Тргувањето на македонската берза за хартии од вредност денеска го одбележа големиот пад на просечната цена на двата погона од Железара: Арцелормитал ЦРМ кој падна за 8,59 проценти и Арцелормитал ХРМ кој се спушти за 9,94 проценти.

Тргувањето на македонската берза за хартии од вредност денеска го одбележа големиот пад на просечната цена на двата погона од Железара: Арцелормитал ЦРМ кој падна за 8,59 проценти и Арцелормитал ХРМ кој се спушти за 9,94 проценти.Берзата оствари промет од 14,805,408,00 денари од кој 13,028,238,00 денари се од Официјалниот пазар, додека останатите 1,1777,170,00 денари се остварија на Редовниот. За разлика од понеделникот индексот МБИ10 оствари пораст од 0,42 проценти што значеше пораст за 10,30 индексни поени или застана на бројката од 2,466,17 поени, додека индексот на Јавно поседуваните друштва забележа пад на својата вредност од  1,81 процент или тоа беше за 48,51 поени пониско во однос од понеделникот за да застане на бројката од 2,632,12 поени. Индексот на обврзниците исто така беше во црвено со благ пад на својата вредност од 0,18 проценти или 108,60 индексни поени.Како најтргувана акција по својот промет на Официјалниот промет по подолго време се појави акцијата на Комерцијална банка АД Скопје со остварени 4,668,390,00 денари на промет, кој се тргуваа по просечна цена од 2,954,68 денари од акција, и се тргуваа во рамките на следниве лимити почнувајќи од 2,950,00 денари како минимална цена па се до 2,998,00 денари како највисока истргувана цена. Со овие акции се истргуваа 1,580 обични акции од 18 реализирани трансакции.Втора по промет на тргување беше обврзницата од денационализација од девета емисија која се тргуваше по просечна цена од 77,57 проценти од номиналната вредност, додека со нив се истргуваа 60,492 количина и при тоа остварија вредност од тргување во висина од 2,885,484,37 денари од 20 трансакции.Трета според обем на тргување од официјалниот пазар беше акцијата на Алкалоид АД Скопје. Таа се тргуваше по просечна цена од 4,172,43 денари, а со неа се истргуваа 643 акции од 31 реализирани трансакции или вкупно 2,682,875,00 денари.На Редовниот пазар за хартии од вредност најликвидна хартија од вредност беше акцијата на Прилепска пивара со остварен промет од 803,400,00 денари од 2 трансакции, кои се тргуваа по цена од 10,300,00 денари од акција од кој оваа цена беше за 1,98 проценти поголема во однос од последното тргување со овие акции. Втора по својот промет на Редовниот пазар беше акцијата  ф-ка за цевки 11 Октомври АД Куманово која оствари промет од 242,250,00 денари, а се тргуваше по просечна цена од 821,19 денари по акција. Со нив се истргуваа 1,679 обични акции.За одбележување во текот на овој трговски ден беа и неколку одлуки од собрание.Тиквеш АД Кавадарци објави 67,5 милиони денари нето добивка, како и одлуката за нераспределба на остварената добивка. Исто така и Охридска банка АД Скопје достави ценовно чувствителна информација до инвеститорите на која и се одобрува нова кредитна линија од страна на Европската банка за обнова и развој која треба да биде наменета за потикнување на развојот на малите и средните претпријатија на Македонија. Гранит АД Скопје соопшти дека склучил договор со министерството за Правда на Р. Македонија за изградба на нова судска зграда-кривичен суд Скопје во вредност од 465 милиони денари. Пет најтргувани хартии од вредност1. Комерцијална банка АД Скопје2 Р.Македонија – Денационализација 093. Алкалоид АД Скопје4. Прилепска пивара АД Прилеп5. Гранит АД СкопјеХартии од вредност со најголем раст1  Макстил АД Скопје 3,28%2. Прилепска Пивара АД Прилеп 1,98%3. Топлификација АД Скопје 1,12%4. Комерцијална банка АД Скопје 0,61%5, Макпетрол АД Скопје 0,42%Хартии од вредност со најголем пад1.  Арцелормитал ХРМ АД Скопје 9,94%2. Арцелормитал ЦРМ АД Скопје 8,59%3. Бетон АД Скопје 4,59%4. Кјуби АД Скопје 3,44% 5. РЖ Услуги АД Скопје 1,00%