Економија
„Јунајтед груп“ постигна договор за продажба на својата мобилна инфраструктура на компанијата „Тавал“
![](https://makfax.com.mk/wp-content/uploads/2023/04/thumbnail_Tawal_Acquisition_1200x600px-1.jpg)
Водечката телекомуникациска и медиумска компанија Јунајтед Груп која нуди широка лепеза на услуги во Југоисточна Европа, постигна договор за продажба на 100% од својата мобилна инфраструктура во Бугарија, Хрватска и Словенија („TowerCo“) на компанијата Тавал (анг. TAWAL), подружница на групацијата STC (анг. STC Group).
Со оваа трансакција “TowerCo” која се состои од повеќе од 4.800 мобилни кули, се вреднува со 1.220 милиони евра во готовина, што претставува EV / 2022 EBITDAal (пред МСФИ 16) повеќекратно од 20,1x.
Продажбата на мобилните кули од страна на Јунајтед Груп го следи трендот во индустријата за одвојување и монетизирање на инфраструктурата на мобилните кули од страна на телекомуникациските оператори во Европа и на глобално ниво. Приходите од продажбата ќе и овозможат на Јунајтед Груп значително да го прошири бизнисот, ослободувајќи готовински тек неопходен за иден раст. Трансакцијата ќе овозможи континуирано инвестирање во мобилната мрежа, вклучувајќи ги и плановите за воведување околу 2.000 дополнителни локации во следните 20 години, што ќе му овозможи на Јунајтед Груп долгорочно да продолжи да обезбедува висококвалитетни услуги за своите клиенти.
Трансакцијата е прва инвестиција направена од компанијата Тавал во европскиот телекомуникациски сектор.Тавал е најголемиот обезбедувач на интегрирана ИКТ инфраструктура во регионот на Блискиот Исток и Северна Африка и поседува портфолио од повеќе од 16.000 мобилни кули.
Во изминатите три години, Јунајтед Груп ја зацврсти својата позиција како водечка телекомуникациска и медиумска компанија која нуди широка лепеза на услуги во Југоисточна Европа. Успешно се прошири на постабилни и побогати пазари на ЕУ со значителни инвестиции во Грција, Бугарија и Хрватска. Компанијата управува со разновиден опсег на средства кои опфаќаат мобилни и фиксни интернет услуги, дополнително платена телевизиска програма и медиуми. Компанијата ќе се надоврзе на својата историја на успешни М&А и нејзината растечка репутација за обезбедување на висококвалитетни телекомуникациски и медиумски услуги и ќе бара дополнителни можности за проширување во ЕУ.
Викторија Боклаг, извршниот директор на Јунајтед Груп, изјави:
„Среќни сме што успешно ја прецизиравме вредноста на нашите кули во договор што ни овозможува да испорачаме и да се движиме по глобалните макроекономски притисоци. Ова ќе го поддржи континуираното инвестирање во нашите портфолио компании за да се осигура дека тие ќе останат конкурентни на нивните соодветни пазари. Среќни сме што
најдовме силен партнер во Тавал и ќе бараме дополнителни можности да работиме со нив додека го прошируваат своето влијание на европскиот пазар“.
Мохамед Алхакбани, извршниот директор на компанијата Тавал, изјави: „Ова партнерство со Јунајтед Груп ја означува нашата прва инвестиција на европскиот пазар. Партнерството ја поддржува нашата цел да продолжиме да обезбедуваме иновативни и ефикасни ИКТ инфраструктурни решенија за нашите партнери и да го испорачаме квалитетот на услугите по кои сме познати.
Олајан Алветајд, Главниот извршен директор на групацијата STC, изјави:
„Нашиот договор со Јунајтед Груп претставува возбудливо ново поглавје за компанијата Тавал и пошироката групација STC. Договорот е значајна пресвртница во нашата амбициозна стратегија за раст и во проширувањето на нашето меѓународно влијание. Ние веќе ја водиме трансформацијата на дигиталните капацитети на Саудиска Арабија и оваа трансакција ја зајакнува нашата посветеност да инвестираме во најдобрата технологија и инфраструктура во класата за да бидеме водечки фактор кој ќе овозможи светот да се поврзе“.
Никос Статопулос, Директор за Европа во BC Partners и Директор на Јунајтед Груп, изјави:
„Продажбата на бизнисот “TowerCo” на Јунајтед Груп претставува клучна пресвртница во процесот на Јунајтед Груп кон раст и проширување. Тоа овозможува Јунајтед Груп да се фокусира на континуирано инвестирање во своите телекомуникациски и медиумски услуги и инфраструктура“.
Јунајтед Груп е во мнозинска сопственост на BC Partners, водечка меѓународна инвестициска фирма. Во Северна Македонија, компанијата Тотал ТВ фиункционира како дел од Јунајтед Груп.
Голдман Сакс беше финансиски советник на Јунајтед Груп за трансакцијата. Јунајтед Груп ќе ги објави своите резултати за финансиската година во понеделник. Условите на трансакцијата вклучуваат долгорочни главни договори за услуги и договор за ниво на услуга за наше континуирано користење на инфраструктурата на телекомуникациските столбови по завршувањето на трансакцијата. Затворањето на трансакцијата е предмет на вообичаени услови и се очекува да се случи во текот на втората половина на 2023 година.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
(Фото) Во министерството за финансии се крои ребалансот на буџетот, работата тече и викендов
![](https://makfax.com.mk/wp-content/uploads/2024/07/Screenshot-2024-07-06-193859.jpg)
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани и непродуктивни трошења за она кое е попотребно и неопходно. Една од тие ставки е зголемувањето на пензиите од 2.500 денари од септември. Пари требаат и за капиталните проекти за општините. Според информациите, планирано е да бидат пренаменети 200 до 300 милиони евра.
„И овој викенд повторно работно во Министерството за финансии. Се работи на ребалансот на Буџетот. Секогаш во интерес на граѓаните на Македонија!“, напиша на Фејсбук министерката за финансии Гордана Димитреска Кочоска.
Економија
(Видео) Трипуновски: Земјоделските задруги се важни за решавање на проблемот со пласманот на производи
![](https://makfax.com.mk/wp-content/uploads/2024/07/Screenshot-2024-07-06-154913.jpg)
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги.
– Мораме да работиме да го развиваме задругарството, во моментов се наоѓаме во еден правен вакуум бидејќи законот за земјоделски задруги е укинат и се формираше еден посебен закон за задруги меѓутоа делот на земјоделските задруги остана недефиниран. – изјави Трипуновски.
На панел дискусијата се споделија неколку идеи за во која насока треба да се движат земјоделските задруги, а министерот Трипуновски ги презентираше мерките и проектите од владината програма за земјоделски задруги.
Преземавме обврска да веќе во наредниве месеци да го измениме законот за земјоделство и рурален развој каде што ќе ги дефинираме земјоделските задруги и нивното здружување. Ние во нашата владина програма имаме ставено фокус на задругарството преку разни мерки и проекти се со цел да овој начин на здружување биде еден од алките на решавање со пласманот на нашите земјоделски производи – заврши Трипуновски.
Економија
Димитриеска-Кочоска – Гир: Континуитет во поддршката од ЕУ, МФ ќе го искористи искуството за спроведување на реформскиот план
![](https://makfax.com.mk/wp-content/uploads/2024/07/05073.jpg)
Министерката за финансии, Гордана Димитриеска-Кочоска, денеска оствари средба со евроамбасадорот Дејвид Гир, на која соговорниците се осврнаа на реформите што ѝ претстојат на земјата во нејзиниот евроинтегративен процес.
На средбата беа разменети мислења за активностите што ги презема Министерството за финансии како институција, која е координатор во рамките на економско-финансискиот дијалог со ЕУ, како и за реформската агенда на земјата поврзана со новиот план за раст на Западен Балкан, активност што ја реализира Министерството за финансии заедно со Министерството за европски прашања.
„Министерството за финансии ги координира активностите во рамките на Економско-финансискиот дијалог веќе 10 години и во тој процес има континуитет. Тоа искуство ќе се искористи и во рамките на реформскиот процес поврзан со планот за раст на Западен Балкан“, рече министерката.
Таа изрази уверување дека реформите што се поврзани со Министерството за финансии во рамките на тој евроинтеграциски процес ќе бидат во фокусот на работата бидејќи тие значат и унапредување на процесите и приближување на земјата до ЕУ-стандардите.
Како што беше посочено, ЕУ е значаен поддржувач на земјата од нејзината независност и дека таквата поддршка ќе продолжи и во наредниот период.