Економија
Што го врти светот: Чудни, а високо платени работни позиции кои се високо платени во светот, а и кај нас?

Кога размислуваме за аплицирање на одредено место, ретко помислуваме на работни позиции како: стилист за храна или мирисач на тоалетна хартија. Но вакви и слични работни позиции, се високо ценети и платени во светот.
Во првата епизода од поткастот „Што го врти светот“ со Јована Аврамовска Николовска и Дарко Велков, беа разгледувани неколку чудни високо платени работни позиции. Па така, за работа како пробувач на храната за кучиња би заработил од 40 до 73 000 долари во Америка, додека мирисач на тоалетна хартија би заработил до 52 000 долари годишно. Според Дарко Велков, доколку имате развиено чувство за вкус или мирис, вие лесно може да најдете и добра работа. Доколку се погледне македонскиот пазар сомелиерите, кои имаат развиено чувство за мирис и вкус, и кај нас се на цена. Дарко Велков најави и влез на компанија која работи со храна за миленици, на македонскиот пазар. Повеќе за високо платени работни позиции и чудни компетенции можете да слушнете во првата Епизода од „Што го врти светот“:
Поткастот е реализиран од Здружението за истражувања и анализи ЗМАИ, а истиот ќе можете да го слушате/гледате секој четврток на:
Youtube: https://youtu.be/0CQQtL2MKC4
Spotify: https://podcasters.spotify.com/pod/show/sto-go-vrti-svetot
Претплатете се на каналите со притискање „Subscribe“ за да добивате информации за најновите содржини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Трет ден хаос со „МојДДВ“, граѓаните револтирани, не можат да скенираат фискални сметки

Апликацијата „МојДДВ“ не функционира веќе трет ден, а револтирани граѓани масовно пријавуваат дека не можат да ги скенираат фискалните сметки и да го остварат своето право на поврат на ДДВ.
Проблемите со апликацијата започнаа уште пред неколку дена, а Управата за јавни приходи (УЈП) вчера официјално потврди дека станува збор за технички проблем и увери дека се работи на негово отстранување.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција“, велат од УЈП.
Од институцијата не прецизираат кога „МојДДВ“ ќе проработи, а засега корисниците се оставени да чекаат, со надеж дека нема да изгубат право на поврат на средства.
Во меѓувреме, на социјалните мрежи се појавуваат реакции од граѓани кои се жалат дека изгубиле време обидувајќи се безуспешно да ја користат апликацијата. Многумина бараат одговорност и транспарентност од институциите, но и посочуваат дека слични прекини во работата на апликацијата се случуваат сè почесто.
Економија
Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на отстранување на проблемот, со цел апликацијата да биде целосно функционална.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција. Ги молиме сите корисници за трпеливост и разбирање. Тимот на Управата за јавни приходи е целосно ангажиран и работи на надминување на техничките пречки“, соопшти Управата за јавни приходи.
Од таму не откриваат за какви технички проблеми се работи, ниту пак кога очекуваат да бидат надминати.
Економија
Мицкоски најави нова инвестиција во Штип

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос на најавата на директорот на Технолошко-индустриските развојни зони за 4 нови странски инвестиции, изјави:
„Во текот на вчерашниот ден, во разговор со директорот, имаме добра вест, нова инвестиција, потврдена во индустриската зона во Штип. Фабрика којашто ќе вработи до 150 луѓе. Фабрика којашто ќе инвестира некаде околу 35 милиони евра. Којашто во својот пик за три години од денес ќе извезува 300 милиони евра коишто ќе влезат во Бруто домашниот производ и ќе произведува батерии и тоа е добро. И тоа е добро, а за сите овие други, да имаме и потврди и полека ќе ги објавуваме. Ова е веќе договорено со инвеститорот и заради тоа го кажав, инаку фабриката е од земја од Европска Унија, да немаме дилема.“