Економија
„Форбс“: Драстичен раст на бројот на милијардери во Москва

Иако и војната во Украина, но и западните санкции против Русија и голем дел од најбогатите луѓе во Русија се во полн ек и остануваат во сила, Москва се искачи на високото шесто место на листата најатрактивни градови за супербогатите во светот на магазинот „Форбс“.
Руската престолнина годинава е дом на 61 милијардери, што е за осум повеќе од 53 во 2022 година, според најновото рангирање на „Форбс“, што ѝ донесе скок од едно место на листата во споредба со минатата година.
Вкупната нето-вредност на најбогатите жители на Москва наводно изнесува 307,1 милијарди долари, што е за 92 милијарди долари повеќе од 215 милијарди долари минатата година.
Податоците покажуваат дека речиси две третини од најбогатите московјани забележале зголемување на своето богатство, двајца се во истата финансиска состојба како и во 2022, а само двајца забележале намалување на богатството.
Во Москва има 15 милијардери повратници, меѓу кои и Роман Троценко (3,2 милијарди долари), сопственик на корпорацијата „Аеон“, која управува со повеќе од 20 аеродроми во Русија, металуршките магнати Анатолиј Седих (1,8 милијарда долари) и Дмитриј Пумпјански (1,7 милијарда долари), како и Сергеј Кациев (1,6 милијарда долари), сопственик на најголемиот продавач на тутунски производи во Русија.
Сопственикот на рударскиот гигант „Норилск никел“, Владимир Потанин, (23,7 милијарди долари) го зазеде местото на Владимир Лисин (22,1 милијарди долари) како најбогат московјанин.
Најбогат Русин на светот, пак, според „Форбс“, е Андреј Мелниченко со семејството, чија нето-вредност е проценета на 25,2 милијарди долари и се најде на 58. место на листата.
Во однос на вкупната нето-вредност на најбогатите жители, Москва е на третото место во светот по Њујорк и Париз, чија вкупната нето-вредност на најбогатите жители изнесува 617, односно 409 милијарди долари.
Како дом на 101 милијардер со вкупна нето-вредност од 616,8 милијарди долари, Њујорк го зазеде првото место на листата, а по Големото јаболко, следуваат Хонг Конг (70 милијарди долари), Пекинг (68 милијарди долари), Шангај (65 милијарди долари) и Лондон (63 милијарди долари).
Најбогатите жители на овие градови се Мајкл Блумберг (94,5 милијарди долари), Ли Ка-Шинг (38 милијарди долари), Жанг Јиминг (45 милијарди долари), Колин Женг Хуанг (30,2 милијарди долари), и Лен Блаватник (32,1 милијарди долари).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
УЈП: Даночните обврзници имаат рок до петок да поднесат ДДВ – 04 пријави

Даночните обврзници имаат рок до петок да поднесат ДДВ – 04 пријави, потсетува Управата за јавни приходи.
„Со цел да се обезбеди непречено поднесување на ДДВ-04 пријавите за овој даночен период, ИТ тимовите на УЈП ќе работат и во попладневните часови. Процесот на поднесување на ДДВ – 04 пријавите се одвива непречено и заклучно со вчерашниот ден, 22 април 2025 година од очекуваните 40.885, вкупно 12.202 даночни обврзници поднеле ДДВ-04 пријави, што претставува близу 30% од вкупниот број на даночни обврзници кои треба да поднесат ДДВ-04 пријави“, влеат од УЈП.
Од таму апелираат даночните обврзници кои имаат обврска да поднесат ДДВ-04 пријави за овој даночен период, а сè уште не ги поднеле истите, уште денес да ја достават потребната документација до сметководителите со цел до законскиот рок 25 април 2025 година (петок) да ги исполнат своите даночни обврски.
„Навременото поднесување на ДДВ-04 пријавите не е само законска обврска, туку и клучен фактор за финансиска стабилност и градење на довербата во институциите“, велат од УЈП.
Економија
Извршена исплата од 224.748.332 денара кон 7.826 лица за остварено производство на овошје

Денеска се изврши исплата од 224.748.332,00 денари кон 7.826 лица.
Исплатата како што информираат од Министерството за земјоделство, се однесува на дополнителните директни плаќања за остварено производство на овошје, мерка 1.9 Дополнителни директни плаќања од подмерка 1.8. за остварено производство на овошје од Програмата за финансиска поддршка во земјоделството за 2024 година.
Корисници на оваа подмерка се земјоделските стопанства кои имаат засадени површини со следните овошни видови: јаболка, слива, праска, вишна, цреша, кајсија, круша, јапонско јаболко, лешник, орев, бадем и калинка, а оствареното производство е предадено на регистриран откупувач, вклучително и произведените овошни култури за потребите на сопствениот преработувачки капацитет или е користено за домашни потреби или е продадено на пазар.
Грижата кон земјоделецот продолжуваме да ја покажуваме на дело, велат од МЗШВ.
Економија
Се намалува цената на мазутот, а на дизелот и на бензините не се менува

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,11 % во однос на одлуката од 14.04.2025 година.
Од 23.4.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 71,50 (денари/литар)
Моторен бензин ЕУРОСУПЕР БС – 98 73,50 (денари/литар)
Дизел гориво ЕУРОДИЗЕЛ БС (Д-Е V) 64,00 (денари/литар)
Масло за горење Екстра лесно 1 (ЕЛ-1) 64,00 (денари/литар)
Мазут М-1 НС 36,780 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Малопродажната цена на Мазутот М-1 НС се намалува за 0,212 ден/кг и сега ќе изнесува 36,780 ден/кг.
Напоменуваме дека ова се максималните цени на нафтените деривати од 00:01 часот на 23.4.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,969%, кај дизелот за 3,456%, кај екстра лесното масло за 2,637% и кај мазутот зголемувањето е за 2,133%.
Курсот на денарот во однос на доларот во изминатиот период по кој беа формирани цените со претходната пресметка е понизок за 3,0273%.