Економија
Целосна електрификација! Со својата палета од 100 проценти електрични комерцијални возила, PEUGEOT се стреми да биде лидер на пазарот
Електричната револуција за професионалците започна: брендот PEUGEOT сега нуди гама од 100% електрични комерцијални возила. Електричните комерцијални возила на PEUGEOT задржуваат 100% од функционалноста на конвенционалните дизел верзии, но генерираат нула бучава, нула вибрации, нула емисии и нула мирис на гориво. Ова е доволно за радикално да се промени животот на корисниците и нивната околина.
Со оваа комплетна палета од 100% електрични комерцијални возила, еден од првите на пазарот, PEUGEOT се стреми да биде лидер во продажбата на целосно електрични комерцијални возила во Европа до 2022 година.
Целта е да се понуди ново ниво на спокојство на професионалците и да се намалат традиционалните форми на загадување, во време кога актуелните општествени трендови бараат сè повеќе и повеќе комерцијални возила во урбаните средини.
PEUGEOT ќе испорача 4.000 електрични возила во Европа до 2021 година, а веќе има резервирани нарачки од 10.000 возила.
За дополнително да ја подигне свеста за својата електрична понуда и нејзините придобивки кај професионалците, PEUGEOT наскоро ќе ја претстави новата посветена рекламна кампања низ целиот континент, која ќе биде лансирана во ноември.
100% електрични возила: целата гама на PEUGEOT на комерцијални возила сега стана електрична, со пристигнувањето на комерцијалното возило e-PARTNER и големото електрично комерцијално возило e-BOXER оваа есен. Тие се придружуваат на комерцијалното возило e-EXPERT лансирано минатата година и наградено со наградата „Интернационално комерцијално возило за 2021“.
Уникатна карактеристика на сите електрични комерцијални возила на PEUGEOT е тоа што тие не прават компромиси во однос на корисен волумен или практичност во споредба со дизел верзиите, а истовремено ги нудат сите предности на електричниот мотор: пониски трошоци, леснотија на возење, брз пренос, висок вртежен момент, целосно отсуство на бучава, вибрации, мириси на гориво и емисии. Експертите му ја доделија титулата комерцијално возило на годината на сосема новиот PEUGEOT e-PARTNER во Велика Британија откако WhatCar и Van & Commercial Vehicle of the Year Award ги наградија трите возила на брендот, PARTNER, EXPERT и BOXER, за нивната практичност во нивните соодветни категории.
Покрај овие 100% електрични возила, PEUGEOT ќе започне и со производство на своето прво електрично комерцијално возило со горивни ќелии, e-EXPERT HYDROGEN, пред крајот на годината. Со ова, брендот ќе ја прошири својата понуда на најнапредните технологии за електрификација. „Најавивме и ја исполнивме обврската за палета на 100% целосно електрифицирани комерцијални возила возила до крајот на 2021 година, што Stellantis е првиот што го направи тоа. За да одговориме на другите потреби на клиентите, ќе понудиме „водородна горивна ќелија“ на нашето комерцијално возило во наредните недели, што ја покажува нашата постојана посветеност на иновациите“, нагласува Xavier PEUGEOT, извршен директор на деловната единица на комерцијални возила на Групацијата Stellantis.
Во следните недели, PEUGEOT ќе започне голема меѓународна комуникациска кампања во чест на претприемачите и занаетчиите. Тие ќе бидат прикажани во мини филм, кој ги претставува во еден среќен и спокоен работен ден, пропратен со трите електрични комерцијални возила на PEUGEOT со нула емисија: e-PARTNER, e-EXPERT и e-BOXER. Меѓународната кампања ќе го носи новиот потпис “For the Day Ahead” на кампањата за комерцијални возила на Peugeot Professional и ќе се базира на видео https://youtu.be/MZpP0sqolAA , кое ги прикажува логоата на компаниите на корисниците на електрични комерцијални возила на PEUGEOT во градскиот реон. Кампањата ќе биде придружена со дигитално рекламирање, како и печатени материјали, а првично ќе биде лансирана во Швајцарија, Холандија и Обединетото Кралство.
Linda JACKSON, извршен директор на брендот PEUGEOT, изјави: „PEUGEOT е посветен да биде водечки играч во промената и трансформацијата на деловниот сектор со целосно електричните комерцијални возила. Очигледно, трошоците за користење се многу силен аргумент за корисниците, но ние исто така покажуваме дека електричните комерцијални возила се задоволство за возење: за нивниот возач, кој е отворен за ново, спокојно возачко искуство, и за сите околу нив, кои имаат корист од мирна средина, без бучава и мирис на гориво“.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маркетите со закон ќе бидат обврзани да ги објавуваат цените на веб-страниците, вели Мицкоски за мерката што не се применува
Маркетите законски ќе бидат обврзани на веб-страници јавно да ги објавуваат цените на сите производи што ги нудат. Оваа мерка, која лично премиерот Христијан Мицкоски ја предложи, беше најавена во последниот пакет-мерки за намалување на цените на производите, но сè уште не се применува оти се потребни законски измени.
„Во парламентот ќе имаме законски измени, треба првин тие да се донесат за да може потоа сето ова да се примени. Иако тоа наиде на потсмев кај одредени медиуми и кај опозицијата, таканаречениот израелски модел, гледаме доста од европските влади веќе го прифаќаат како таков. Ние бевме меѓу првите, во собраниска процедура е измената на законот. Откога ќе биде завршена и донесен законот, сметајте дека тие ќе бидат обврзани и ќе мора да го почитуваат сето тоа“, рече премиерот Мицкоски одговарајќи на новинарски прашања денес во Владата.
Објавувањето на цените на сите производи како мерка премиерот Мицкоски го предложи пред две недели за да може граѓаните јасно да видат колкави се цените и да одлучуваат каде ќе пазаруваат.
Економија
Според пратениците од ВМРО-ДПМНЕ, лицемерен бил предлогот на СДСМ за намалување на ДДВ-то на храната и струјата
Лицемерни се предложените измени од пратениците од СДСМ за намалување на ДДВ-то на храната и струјата, изјави Игор Здравковски од пратеничкта група на ВМРО-ДПМНЕ откако владејачкото мнозинство не даде поддршка за овој предлог во законодавниот дом.
Од ВМРО-ДПМНЕ велат дека по седум години власт, социјалдемократите предлагаат мерка за намалување на ДДВ на храната и струјата, а претходно ги зголемија стапките на ДДВ на стотици артикли.
„Во ситуација на енергетска криза, кога цената на берзите беше над 800Е за MWh, тие беа глуви на барањата на потрошувачите, на опозицијата и на граѓаните, па не дадоа ниту време, ниту модус да застанат на страна на граѓаните. Напротив, го искористија моментот да го искрадат и уништат енергетскиот сектор преку матни тендери. Економските и енергетските генијалци, успеаја цената на производот на електрична енергија да ја качат од 45Е на 133Е за MWh. Денес цената на струјата е стабилна, а покачувањето е 1,48 отсто во последните 8 месеци“, рече Здравковски.
Како што додаде, со активните мерки со ограничување на маржите ќе има запирање на инфлацијата на храната, а со тоа и заштита на стандардот на граѓаните.
До СДСМ порача, наместо да се однесуваат лицемерно,во иднина да ги прифатат мерките на Владата и конструктивно заедно да работат за доброто на граѓаните.
Предлогот на СДСМ предвидуваше намалување на ДДВ-то за струјата, што, како што велат предлагачите, ќе значеше 13 отсто пониски сметки за над 600 илјади домаќинства. За сметка од 3.000 денари, граѓаните ќе заштедеа 400 денари месечно, а за повисоките сметки, заштедата ќе беше уште поголема. Истото тоа важи и за основните прехранбени производи. Пратеникот Фатмир Битиќи изјави дека нмалувањето на ДДВ на нула проценти ќе значеше директно поевтинување на храната, односно над 3.000 производи ќе беа поевтини, меѓу кои лебот, брашното, млекото, јајцата, маслото, шеќерот и сите други основни продукти што секојдневно ги купуваат граѓаните.
Економија
Од полноќ поевтинуваат горивата
Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,256% или за 9,300 $/тон, кај дизелот намалувањето е во просек за 0,356% или за 2,550 $/тон, кај екстра лесното масло намалувањето е во просек за 0,325% или за 2,300 $/тон и кај мазутот зголемување во просек за околу 0,247% или за 1,200 $/тон, поради што во структурата на цените на нафтените деривати е извршено соодветно прилагодување.
Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 20.02.2025 година и со тоа, малопродажната цена на ЕУРОСУПЕР БС-95 изнесува 79,00 ден/лит, додека малопродажната цена на ЕУРОСУПЕР БС-98 изнесува 81,00 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ1), се намалуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 20.02.2025 година и со тоа малопродажната цена на ЕУРОДИЗЕЛ (Д-Е V) изнесува 73,50 ден/лит, додека малопродажната цена на Екстра лесното масло за домаќинство на (ЕЛ-1) изнесува 73,00 ден/лит.
Малопродажната цена на Мазутот М-1 НС, се намалува за 0,012 ден/кг, во однос на малопродажната цена утврдена со одлуката за утврдување на највисоки малопродажни цени на
нафтените деривати и горива за транспорт од 20.02.2025 година и со тоа малопродажната цена на Мазутот М-1 НС изнесува 46,178 ден/кг.
Мицкоски ја повика ДУИ да достави докази за наводната корупција: Апсолутно имам доверба во работењето на господинот Меџити
Премиерот Христијан Мицкоски вели дека има исклучително блиска и непосредна соработка со министерот за животна средина, Изет Меџити, кого ДУИ...
Македонија е коспонзор на резолуцијата на САД за Украина
Македонија е една од земјите што се коспонзор на предлог-резолуцијата на САД за Украина, а истовремено Европската Унија, предводена од...
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги...
Украина: Во завршна фаза сме од преговорите за договорот за минералите
Украина и САД се во последна фаза на преговори за договорот за минералите, изјави украинскиот вицепремиер Олха Стефанишина. Зеленски претходно...
Ако маркетите ги објавуваат цените на сите производи на интернет, купувачите ќе бидат заштитени oд скриени трошоци, рече Стојаноски
Mаркетите да ги објвуваат сите цени на веб-страниците со цел подобра информираност на потрошувачот и олеснување на споредливоста на цените,...
Ја удирал по главата и телото со боксови и тупаници, па ја силувал: предложен притвор за 37-годишен скопјанец
Поради основано сомнение за сторено кривично дело – Полов напад и силување од член 186 став 3 во врска со...
Зеленски објави видео за годишнината од војната: „Три години апсолутно херојство“
Украинскиот претседател Володимир Зеленски ја одбележа третата годишнина од руската инвазија на Украина со објавување видео во кое се прикажани...
(Видео) Погодена рафинерија во Русија; Гувернерот: Остатоците од дрон го предизвикаа пожарот
Остатоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на...
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат до грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
„Воведувањето кривична одговорност за судиите е неопходна, тие не смеат да бидат недопирливи“, Левица бара власта да го поддржи нивниот предлог
„Покрај Предлог-законот за заштита на потрошувачите со кој Левица предлага да се укинат двојазичните декларации на производите, на утрешната собраниска...
