Развојот на нови авиолинии не е само техничко прашање, туку стратешка инвестиција во иднината на нашата економија, туризам и меѓународна соработка, истакнува премиерот Христијан Мицкоски.

Според него, нашата држава, со својата стратешка локација на Балканот, има потенцијал да стане значаен центар за воздушен сообраќај.

„Затоа нашата Влада активно работи на: Воведување нови авиолинии – Преку партнерства со реномирани авиокомпании како „Туркиш Ерлајнс“, обезбедуваме директни летови до клучните европски и светски дестинации.

Поттикнување на нискобуџетни превозници – Ова ќе овозможи подостапни билети за нашите граѓани и ќе привлече повеќе туристи и инвеститори.

Модернизација на аеродромите – Подобрувањето на капацитетите и услугите во аеродромите во Скопје и Охрид ќе создаде услови за зголемен број летови.

Промоција на нашата земја како авиотранспортен центар – Работиме на меѓународни договори и иницијативи кои ќе ја зголемат атрактивноста на нашата земја за деловни и туристички патувања.
Воведувањето нови авиолинии значи побрзо и полесно поврзување со светот, зголемување на туризмот, нови економски можности и унапредување на имиџот на нашата држава“.

Мицкоски додаде дека Владата инвестира во патишта, аеродроми и железнички врски за да земјата биде подостапна за туристите.

„Работиме и на промоција на Македонија како туристичка дестинација како и поддршка за малите и средни туристички бизниси.

Нашата цел е јасна – да ја направиме Македонија не само дестинација за посета, туку и место во кое туристите ќе се враќаат повторно и повторно“, според премиерот.

Со обсмислена стратегија успеваме охридскиот аеродром да го развиваме. Денеска ја воспоставуваме новата и најважна линија Охрид-Истанбул со која Охрид преку Истанбул ќе го поврземе со цела Европа и светот, истака вицепремиерот и министер за транспорт Александар Николоски на воведувањето на новата авиолинија Охрид-Истанбул.

„Ова е комплетно нова димензија за охридскиот аеродром и целосно нов развој на охридскиот аеродром затоа што најголемата светска авиокомпанија Туркиш ерлајнс воведува директна линија, четири пати неделно со најголеиот аеродром во Европа, аеродромот во Истанбул, што многу ќе значи за бројот на патници и не само за туризмот туку и редовното патување, затоа што аеродрмот во Истанбул е со најмногу конектинг летови во Европа. Веќе познавам луѓе кои имаат купено карти од Торонто за Охрид или од Вашингтон за Охрид затоа што преку Истанбул со конектинг летови ќе можат да додјат во Охрид што драстично ќе го зголеми бројот на патници и тоа ќе помогне да се развива тузимот, бизнисот, комуникациите, што е комплетна нова диманзија за охридскиот аеродром“, рече тој.

Појасни дека ова е резултат на обмислена стратегија.

„Го променивме целосно моделот на субвенционирање, за охридскиот аеродром од претходно 4,5 евра зголемивме на 12 евра по патник. И наместо за заминување, плаќаме за доаѓање затоа што целта е да даѓаат луѓето тука, ги променивме и другите услови и тоа го даваат резултатот. Веќе имаме две нови дестинации до Охрид, тоа е Истанбул и Базел, имаме нови осум дестинации од Скопје. Но од сите 10 дестинации за мене најважна е Истанбул бидејќи отвора нова врата за охридскиот аеродром и за целиот регион. Во преговори сме и тие преговори за брзо време треба да завршат со една голема компанија која што очекувам да донесе две до три нови дестинации и на тој начин да расте бројот на дестинации на охридскиот аеродром“, додаде тој.

Целта како што рече е во рок од две години да имаме најмалку десет нови дестинации од Охрид, што целосно ќе го трансформираат туризмот во Охрид, бизнисот и комуникациите.

„И тоа што е особено важно, оние чартери кои што почнаа на Флајбирд во следната година наместо еден да се два дневно и да слетуваат во Охрид наместо во Скопје. И пуштањето на автопататот на тие 40 -тина километри од Врбјани до Охрид секако многу ќе значи за охридскиот аеродром”, истакна вицепремиерот и министер за транспорт Александар Николоски.

Во организација на Стопанската комора и Здружението на инженери за заштита „Тутела“, денес се одржа еднодневен стручeн семинар на тема „Несреќи при работа – законски обврски, осигурување, евиденција, пракса“.

Настанот беше наменет за претставници од различни сектори – менаџери, лица за безбедност и здравје при работа, стручни служби за човечки ресурси и работодавачи – со цел подетално запознавање со законската регулатива, процедурите и добрите практики поврзани со несреќите на работното место.

Како предавачи на семинарот учествуваа претставници од Државниот инспекторат за труд, осигурителни компании и експерти од областа на безбедноста при работа. Своја презентација имаше и Даниел Паришко, претставник на Минт Инс АД Скопје, кој се осврна на улогата на осигурувањето во управувањето со ризиците и заштитата на вработените во случаи на повреди на работа.

Преку практични примери и анализа на конкретни ситуации, учесниците имаа можност да разменат искуства и да се стекнат со применливи знаења за унапредување на работната средина и усогласување со регулативите.

ПР