камата што останува непроменета во текот на целиот период на отплата. За кредити со рок до 95 месеци, каматната стапка изнесува 5% фиксна, а за кредити со рок до 120 месеци – 5,7% фиксна, со вклучено осигурување (CPI или Живот + Незгода).
Кредитната способност за вработени лица изнесува до 50% од месечните примања, додека пензионерите можат да користат кредит до 600 000 денари, по фиксна камата од 5%, со рок на отплата до 120 месеци, и кредитна способност до 40% од износот на пензијата.
Покрај поволните услови, Промо потрошувачкиот кредит овозможува висок степен на заштита и сигурност, благодарение на вклучените осигурителни полиси за случај на несреќа, боледување или невработеност, издадени од Халк Осигурување АД Скопје или Триглав Осигурување – Живот АД Скопје.
Со вкупна стапка на трошок (СВТ) од 5,78% за кредити со рок на отплата до 95 месеци и 6,53% за кредити до 120 месеци, оваа промотивна понуда претставува една од најповолните и најсигурни можности на пазарот за реализација на лични цели и финансиски планови.
Промоцијата е со важност до 30 ноември 2025 година.
(ПР)
Почина Панчо од ДНК
Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што доби сериозни...
Извештаи за примени донации доставиле 35 отсто од учесниците во изборната кампања
Во согласност со Изборниот законик, учесниците во изборната кампања за локалните избори 2025 година имаат обврска да поднесат извештаи за...
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
„ЈО и Коцевски да одговорат дали дискотеката „Пулс“ платила 40.000 евра, дали Спасовски ја спасил од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или...
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс икс“ на Маск ја лансира единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области,...
Трамп го потпиша мировниот договор за Газа: „Поминаа 3.000 години за да се стигне до ова“
Американскиот претседател Доналд Трамп го потпиша првиот мировен план за Газа, изјавувајќи при потпишувањето: „Поминаа 3.000 години за да се...
ЕУ отвора центри за вештачка интелигенција во Македонија и Србија
Претседателката на Европската комисија, Урсула фон дер Лајен, денеска најави дека Европската унија ќе отвори две „ВИ фабрики“ (центри за...
Поранешен дечко со оружје дошол пред домот на девојка во Гевгелија, полицијата го спречила
Полицијата во Гевгелија денеска спречи обид за убиство на девојка од нејзиниот поранешен партнер. Според информациите на Министерството за внатрешни...
Алиу лично е за токсиколошка проверка да биде законска за сите лекари, но не знае дали правно може да се дефинира
Министерот за здравство Азир Алиу лично смета дека треба да се додаде законска обврска за токсиколошки анализи на сите лекари...
Јован Божиновски назначен за нов директор на Клиникaта за неврологија, соопшти Алиу
Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен...
Ѓорѓиевски дискотеките ќе ги извади на периферијата, младите брачни двојки ќе бидат 100 % ослободени од комуналии ако градат куќа
Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо...
Новата грејна сезона официјално почнува на 15 октомври: испораката на топлинска енергија ќе зависи од атмосферските услови
Од 15 октомври, официјално почнува грејната сезона 2025/2026 година за сите потрошувачи приклучени на системот за централно греење во градот...
Инспектор од Тетово уништувал докази во постапка против неговиот син кој бил уапсен за трговија со дрога
Полицијата поднесе кривична пријава против двајца инспектори од Отсекот за недозволена трговија со дрога и оружје при СВР Тетово за...
Граѓаните да се пријавуваат на vakcinacija.mk за вакцинирање против сезонскиот грип
Во тек е дистрибуција на вакцините против сезонски грип низ јавните здравствени установи, граѓаните може да се пријавуваат на апликацијата...
На полноќ завршува објавувањето резултати од анкетите за локалните избори
Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, резултатите од испитувањата на јавното мислење...
