Економија
Акциските индекси во минус и низок промет на берзата
Негативниот тренд кој преовладувале кај акциските индекси на денешното тргување беше придружен од низок вкупен промет од 10.147.651,47 денари.
Негативниот тренд кој преовладувале кај акциските индекси на денешното тргување беше придружен од низок вкупен промет од 10.147.651,47 денари. МБИ10 веќе четири дена по ред остварува намалување кое денеска изнесуваше 0,91%, додека неговата вредност се спушти на ниво од 2.796,34 индексни поени. МБИД прикажа негативна тенденција и при благо намалување од 0,19% вредноста изнесуваше 3.148,73 индексни поени. ОМБ беше единствениот индекс со пораст кој изнесуваше 0,34% позиционирајќи се на 111,84 индексни поени.Најликвидна од официјалниот пазар беше Алкалоид Скопје со промет од 2.259.040,00 денари. Просечната цена изнесуваше 4.816,72 денари, што значеше благо намалување од 0,17% на дневна основа. Ценовниот распон се движеше од 4.800,00 денари до 4.821,00 денари. Истргувани беа 469 акции кои се реализираа преку 17 трансакции.Втора според обем на тргување од официјалниот пазар беше Комерцијална Банка Скопје со промет од 1.808.000,00 денари. Просечната цена од 3.200,00 денари беше иста како и онаа од претходниот трговски ден. Истргувани беа 565 акции кои се реализираа преку 11 трансакции.На најликвидните од официјалниот пазар се придружи и државната обврзница за денационализација од осмата емисија со промет од 1.453.990,60 денари. Просечната цена изнесуваше 86,00% од номиналната вредност што претставуваше 1,18%. Истргувани беа 27.457 обврзници кои се реализираа преку две трансакции.И покрај тоа што беше најтргувана на редовниот пазар, акцијата на Македонски Телеком Скопје при промет од 857.406,00 денари забележа умерено намалување од 1,78%. Минималната цена изнесуваше 502,00 денари, а максималната 510,00 денари. Истргувани беа 1.695 акции кои се реализираа преку 12 трансакции.Послаб промет кој изнесуваше 780.510,00 денари оствари Тутунска Банка Скопје. Со просечната цена од 5.101,37 денари беше постигнато само минимално намалување од 0,03%. Истргувани беа вкупно 153 акции кои се реализираа преку 5 трансакции.Акционерското друштво за приредување игри на среќа и забавни игри ЛОТАРИЈА НА МАКЕДОНИЈА АД Скопје, на интернет страницата на берзата, соопшти дека од Комерцијална банка АД Скопје подигна кредит во износ од 15.000.000,00 денари за извршување на обврските и за обавување на тековните активности.Пет најтргувани хартии од вредност1. Алкалоид Скопје2. Комерцијална Банка Скопје3. Р.Македонија – Денационализација 084. Макпетрол Скопје5. Македонски Телеком СкопјеХартии од вредност со најголем раст1. Реинг Скопје 99,68%2. Ангропромет-тиквешанка Кавадарци 1,18%3. ЗК Пелагонија Битола 1,54%Хартии од вредност со најголем пад1. Макпетрол Скопје 3,76%2. Макстил Скопје 2,39%3. Винаркса визба Тиквеш Скопје 1,96%4. Стопанска Банка Битола 0,91%5. Гранит Скопје 0,76%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Дурмиши во Берлин: Северна Македонија нуди нови можности за странски инвестиции
Министерот за економија и труд, Бесар Дурмиши, денес учествуваше на панел-дискусија на тема „Можности за странски инвестиции во Северна Македонија“, што се одржа во Амбасадата на Република Северна Македонија во Берлин. Настанот беше организиран од Германско–македонскиот бизнис клуб (DNMBC) во соработка со Министерството за надворешни работи и надворешна трговија.
Министерот Дурмиши во своето обраќање истакна дека Северна Македонија се наоѓа во клучен развоен момент, во кој реформските процеси се насочени кон создавање предвидлива, стабилна и европски ориентирана економска средина. Тој ги нагласи приоритетите на Владата – дигитална и зелена трансформација, модернизација на индустријата, поттикнување на иновации и унапредување на човечкиот капитал.
„Нашата цел е да изградиме економија што создава додадена вредност и нуди јасни, долгорочни услови за инвеститорите. Со новиот модел на финансиска поддршка што ќе стартува во 2026 година, државата ги наградува квалитетните инвестиции, отворањето работни места, технолошките центри и проектите што придонесуваат за регионален развој,“ истакна министерот Дурмиши.
Тој подвлече и дека Германија останува еден од најзначајните економски партнери на Северна Македонија, додавајќи дека заедничката визија е да се зајакнат деловните врски, да се поттикнат модерни инвестиции и да се создадат нови можности за економски раст.
Министерот им се заблагодари на организаторите и деловната заедница во Германија за континуираната поддршка, оценувајќи дека ваквите настани се важна платформа за градење доверба и нови партнерства.
Настанот продолжи со динамична панел-дискусија во која учесниците разменуваа искуства и предлози за унапредување на инвестициската клима и можностите за продлабочување на соработката меѓу двете земји.
На отворањето се обратија Гафар Вејсели, претседател на DNMBC, министерот за европски прашања Орхан Муртезани, како и амбасадорот на Северна Македонија во Германија, проф. д-р Илбер Села. Панелот обедини значајни имиња од економскиот и институционалниот сектор, меѓу кои и директорот на ДТИРЗ Гоце Димовски, поранешната гувернерка на НБРСМ Анита Ангеловска-Бежоска, претставници од Министерството за надворешни работи и надворешна трговија и германската делегација за индустрија за регионот.
Економија
Вицепремиерите Стоилковиќ и Месаровиќ со заедничка посета на македонски компании во пресрет на утрешниот бизнис форум
Во пресрет на утрешниот македонско–српски бизнис форум, потпретседателот на Владата и министер за односи меѓу заедниците, Иван Стоилковиќ, и потпретседателката на Владата на Србија и министерка за економија, Адријана Месаровиќ, остварија заедничка посета на две успешни македонски компании – „Пекабеско“ и винаријата „Камник“.
Посетата, која се одржа со цел продлабочување на економската соработка и поддршка на бизнис-заедницата, претставува вовед во големиот македонско–српски бизнис форум што ќе се одржи утре во Скопје.
За време на посетата беа споделени информации за тековните производствени процеси, извозниот потенцијал и можностите за проширување на пласманот на регионалните пазари. Двајцата високи претставници истакнаа дека ваквите компании се пример за успешни деловни модели кои можат да придонесат за економско поврзување и зголемена конкурентност на целиот регион.
Во контекст на претстојниот форум, Стоилковиќ и Месаровиќ порачаа дека економската соработка меѓу двете земји е на постојан подем и дека постои јасна волја за нејзино дополнително унапредување.
Македонско–српскиот бизнис форум во Скопје на едно место ќе ги собере водечките компании, институции и инвеститори од двете земји, со цел создавање нови деловни можности и зајакнување на економските врски.
Пред почетокот на бизнис форумот Стоилковиќ и Месаровиќ ќе потпишат и Меморандум за разбирање за соработка меѓу Владата на Македонија и Владата на Србија.
Економија
Николоски: Вложуваме во модерни автопати да ја подигнеме безбедноста и да ги намалиме сообраќајните незгоди
Инвестираме огромни средства во изградба на модерни и безбедни автопати преку кои го подигнуваме нивото на безбедност во сообраќајот. Интензивно работиме на автопатите на коридор 8 и на коридор 10 д, а очекувам овој месец да избереме изведувач и за изградба на автопатот Кичево -Букојчани, изјави вицепремиерот Александар Николоски.
Тој потенцира дека е потребна координирана акција со МВР и другите надлежни институции со цел намалување на жртвите во сообраќајот, но најавжно е менување на свеста кај граѓаните за почитување на законите.
„Мора сите заеднички да работиме да се подобри црната статистика. Во соработка со МВР ќе работиме активно во следниот период на намалување на жртвите на патиштата. Пред се, многу значајно е да се изгради модерна инфраструктура во што многу вложуваме и таа да е добро испланирана. Најбезбедни се автопатиштата и тука многу вложуваме во изградба на автопати. Ја завршуваме изградбата на автопатот Кичево-Охрид, изградбата на автопатот Кичево -Букојчани за кој што очекувам да изберме Изведувач во овој месец. Понатаму интензивно се гради Букојчани – Гостивар или популарната Стража која се заобиколува, понатаму се гради Тетово-Гостивар кој што сите велевме дека е автопат а всушност е експресен пат. Работиме и на Прилеп-Битола како нов автопат, а веќе наоѓаме решенија и делот кој оди од Прилеп до Фариш, така да ова е голема активност која ја имаме и сериозно ќе придонесе во подобрување на безбедноста во сообраќајот. Секако тука се и магистралните и регионални патишта, тука се патиштата и во рамки на општините и затоа потребна е координирана активност која меѓуресорски и инстиуционално ја работиме со цел овие бројки да се подобруваат и најважно од се е да ја менуваме културата да се почитуваат правилата и законите”- изјави Николоски.

