Економија
Извозот на преработувачката индустрија пораснал за 10 отсто

Извозот на компаниите во преработувачката индустрија во Македонија минатата година се зголеми за 10 отсто во споредба со 2008 година, изјави денеска Дарко Нашков, сопственик на фабрика за сушење зеленчук „Ларс“.
Извозот на компаниите во преработувачката индустрија во Македонија минатата година се зголеми за 10 отсто во споредба со 2008 година, изјави денеска Дарко Нашков, сопственик на фабрика за сушење зеленчук „Ларс“. Овие податоци беа изнесени на годишното собрание на Македонската асоцијација на преработувачи, на кое беше презентиран финансискиот извештај на МАП за 2009 година, како и активностите на ова здружение реализирани во текот на минатата година. Нашков рече дека преработувачката индустрија е една од ретките индустриски гранки во Македонија кои забележеле раст во извозот и истакна дека минатата година биле извезени производи во вредност од околу 40 милиони евра. „И покрај овие позитивни резултати, ние се соочуваме со огромни проблеми во поглед на ликвидноста бидејќи нашите доминантно странски партнери ги намалија прелиминарните нарачки, па фабриките се судруваат со лагери и со задоцнета наплата на побарувањата“, рече Нашков. „Наредната сезона очекуваме мал пад во цената на суровините и примарните земјоделски производи бидејќи таков е трендот и на странските пазари“, нагласи Нашков. „Имаме забелешки на поднесениот предлог Закон за земјоделство околу роковите за исплата и сметаме дека облигационите односи треба да се констатираат меѓу компанијата и земјоделците“ нагласи Нашков и додаде дека едно од главните барања е да се дозволи безцарински увоз на градинарски производи по истекот на сезоната на градинарски култури во Македонија. Момчило Ивановски, сопственик на претпријатието за производство на печурки “Бонум” изјави дека преработувачите со нетрпение ги очекуваат фондовите на ИПАРД, но дека се соочуваат со проблеми бидејќи банките се индиферентни и го обезвреднуваат капиталот на оние кои бараат кредит. „Ние како индустрија сме истоштени имаме производи кои се на залиха и кои сме ги испорачале но не сме ги наплатиле“ рече Ивановски нагласувајќи дека доколку не се смени нешто во начинот на кредитирање компаниите во преработувачката индустрија наредната година нема да можат да почнат со откуп на земјоделските производи. Ивановски истакна дека иако Македонската Банка за помош на развојот требаше да кредитира таму каде комерцијалните банки немаат интерес, таквите активности засега не функционираат.крај/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Дурмиши од Струга: Инвестираме 40 милиони евра за граѓаните да останат и напредуваат дома

Денеска во Струга, Министерството за економија и труд и Агенцијата за вработување ја одржаа јавната презентација на Оперативниот план за вработување 2025. Настанот привлече голем интерес кај граѓаните, бизнисите и локалните институции, а главниот фокус беше ставен на мерките што директно ја засилуваат вработеноста и ја стимулираат економијата.
На презентацијата присуствуваше и министерот за економија и труд, Бесар Дурмиши, кој порача дека Владата вложува во граѓаните – нивните идеи, капацитети и амбиции.
„Не нудиме празни ветувања, туку конкретни мерки, средства и поддршка. Оперативниот план е алатка за секој кој сака да започне, да се дообучи или да се вработи. Целта е јасна – да создадеме можности тука, дома“, истакна министерот Дурмиши.
Планот за 2025 година предвидува инвестиција од 40 милиони евра, насочена кон повеќе од 10.000 граѓани, а oд Министерството велат дек досегашниот одѕив покажува дека мерките веќе го даваат посакуваниот ефект.
Мерката за практикантство обезбедува вклучување на 1.352 млади лица до 29 години, од кои 40 преку онлајн практикантство. Секој учесник ќе добива месечен надомест од 12.000 денари во период од три месеци.
„Субвенционираното вработување за микро, мали и средни претпријатија веќе има над 2.000 апликации – доказ за високиот интерес на приватниот сектор да учествува во креирање нови работни места“, велат од Министерството.
Се додава и дека финансиската поддршка за започнување сопствен бизнис е успешно затворена со над 6.000 апликации, а во тек е селекцијата на корисниците, додека мерката 3.1 – Обука кај познат работодавач и понатаму останува една од најефикасните алатки за вработување.
„Овие бројки не се само статистика – зад секоја апликација стои приказна, надеж и одлука да се направи чекор напред. Нашата задача е да ја поддржиме таа одлука со реални алатки“, додаде министерот Дурмиши.
Настанот во Струга е дел од поширока теренска кампања, со која Министерството и Агенцијата за вработување ги претставуваат мерките директно пред граѓаните. Следуваат презентации во Гостивар, Кичево, Сарај, Липково и други општини со висока стапка на невработеност.
Економија
Франција го казни „Шеин“ со 40 милиони евра за лажни попусти

Франција го казни кинескиот онлајн-продавач на облека „Шеин“ со 40 милиони евра за заведување на клиентите со тврдења за попусти.
Од 1 октомври 2022 година до 31 август DGCCRF анализира наводно намалени цени за илјадници производи на француската веб-страница на „Шеин“.
Истрагата откри дека некои цени на платформата биле зголемени непосредно пред попустите или не ги вклучувале претходните попусти, објави регулаторот. Цените на повеќе од половина од анализираните производи, 57 проценти, воопшто не биле намалени, откри DGCCRF, а речиси една петтина од попустите биле помали од рекламираните.
Во 11 проценти од случаите цената била уште повисока, објави DGCCRF. „Шеин“ исто така не успеа да достави докази на својата веб-страница за да ги поткрепи своите тврдења за еколошки свесно работење, како што е намалувањето на емисиите на стакленички гасови за 25 проценти.
(Фото: ЕПА)
Економија
(Видео) Николовски: Власта удри по земјоделците, крати 478 милиони денари во ребалансот

Власта предлага антинароден и расипнички ребаланс на буџетот, со кој се кратат 478 милиони денари од поддршката за земјоделците. Во најголемиот буџет власта нема пари за земјоделците, нема пари за поголеми субвенции, но затоа има повеќе пари, 30 милиони евра за владиниот луксуз, обвини пратеникот од СДСМ, Љупчо Николовски.
Тој додаде дека во време кога земјоделците се соочуваат со драстично зголемени трошоци за нафта, ѓубрива, механизација и работна рака, власта им го завртува грбот. Наместо поддршка, рече Николовски, добиваат игнорирање.
„Спротивно на оваа антинародна политика, СДСМ останува цврсто на страната на земјоделците. Пратеничката група на СДСМ поднесува амандмани со кој бара да се врати предвидената сума за субвенции и дополнително бара конкретни мерки за реална поддршка на земјоделското производство“, рече тој.
Николовски додаде дека СДСМ предлага враќање на поддршката од 12.000 денари по грло говедо за сточарите; зголемување на поддршката за оризова арпа за реколта 2024; интервентна субвенција од 8 денари по килограм сончоглед; поддршка од 5 денари по килограм за предадена пченица; мерка од 3 денари за продадена пченка во откупни капацитети; враќање на мерката од 1.000 денари за предадено јагне и итна распределба на картичките за зелена нафта за 50.000 земјоделци.
Николовски кажа дека СДСМ и во време на ковид пандемија и војна во Украина не кратела од земјоделците туку напротив, интервенирала со дополнителни субвенции, закони и програми.
„Апелираме до Владата: наместо да уриваат што е создадено, продолжете ги добрите практики кои функционираа. Не ги оставате земјоделците сами, не им кратете од она што им припаѓа! Земјоделството не смее да биде жртва на вашата расипничка политика“, рече Николовски.