Во последниот извештај на ЕБОР е изнесена оценката дека постои усогласеност во сите сегменти на телекомуникацискиот сектор во Македонија

Европската банка за обнова и развој (ЕБОР) смета дека во сите сегменти на телекомуникацискиот сектор во Македонија има целосна усогласност. Ваквата оценка е донесена врз база на компаративна анализа за проценката на комуникацискиот сектор во земјите во транзиција. Со анализата се опфаќаат повеќе сегменти како што се институционалната рамка, регулаторната независност, пазарен пристап и овластувања, значителна пазарна моќ, мерки за заштита на конкуренцијата, универзална услуга и потрошувачки прашања, перспектива и проценка.Во смисла на институционалната рамка забележано е дека електронските комуникации се регулирани со Законот за електронски комуникации според кој е утврдена националната регулаторна власт и се дефинирани одговорностите на Владата и ресорното Министерство. Регулаторната независност е набљудувана преку процесот на приватизација на Македонски Телеком и управувањето со Агенцијата за електронски комуникации, а во анализата е констатирано и дека во Република Македонија се имплементирани повеќе мерки за заштита на конкуренцијата, предвидени во регулаторната рамка на Европската Унија од 1998 г., меѓу кои и можноста да се вршат повици кон друг оператор ако претплатникот е приклучен на различен оператор, озвозможувањето на РИО на фиксниот оператор и тоа дека функционира преносливоста на броеви.Во однос на перспективата, ЕБОР утврдено е дека главните приоритети на Агенцијата за електронски комуникации се имплементација на мерките за заштита на потрошувачите, посебно изнајмувањето на локалните јазли, преносливоста на броевите и референтна интерконекциска понуда, како и комплетирање на процедурата за пазарната анализа, ефективна примена на регулаторните обврски и имплементација на планот за универзалната услуга.Од Министерството за транспорт и врски сметаат дека врз основа на групното анализирање на Албанија, Босна и Херцеговина, Хрватска, Македонија, Црна Гора, Србија, Косово и Турција, Република Македонија споредено со другите земји во регионот предничи во делот на ефикасното решавање на спорови, изградената рамка со важни овластувања во согласност со барањата на Европската Унија за сите активности кои не бараат пристап до големи ресурси и поседувањето режим во согласност со стандардите на Европската Унија за прецизно дефинирање на пазарот на големо и мало.