Во време кога животот е сѐ поскап, кога граѓаните секојдневно се борат за да го задржат својот животен стандард, Владата зададе нов силен удар врз нив – драстично поскапување на парното греење од над 5%! Ова е директен удар врз семејните буџети, во време кога трошоците за живот експлодираат, а платите остануваат исти, кажа денеска на прес конференција, Каја Шукова – потпретседателка на СДСМ.

„Над 200.000 граѓани во Скопје ќе добијат зголемени сметки за парно, и тоа поради барање на државната ЕСМ – истата таа компанија што Владата ја контролира! Треба на сите граѓаните да им биде јасно, само заради неспособност на Владата се покачува цената на парното кое можеше и требаше да биде спречено. Владата ветуваше евтин природен гас, но повторно излажа! Наместо да набави гас во јануари, кога цената на гасот во Европа беше околу 40 евра за мегават-час, Владата на Мицкоски набави гас за неверојатни 65 евра за мегават-час! Ако Владата навреме се погрижеше за поевтин енергенс, ова покачување немаше да се случи. Но, неспособноста и корупцијата повторно ги плаќаат граѓаните! Понатаму, квалитетот на парното е катастрофален. Радијаторите се млаки, чести се прекините во снабдувањето и оваа година имаме најслаб квалитет на испорачана топлинска енергија досега. Граѓаните плаќаат повеќе за услуга која е се полоша!“, истакна Шукова.

Според неа, ова поскапување ќе доведе до нова еколошка катастрофа.

„Граѓаните ќе бидат принудени да користат алтернативни и многу поштетни извори на греење, што значи дека загадувањето ќе расте! Наместо Владата да ја направи топлинската енергија подостапна и да ги охрабри граѓаните да останат на парно, таа со оваа мерка ги тера да бараат поевтини, но многу поштетни решенија. Во услови кога Скопје е прв на листата на најзагадени градови во светот, овие политики на Владата директно го загрозуваат животот на скопјани. Значи, ни стандардот, ни здравјето на граѓаните не ѝ се приоритет!“, вели Шукова и оцени дека „во изминативе осум месеци, Владата целосно го уништи животниот стандард на граѓаните“.

„Цените во маркетите растат без контрола а платите стагнираат. Владата немо го следи осиромашувањето на народот, без ниту една конкретна мерка за спас! Потрошувачката кошничка е сѐ поскапа, а граѓаните се оставени сами да се борат со невидена економска криза. Владата дозволи инфлацијата да го изеде приходите на македонските семејства, остави трговците да ги зголемат цените без никаква интервенција, а таа немо набљудува од страна. Мицкоски и ВМРО-ДПМНЕ не се достојни да водат држава бидејќи не се грижат за луѓето и нивните маки. Ова поскапување на парното е само уште една потврда во низа дека оваа власт работи исклучиво за своите елити, а граѓаните ги остава сами на милост и немилост на кризата. Нивната неспособност ја плаќаме сите ние“, заклучи Шукова.

Од денес граѓаните на главниот град ќе плаќаат поскапо парно, оваа вест вчера ја слушнаа граѓаните на Скопје, а Владата и енергетскиот дрим тим на Мицкоски очигледно ништо не прават да го заштитат стандардот на граѓаните, велат од НСДП.

„Владата предводена од Мицкоски не е способна да ги менаџира состојбите во енергетскиот сектор иако формираа Министерство за енргетика, за кое најавуваа дека директно ќе ја следи работата на ЕСМ. Ветуваа дека навремено ќе обезбедуваат ефтини енергетски ресурси, но покачувањето на цената на парното за над 60 илјади домаќинства е потврда дека овие луѓе не ги интересира стандардот на граѓаните.

Неспособноста на Владата навреме да обезбеди поефтин природен гас резултира со поскапи сметки за парно, во период кога граѓаните ги бојкотираат големите маркети заради превисоките цени на производите, ова е уште еден удар по нивниот џеб.

НСДП бара од Владата наместо да се приклучуваат на граѓанскиот бојкот заради големата скапотија, да ги донесат неопходните мерки за да ги заштитат граѓаните и нивниот стандард, затоа што се повеќе семејства многу тешко опстануваат од први до први.

Скапоплатените советници во Владата очигледно не ја чувствуваат скапотијата, а ако не знаат кои мерки треба да ги предложат за да помогнат на граѓаните, нека ги разгледаат мерките со кои претходната влада успешно се справуваше со енергетската и економската криза и успешно се справи со кризата за снабдување со топллинска енергија во главниот град.

Исто така, НСДП бара Владата да не седи по страна, туку да биде медијатор помеѓу синдикатите и работодавачите и да поддржи покачување на минималната плата за да се помогне на работниците со најниски плати кои оваа скапотија најтешко ја поднесуваат“, се вели во соопштението на НСДП.

Американскиот претседател Доналд Трамп денеска ќе воведе агресивни царини за главните американски трговски партнери.

Каролин Левит, прес-секретарот на Белата куќа, рече дека Доналд Трамп ќе воведе царини од 25 отсто за Мексико и Канада, како и 10 отсто за Кина, како одмазда за „нелегалниот фентанил што тие го купиле и дозволиле да се дистрибуира во нашата земја“.

Белата куќа даде неколку детали за тоа како точно ќе се проценат давачките, велејќи дека тие ќе бидат достапни за јавноста „во одреден момент во сабота“.

„Тоа се ветувања што ги даде претседателот и ветувања што ги одржа“, рече Левит.

Немаше споменати можни ослободувања од царински давачки; Белата куќа го негираше претходниот извештај на Ројтерс дека ќе има барем некои исклучувања, а не само општи мерки што ги покриваат сите производи.

Заедно, САД прават околу 1,6 трилиони долари годишно во бизнис со овие три земји. Трамп се обидува да ги користи тарифите како алатка за преговори и како метод за влијание врз промените во надворешната политика, особено за прашањата за имиграцијата и трговијата со дрога.

Волстрит: Индексот паѓа по објавувањето на тарифите

Индексот S&P 500 се откажа од добивките во петокот, бидејќи пазарот на Волстрит реагираше на веста дека агресивните царини на претседателот Доналд Трамп против главните американски трговски партнери ќе започнат во сабота.

Индексот на широкиот пазар падна за 0,5%, додека Dow Jones Industrial Average падна за 337 поени, или 0,8%, под притисок од падот на Chevron. Технолошкиот Nasdaq Composite падна за 0,4%.

На своите највисоки нивоа, синиот чип Dow беше во пораст за околу 170 поени. Реагираа акциите изложени на тие пазари, како што се Corona brewer Constellation Brands и мексиканскиот синџир на храна Chipotle, кои загубија 2% и 1%, соодветно, по веста.

„Ова е многу слично на она што го видовме во понеделникот, со DeepSeek, нели? Значи, имаше вести; „Првата реакција беше да се продаде“, рече Том Хајнлин, висок инвестициски стратег во US Bank Asset Management Group.

Инвеститорите, исто така, го свртеа своето внимание кон Apple, чии акции пораснаа откако компанијата ги надмина фискалните очекувања за првиот квартал. Додека Apple објави разочарувачки продажби на iPhone, приходите од услугите се чини дека заземале централно место. Последен пат со акциите се тргуваше за 1% пониско. Акциите на Chevron и Ekkon Mobil паднаа за 5% и 3%, соодветно, поради разочарувачките резултати во четвртиот квартал.