Економија
Паника и на европски берзи

Бранот панични продажби на акции на глобалните берзи продолжи денеска и на европските пазари, каде што повторно, под влијание на грчката криза, паднаа цените на сите водечки национални индекси на акциите.
Бранот панични продажби на акции на глобалните берзи продолжи денеска и на европските пазари, каде што повторно, под влијание на грчката криза, паднаа цените на сите водечки национални индекси на акциите. Ваквиот пад се случува откако синоќа најважниот американски индикатор Дау џонс „потона“ за повеќе од три отсто во завршното тргување на њујоршки Волстрит. На американскиот пазар и другите два важни американски индекси на акции Стандард и пурс и Насдак вчера загубија повеќе од три отсто од претходната вредност. Економските аналитичари оценуваат дека до наглиот пад на цените на акциите и истовременото намалување на курсот на еврото на глобалните ефектни и валутни берзи дојде, пред сè, поради големата загриженост што меѓу инвеститорите ја предизвика грчката финансиска криза. Стравувањата се дека грчката криза би можела да се прелее и на други земји-членки на еврозоната, посебно на Португалија и Шпанија. Ројтерс наведува дека берзанските вложувачи се загрижени и поради неизвесноста што настана во Велика Британија, по вчерашните парламентарни избори на кои ниту една партија не освои мнозинство за да формира влада. Утрината, непосредно по отварањето на берзите во Европа, британскиот индекс на акции ФТСЕ 100 загуби 1,3 отсто од претходната вредност, додека францускиот ЦАЦ 40 опадна уште повеќе, за два процента. Германскиот ДАКС забележа пад од 1,1 отсто. Надолна корекција на цените забележана е денеска и на азискиот пазар на акции, соопшти од Токио агенцијата Кјодо. /крај/см/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.