Економија
БРИК-државите ќе имаат огромно влијание

Таканаречените БРИК држави денеска и утре по вторпат ќе се сретнат во главниот град на Бразил.
Таканаречените БРИК држави денеска и утре по вторпат ќе се сретнат во главниот град на Бразил. Четирите економски сили – Бразил, Русија, Индија и Кина ќе зборуваат за меѓународни теми.
БРИК-државите пред се ги поврзува заедничкиот интерес, да се претстават како спротивен пол на традиционалните западни сили и Јапонија. Во поглед на стратешките интереси и разликите мала е веројатноста, дека по пет до петнаесет години се уште ќе има логична поврзаност помеѓу државите.
Штефан Маер од Фондацијата за економија и политика (СВП) вели: „Во некои сектори од политиката веројатно има неколку исти мислења, можеби најмногу во климатската политика, оти мислам дека сите четири земји се релативно воздржани околу тоа прашање и не сакаат самите да вложат големи напори. Во БРИК-државите, Кина е држава со авторитативна структура, Русија со полуавторитативна структура, додека Бразил и Индија се демократски земји. Тие најчесто можат да се усогласат околу спротивставувањето на нивните позиции, контра ставовите кои на пример ги заземале САД или Европската унија.“
Ставот на Кина и Индија за Исламската Република е традиционално попозитивен од оној на САД и неговите сојузници. Ури Дадуш вели: „Сметам дека односите на Кина и Индија со САД се базираат врз широката палета интереси, меѓу другите – економски и геополитички интереси. Мислам дека разговорите меѓу БРИК-државите, доколку се одржат, ќе ги отсликаат овие интереси. Уште одамна се поставува прашањето за американскиот долар како резервна валута. По глобалната финансиска криза, која започна од Америка, повторно се дискутира на таа тема. Сепак, повеќето кои се занимаваат со тоа велат дека во моментов нема вистинска алтернатива за доларот“, вели Ури Дадуш.
Сепак, експертите во целина гледаат светла иднина за БРИК-државите. Штефан Маер вели: „Секако согледавме дека големите, влијателни земји се поретко бараат мултилатерални организации како Обединетите нации за да се договараат за меѓународната политика и да ги усогласат ставовите. Тие повеќе сакаат слободни алијанси со другите земји, каде може да зборуваат релативно неформално и флексибилно за различни прашања, и во одредени случаи да се обидат да дојдат до заеднички позиции.“/крај/дв/ир/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Пратките ќе можете да си ги подигнувате сами од пакетомати – презентирана нова платформа

На промотивен настан денес беше презентиран нов начин за подигнување на пратките, што, како што беше посочено, ги надминува досегашните предизвици со доставата.
Се работи за воведување паметни автоматозирани пакетомати кои ќе бидат поставени на 120 локации низ државата, а пратката би можеле да си ја подигнете со кодот што би пристигнал на вашиот мобилен телефон.
Решението во земјата го воведува „Мај бокс“ (My Box). Основачот на компанијата, Далибор Ѓошевски, изјави дека идејата е резултат на детаљна анализа на потребите на корисниците и предизвиците во постојниот систем за достава.
„Нашата цел е да обезбедиме модерно, ефикасно и достапно решение што ќе стави крај на загубените пратки, на долгите чекања и на ограничувањата на временски рамки во доставата“, рече Ѓошевски.
Во рамките на настанот се одржа и панел-дискусија за иднината на е-трговијата и предизвиците на логистиката, за тоа како иновативните производи и услуги од овој тип ќе го подобрат искуството на корисниците и ќе го оптимизират процесот на достава.
Економија
MintIns Go – избираме патничко осигурување за Вас

Патувајте паметно, сигурно и без стрес. Изберете 90 дена патничко осигурување за цената на 30 дена!
– Осигурување од само 1192 ден,
– Покривање во рок од 365 дена,
– Патувајте спокојно и без стрес,
Не ја пропуштајте оваа можност да ги осигурате вашите патувања со оваа понуда или понуда која што одговара на вашите потреби.
Дознајте повеќе на 15 107 или на следниот линк.
Економија
Божиновска-Шахбазов: Македонија важен транзитен центар за гас до Европа, Азербејџан подготвен веднаш да соработува

Министерката за енергетика, рударство и минерални суровини, Сања Божиновска, во Баку беше пречекана од својот колега, министерот за енергетика на Азербејџан, Парвиз Шахбазов, во рамки на официјалната посета посветена на унапредување на енергетската соработка меѓу двете земји.
На тет-а-тет средбата, која се одржа во Министерството за енергетика на Азербејџан, беше истакната заедничката заложба за зајакнување на партнерството во областа на снабдување со гас. Разговорите се фокусираа на можностите за долгорочни договори за снабдување со гас, како и на потенцијални инвестиции во гасната инфраструктура во Македонија.
„Македонија може да стане регионален центар за транспорт на гас, ние сме подготвени веднаш да се вклучиме во соработка на конкретни проекти и да ви понудиме и експертиза, но и сериозни можности за заеднички проекти доколку постои интерес и од ваша страна“, истакна министерот Шахбазов.
„ Разговорите за зајакнување на нашето партнерство во областа на енергетиката отворија нови перспективи за Македонија! Се фокусиравме на конкретни чекори за создавање условии за снабдување со гас и можности за инвестиции во модернизација на нашата енергетска инфраструктура“ истакна Божиновска.
Посебен акцент беше ставен на можната соработка меѓу државната енергетска компанија Електрани на Северна Македонија (ЕСМ) и азербејџанската државна нафтена компанија СОКАР. Партнерството помеѓу ЕСМ и СОКАР е клучно за нашата енергетска трансформација.Во таа насока, договоренa e средба за интензивирање на активностите во рамки на склучениот меморандум за соработка што беше потпишан за време на КОП 29 самитот во Баку.
Шахбазов упати и директна покана до министерката Божиновска да учествува на претстојниот министерски состанок на советодавниот совет за јужниот гасен коридор како и за третиот министерски состанок на советот за зелена енергија.
Божиновска ја потенцираше подготвеноста на Македонија за активна соработка во повеќе проекти што ќе обезбедат сигурност, одржливост и енергетска независност за земјата, нагласувајќи дека оваа средба претставува значаен чекор во насока на реализација на тие цели.
„Азербејџан ни нуди конкретна соработка која ќе ни помогне да се мапираме како сериозен регионален центар за транспорт на гас. Ова е нешто што би имало стратешко значење за енергетската иднина на нашата земја и би донело поволности и за економијата, но и за граѓаните. На ова сериозно ќе работиме и се надеваме на помошта од нашите меѓународни партнери“, рече Божиновска.
Во рамките на официјалната посета на Азербејџан, македонската делегација предводена од претседателката Силјановска-Давкова оствари и работна средба со премиерот на Азербејџан Али Асадов и со претседателката на Националното собрание на Република Азербејџан, Сахиба Гафарова.
Оваа средба, која се одржа во контекст на 30-годишнината од воспоставувањето дипломатски односи помеѓу нашите две земји, беше посветена на зајакнување на билатералните односи, посебно во областа на енергетската соработка.
Претседателката Силјановска-Давкова истакна дека нашите две земји имаат потенцијал за поголема економска соработка, особено во секторот на енергетика, и изрази подготвеност за поддршка на иницијативите кои ќе произлезат од оваа средба.