Економија
Индексите на берзата повторно во пораст

На Македонската берза АД Скопје, денеска се оствари промет од 20.681.326,00 денари од 120 реализирани трансакции.
На Македонската берза АД Скопје, денеска се оствари промет од 20.681.326,00 денари од 120 реализирани трансакции.
За одбележување е блокот трансакција во вредност од 7.263.000,00 денари, што се реализира на Редовниот пазар со акциите на Пекабеско АД Скопје, со кои се истргуваа 1.614 акции по цена од 4.500,00 денари од акција што претставуваше зголемување за 12,50 проценти во однос од последното тргување со овие акции, а воедно оваа количина претставуваше 4,97 проценти од вкупниот број на акции од оваа фирма.Денеска повторно е забележан пораст и на двата индекса. МБИ10 за 0,76 проценти или 19,43 поени повеќе во однос од вчера и застана на 2.467,54 индексни поени, додека индексот на Јавно поседувани друштва МБИД исто така порасна за 45.23 индексни поени и оствари вредност од 2.722,18 поени или изразено во проценти пораст од 1,69.Индексот на обврзници забележа пад на својата вредност од 0,05 проценти и оствари вредност од 108,45 индексни поени. Од целиот овој промет на Официјалниот пазар се реализираа 12.438.936,00 денари класичен промет од 98 реализирани трансакции, додека остатокот од 8.242.390,00 денари се реализира на Редовниот пазар од кои 7.263.000,00 денари претставуваше блок трансакцијата додека 979,390,00 денари беше класичниот промет кој се оствари од 21 трансакција.Најтргувани хартии од вредност, на Официјалниот пазар беше обврзницата од денационализација на Република Македонија од деветата емисија, а се истргуваа 92,810 количина по просечна цена од 77.62 проценти и при тоа остварија вредност од 4,430,397,79 денари од 17 реализирани трансакции.Втора по својата ликвидност на Официјалниот пазар беше акцијата на Комерцијална банка АД Скопје со кои се истргуваа 1.415 обични акции по просечна цена од 2.999,08 денари и при тоа оваа цена беше за 0,93 проценти поголема во однос од вчерашното тргување, а вкупно се оствари 4.243.705,00 денари промет.Трета по вредноста на тргување на Официјалниот пазар беше акцијата на Топлификација АД Скопје со кои што се остварија 1.137.650,00 денари промет, што се реализира од 10 трансакции, истргувани по просечна цена од 3,882,76 денари од акција. Со нив се истргуваа 53 акции.На Редовниот пазар освен блок трансакцијата која се оствари кај акцијата на Пекабеско АД Скопје, позабележително тргување имаше единствено кај акцијата на Македонски Телекомуникации АД Скопје со кои се истргуваа 1.559 обични акции по цена од 499,31 денари од акција и при тоа остварија 778.432,00 денари промет.Пет најтргувани хартии од вредност1. Пекабеско АД Скопје2. Р. Македонија обврзници од денационализација 093. Комерцијална банка АД Скопје4. Топлификација АД Скопје5. Македонски телекомуникации АД СкопјеХартии од вредност со најголем раст1. Скопски пазар 14,29%2. Раде Кончар 14,29%3. Бетон Скопје 9,95%4. Тетекс АД Тетово 9,43%5. Попова Кула Демир Капија 4.76%Хартии од вредност со најголем пад1. Коста Абраш АД Охрид 400,00%2. Р. Македонија Девизни влогови 0,78%3. РЖ Арцелормиттал ХРМ Скопје 0,62%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Нови цени на горивата

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,29 % во однос на одлуката од 10.03.2025 година.
Од 18.3.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 74,50 (денари/литар)
Моторен бензин ЕУРОСУПЕР БС – 98 76,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,00 (денари/литар)
Мазут М-1 НС 41,345 (денари/килограм)
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,50 ден/лит.
Малопродажната цена на бензините ЕУРОСУПЕР БС-95 и ЕУРОСУПЕР БС-98 не се менува.
Малопродажната цена на Мазутот М-1 НС се намалува за 0,916 ден/кг и сега ќе изнесува 41,345 ден/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 2,592%, кај дизелот намалувањето е во просек за 1,513%, кај екстра лесното масло намалувањето е за 1,550% и кај мазутот зголемувањето е за 0,172%.
Курсот на денарот во однос на доларот во изминатиот период по кој беа формирани цените со претходната пресметка е понизок за 2,5506%.
Економија
Мицкоски: Се работи на проекти во образованието вредни две милијарди денари

Во моментот имаме инвестициска активност од околу две милијарди денари за проекти во образованието, повеќе од 30 капитални инвестиции, седум комплетно нови училишни згради, дваесетина се реновираат, спортски сали во Струга и во Битола, отпочнуваме со спортските сали – Кисела Вода и Аеродром, во план е продолжување на проектот за реконструкција на универзитетите, односно зградите на факултетите ФИНКИ и ФФК, отпочнуваме со кампусот „Мајка Тереза“, изјави попладнево премиерот Христијан Мицкоски.
„Истовремено, ќе продолжи и инспекцискиот надзор на оние високообразовни институции, но и оние други образовни институции, што не ги исполнуваат стандардите. Ќе бидат опоменати. Доколку не преземат ништо во насока на исполнување на стандардите, ќе мора да бидат затворени“, рече премиерот.
Тој кажа дека децата треба да добијат европско знаење, а „тоа може да го даваат институции што ги почитуваат законите и што нудат таков тип на пренос на знаење“.
„Реформата во образованието е навистина опсежна. Оваа година, нешто што не е за фалење, учениците ги добија книгите на 1 септември. Исто ќе биде и во следната година. Ние пред 10 – 15 години зборувавме за компјутер за секое дете, денеска сме среќни ако секое дете има учебник. Но, за жал, имавме цунами седум години што и тоа не можеше да го направи онаа влада на СДСМ и ДУИ, па оваа влада мора буквално сите тие елементарни работи да ги прави“, додаде премиерот.
Економија
Перински во Студеничани: Инвестираме и во руралните средини – тие се еднакви по својата важност како и останатите

Во скопската општина Студеничани денеска започна реконструкцијата на 6,5 км долгиот локален пат Драчево – Мотел Китка, проект финансиран од првиот владин повик за финансиска поддршка на инфраструктурни општински проекти. На официјалниот почеток на градежните активности присуствуваа министерот за локална самоуправа, Златко Перински, претседателот на Владата, Христијан Мицкоски, министерот за транспорт, Александар Николоски, првиот вицепремиер и министер за животна средина, Изет Меџити, заменик министерот за локална самоуправа, Ерџан Селими и Калтрина Зеколи Шаќири, заменик министер за транспорт.
Градоначалникот Азем Садики, појасни дека станува збор за пат долг 6,42 км, кој се протега од селото Црвена Вода до мотел Китка, а проектот предвидува негова целосна реконструкција и обнова со неопходната инфраструктура.
„Многу сум среќен што Владата продолжува да ги помага општините, особено руралните. Овој пат е многу битен за нашата општина, затоа што не само што ќе придонесе за побрз, полесен и побезбеден транспорт за жителите во планинските села, туку ќе создаде услови за поттикнување и развој на туризмот и за инвестирање во скопската околина со оглед на близината и убавината на Китка“, истакна Садики.
Министерот Перински порача дека проектот е доказ за посветеноста на Владата да инвестира во подобрување на инфраструктурата во сите општини и региони.
„За оваа Влада не постојат заборавени општини, помагаме онаму каде што е најпотребно, а тоа се руралните средини со сите предизвици коишто ги имаат во дел на капиталните инвестиции. Радоста на мештаните којашто ја видовме денеска е доказ дека Владата трасира пат којшто се темели исклучиво на потребите на граѓаните и во таа насока ќе продолжиме за да го подигнеме квалитетот на живот на сите граѓани на цела територија на Македонија“, истакна Перински, кој како дел од теренските посети „Каде што срцето е дома“, претходно со неговиот заменик, Селими, одржаа работна средба со градоначалникот, членовите на општинскиот Совет и претставници на администрацијата на која разговараа за актуелните состојби во општината.
Поддршка на сите општини и во периодот што следи најави и премиерот Мицкоски, кој истакна дека Владата ќе продолжи да инвестира во проекти кои ќе значат поквалитетен, покомфорен и поубав живот, независно од политичката определба на градоначалниците.
„Немаме намера да заборавиме ниту едно место на целата територијата на Македонија, ќе инвестираме секаде. Тоа го правиме веќе девет месеци, покажуваме еден поинаков начин на функционирање на Влада. Ќе продолжиме така и во иднина, бидејќи граѓанинот, Македонецот, Албанецот, Турчинот, Србинот, Ромот, Бошњакот, Влавот и сите останати, се центарот на нашето внимание и сите ние заедно ќе работиме за нивно подобро утре“, порача премиерот Мицкоски.
„Евидентна е разликата од начинот на функционирање на оваа Влада“, оцени првиот вицепремиер и министер за животна средина, Меџити.
Министерот за транспорт, Николоски, информираше дека во моментов во село Студеничани привршува и реконструкција на локален пат долг 840 метри, а во тек е тендерска постапка за изградба на нов пат во Моране, проекти со кои дополнително се дава поддршка за подобрување на инфраструктурата во оваа општина.