Економијата повеќе не е во стагнација. Државниот завод за статистика објави податоци за неколку сегменти од економското дејствување во Македонија преку кои веќе почнуваат да се гледаат видливи резултати од нашата работа, ова го истакна министерката за финансии Гордана Димитриеска-Кочоска на денешната прес-конференција.

Таа посочи на податоците објавени од Државниот завод за статистика кои евидентираа намалвуање на стапката на невработеност на историски најниско ниво од 11,9%, зголемување на вработеноста на 46,2%, раст на индустриското производство од 1,4% во јануари 2025 година, раст на извозот за 5%.

„Тоа значи дека 13.067 илјади нови вработувања се реализирани на годишно ниво односно споредено со истиот квартал претходната година, што е економска поткрепа за нововработените лица и еден показател дека во компаниите се создал раст кој поттикнал отворање нови работни места, а тоа во 4 – от квартал од 2024 година се регистрираше и преку остварениот раст на БДП од 3,2%“, рече минисерката.

Според министерката клучно е дека за овој процес да се покрене, а имајќи ги предвид достигнувањата на економијата во првите два квартала од 2024 година, е создавањето предуслови за сигурно бизнис опкружување кое влијае на реализација на инвестиции, отворање нови работни места и повисок стандард. Дополнително ова е клучно и за привлекување и реализација на странски директни инвестиции за кои минатата недела објавивме дека во 2024 година е реализиран историски највисок износ од над 1 милијарда евра.

“Иако станува збор за краток период од имплементација на нашите политики, сепак податоците се охрабрувачки за нас да продолжиме со спроведување на поставениот план. Владата става фокус особено на економијата и инвестициите и на нив го темели вистинскиот напредок. Економијата и компаниите, како и вработените секогаш ќе имаат партнер во Владата. Обезбедивме и веќе почна исплатата на средствата од унгарскиот заем наменет за домашните компании, тоа ќе покрене инвестиции од околу 300 милиони евра кои ќе отворат нови дополнителни работни места наменети за нашите граѓани, за нашата млади кои ќе можат да ја бараат иднината тука во својата земја“, рече минитерката.

Таа на прес-конференцијата посочи дека поволности за компаниите и граѓаните се обезбедени и со приклучувањето на Македонија кон Единствената област за плаќања во евра СЕПА, а за што Владата создаде предуслови преку усогласување со ЕУ регулативите извршените измени на повеќе закони, односно Законот за платежни услуги и платни системи и Законот за спречување перење пари и финансирање тероризам коишто беа услов за нашето приклучување во СЕПА.

„Нашите граѓани кои работат во странство во некоја од СЕПА земјите и кои праќаат пари во Македонија, провизиите при праќањето двојно ќе се намалат од околу 7% на околу 3%. Тоа претставува сериозна заштеда ако се има предвид дека стотици милиони евра се праќаат секоја година. Заштедите на компаниите би биле и поголеми, не само во износи туку и во време. Така, плаќањата помеѓу компанија од Македонија и компанија од земја од СЕПА би биле за само еден ден, а во одредени случаи и за само неколку минути. Со ова ќе се олесни водењето на бизнис и конкурентноста на македонските компании“, потенцира министерката за финансии.

Таа изрази очекувања дека ваквите тенденции ќе продолжат и во наредниот период и дека ќе се оствари стапката на раст за оваа година која е проектирана на 3,7, изјаќи ги предвид и сите ризици кои се присутни.

Кај осум правни субјекти пазарната инспекција констатирала целосно непоичитување на владините мерки од кои три маркети, една аптека и три најголеми увозници на овошје и зеленчук и за нив, како што информира директорот на ДПИ, Влатко Стојкоски, биле издадени или се во постапка на издавање решенија за забрана за вршење дејност и парична казна во согласност со големината на правниот субјект.

Во периодот од 24 февруари до 6 март биле извршени 365 надзори во трговијата на мало и 64 во трговијата на големо. Притоа биле констатирани вкупно 36 неправилности, а триесетина предмети се во фаза на анализа и издадени прекршочни платни налози во вредност од 42.000 евра.

Инспекторите, најави тој, и во текот на наредниот период ќе продолжат со засилени контроли кај увозници, дистрибутери, производители, маркети, аптеки, бензински пумпи и слично на целата територија на државата.

Според Стојкоски, мерките на Владата, генерално, се почитуваат, и апелира до сите трговци доследно да ги почитуваат законите и владините одлуки.

Глобите за непочитување, како што образложи, се движат од 500 до 10.000 евра, како и забрана за вршење дејност од 15 дена во согласност со Законот за трговијата и Законот за заштита на потрошувачите.

Тој ги охрабри граѓаните доколку увидат неправилности, да ги пријават или на телефонскиот број 191 или на веб-страницата на ДПИ.

Жените секојдневно прават херојски чекори. Тие балансираат меѓу професионалниот и приватниот живот, се грижат за своите најблиски и не запираат да го следат својот пат, без разлика на предизвиците што им се наметнуваат.

Токму затоа, во месецот во кој ги славиме духот, силата и независноста на жените, Халк Осигурување ја креираше кампањата „Сигурна во секој чекор“. Таа претставува еден вид потсетник дека сигурноста не е луксуз, туку основа за здрав живот и стабилно соочување со секојдневните предизвици.

Во рамки на кампањата, во текот на месец март, Халк Осигурување за сите припаднички на женскиот пол подготви пакети со намалување од 15% на полисите за осигурување на домот и за осигурување од тешки болести. Оваа поволност се однесува на сите нови полиси, но и за обновување на постоечките полиси. Дополнително, полисите за осигурување од тешки болести клиентките можат да ги склучат и за членови на нивното семејство.

Целта на Халк Осигурување месецов е да ја афирмира улогата на жените како столб во заедницата, а истовремено да им пружи поддршка во грижата за нивното здравје и добросостојба. Некои нешта не треба да бидат неизвесни. Безбедноста на домот и здравјето на секоја жена, како и на нејзините најблиски, се неприкосновени приоритети.

Компанијата посветено и одговорно ги придружува своите клиентки во сите предизвици, па токму затоа овој март ја носи пораката „Сигурна во секој чекор“.

Повеќе детали за поволностите, како и условите за полисите за осигурување на домаќинство и за осигурување од тешки болести на Халк Осигурување се достапни на следниот линк.

ПР текст