Економија
Халкбанк едуцира: Како да ја изберете банката во којашто ќе бидете примател на плата?

Во деловните стратегии на денешното модерно банкарство сè повеќе примарно место зема ориентацијата кон клиентите и создавањето долгорочни партнерски релации со нив. Овој вид партнерство подразбира водење грижа за нивните потреби и креирање производи што соодветно ќе одговорат на тие потреби и барања и воедно ќе го олеснат нивното секојдневие. Како што и самиот слоган на Халкбанк – „Важни се луѓето” вели, за Банката најважно е негувањето на односите со клиенти и воведувањето иновативни решенија за сите предизвици со кои клиентите се соочуваат.
Клиентот ја започнува својата приказна со една банка преку отворање трансакциска сметка, за вршење најразлични тековни трансакции и за примање на плаќања врз основа на личен доход или пензија. Примањето плата или пензија во една банка отвора и многу полиња за понатамошна соработка со институцијата, односно нуди голем број привилегии и бенефиции за клиентот.
Првата предност за примателите на плата преку Халкбанк е добивањето Mastercard Debit Contactless дебитна картичка со којашто клиентите можат да подигнуваат готовина од банкоматите на сите банки во земјата без провизија. Оваа можност нуди целосна слобода за клиентот бидејќи секој корисник своите средства може да ги подигне од најблискиот банкомат.
Со добивање плата преку сметка во Халкбанк се добива и можност за дозволено пречекорување на тековната сметка во висина до три месечни плати, кое секако не мора да се користи, но е „секогаш на дофат“ доколку се појави непредвидлива потреба за средства. Исто така, клиентот може да стане корисник и на некоја од кредитните картички од светските брендови Visa и MasterCard со кои не само што секогаш се има „сигурна резерва„ на средства, туку истите нудат и можност за пазарување на рати без камата во мрежата на трговци со кои Банката има склучено договор за плаќање на рати без камата и голем број други бенефиции кои ги нуди секоја картичка поединечно. За корисниците на кредитни картички Халкбанк ја има креирано и Бонус програмата со којашто при пазарување со кредитната картичка на одредени продажни места и во одредени периоди се добива одреден процент на бонус поени. Бидејќи 1 бонус поен вреди 1 денар, на овој начин се остваруваат средства кои потоа може да се искористат на кое било продажно место каде постои ПОС-терминал на Халкбанк.
За полесно управување со средствата на трансакциската сметка на клиентот, Халкбанк нуди и современо, брзо и сигурно електронско и мобилно банкарство кое овозможува добивање нотификации за примена плата како и за секој прилив и одлив, но и извршување на сите останати обврски online .
Преку електронското и мобилното банкарство, клиентот може во неколку едноставни чекори да креира и Онлајн депозит или пак да добие дополнителни средства на својата сметка без физичка посета на Банка преку Онлајн кредитот на Халкбанк.
Електронското и мобилното банкарство на Банката нудат услуга и за брзо и лесно префрлување на средства на контакт од телефонскиот именик на клиентот кој има активна сметка во Халкбанк преку услугата Smart Send. Исто така како корисник на електронското и мобилното банкарство преку услугата Смарт кеш клиентот може да повлекува готовина од банкомат на Халкбанк само со код кој се генерира преку електронското и мобилното банкарство, а без физичко поседување на картичката во моментот.
Секако, како приматели на плата во Банката клиентите ги добиваат и кредитните производи на банката по најдобри услови на пазарот, како Станбен кредит или Потрошувачки кредит кој може да се добие во брза процедура.
Донесувајте разумни одлуки, одберете партнер кој ќе внимава на вас и на сигурен начин ќе води грижа за вашите финансии и секако искористете ги многубројните поволности кои Халкбанк ги нуди за своите клиенти. Станете примател на плата или пензија во Банката и бидете дел од Халкбанк смејството.
ПР-текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Лагард предупредува: Економијата на ЕУ зависи од странските работници

Претседателката на Европската централна банка (ЕЦБ), Кристин Лагард, изјави дека приливот на странски работници во изминатите години значително ја поттикнал економијата на еврозоната, помагајќи да се надомести намаленото работно време и падот на реалните плати.
Говорејќи на годишниот симпозиум на Федералните резерви на САД, што се одржува во Џексон Хол, сојузната држава Вајоминг, Лагард нагласи дека миграцијата кон Европската Унија довела до рекорден број жители и покрај негативниот природен прираст.
„Странските работници дадоа значителен придонес за европската економија. Тие овозможија да се компензираат структурните предизвици, како што се пократкото работно време и пониските плати во одредени сектори“, изјави Лагард.
Таа додаде дека иако растот на бројот на работници ја поддржа економската стабилност, одредени влади на земјите-членки воведуваат ограничувања за нови мигранти, поради зголемено незадоволство кај дел од локалното население.
Според Лагард, оваа динамика ќе остане еден од клучните фактори во обликувањето на идните економски и социјални политики во Унијата.
Економија
Македонија е големо градилиште, над 1.200 проекти во општините, велат Перински и Николоски

Во моментов целата Македонија е едно големо градилиште, а само во општините се реализираат повеќе од 1.200 активни проекти поддржани од Владата и Министерството за транспорт, истакна Александар Николоски, потпретседател на ВМРО-ДПМНЕ и министер за транспорт, на Саем-Отчетот на градоначалниците на ВМРО-ДПМНЕ.
„Тоа се само проекти преку Министерството за транспорт, а да не зборуваме за големите инфраструктурни проекти како автопатите Охрид-Кичево, Кичево-Букојчани, Букојчани-Гостивар, Гостивар-Тетово, Прилеп-Битола, како и експресните патишта Прилеп-Градско и Куманово-Крива Паланка. Сега започнатите проекти се завршуваат, а граѓаните гледаат резултати“, рече Николоски.
Министерот подвлече дека ова ја враќа самодовербата кај граѓаните и покажува дека Македонија е способна да води големи проекти.
„Не е само патната инфраструктура, туку и железничките линии, аеродромите, авио линиите и обновливите извори за енергија. Во помалку од година дена завршивме еден проект со вредност од половина милијарда евра“, додаде тој.
Министерот за локална самоуправа, Златко Перински, истакна дека Владата финансирала околу 1.200 проекти во сите општини.
„На првиот повик беа пријавени 288 проекти, од кои 137 се завршени. На вториот повик беа поднесени 887 апликации, а прифатени беа 828 проекти. Кумулативно, тоа се околу 1.200 проекти кои се реализираат со помош на централната власт“, рече Перински.
Министерот додаде дека општините се соочувале со големи предизвици и немале поддршка од претходната власт.
„Ние им помогнавме да ги детектираат проблемите, да обезбедат одржливост и да ги реализираат поголемите проекти. Секој градоначалник се бори да направи што е можно повеќе, а по изборите се надеваме дека мотивацијата ќе биде уште поголема“, рече Перински.
Економија
Вреди: Поддршка за 200 нови зелени работни места во микро, мали и средни претпријатија

Од Вреди како коалициски партнер на Владата денеска објави историска мерка за поддршка на создавање нови работни места преку зелени инвестиции, во соработка со Министерството за економија и труд и Агенцијата за вработување.
Оваа мерка ќе овозможи вработување на 200 невработени граѓани во микро, мали и средни претпријатија, кои ќе добијат финансиска поддршка преку неповратен грант од 250.000 до 750.000 денари, во зависност од бројот на новите работни места: 250.000 денари за едно работно место, 500.000 за две и 750.000 за три.
Грантовите ќе овозможат компаниите да инвестираат во нова опрема и машини, софтвер и лиценци, како и технологии за обновлива енергија и материјали за енергетска ефикасност. На тој начин, мерката создава не само работни места, туку и зелени работни места кои придонесуваат за одржлива економија.
Јавниот повик е отворен за сите микро, мали и средни претпријатија кои ги исполнуваат законските услови, со приоритет за стратешките сектори: преработувачка индустрија, земјоделство, шумарство, водостопанство, водоснабдување и управување со отпад, градежништво и транспорт. Апликациите можат да се поднесуваат до 1 септември секој работен ден од 08:00 до 14:00 часот во Центрите за вработување низ целата земја, а сите информации се достапни на веб-страницата на Агенцијата за вработување.
„Ова е чекор кој покажува дека владата не се мери со слогани, туку со резултати. Инвестираме во вработување, развој, зелена економија и безбедна иднина за сите. Ова е промената што ја ветивме – влада која работи со срце и визија“, се наведува во соопштението.