Економија
Владата очекува стабилна економија и пораст кон крајот на годината
Стабилна економска ситуација, со стабилни приходи во Буџетот и нивен пораст во последниот квартал од годинва, се очекувањата на Владата во однос на економската ситуација во државата, изјави новоизбраниот вицепремиер за економски прашања Владимир Пешевски
По завршувањето на состанокот кај премиерот Никола Груевски, новиот вицепремиер задолжен за економскиот сектор Владимир Пешевски на новинарите им изјави дека во однос на економската состојба во државата во текот на летото се очекува стабилност, но не онаква каква што беше најавена од некои министри.„Приходите во Буџетот очекуваме да бидат стабилни, со благ раст во последниот квартал од годината“, додаде Пешевски. Вицепремиерот не сакаше да дава прогноза дали ќе се направи ребаланс на Буџетот, откако веќе поранешниот министер за финансии Трајко Славески препорача од собраниската говорница при неговото разрешување. Пешевски најави дека следната недела ќе има повеќе информации за тоа, но го потенцираше дека оптимизмот го темели на запирањето на падот на девизините резерви. „Она што знаеме е дека падот на девизните резерви е сопрен, а во последниот месец има и покачување, што значи дека определени мерки што биле преземени предхоно од Владата дале резултати. Обично политиките кои се воведуваат не даваат резултати на краток рок, туку е потребно малку повеќе време. Значи определни позитивни сигнали веќе се гледаат. Да не се лажеме, периодот во кој се наоѓаме е доста тежок и сложен, но мора да работиме со оптимизам бидејќи нема напред ако нема оптимизам“, изјави Пешевски.Одговорајќи на прашањата за потребите на приватниот сектор во кој се чувствува кризата и кои ќе бидат приоритетите на Владата, новиот вицепремиер ја нагласи важноста од зачувување на стабилниот курс на денарот.„Кај компаниите многу е важна стабилноста на курсот на денарот што е приоритет за Владата и сакам да порачам дека барем во оние мерки што се во нејзин домен, ќе сториме се’ тој да биде задржан. Работиме на некои други мерки. Во текот на третиот квартал ќе дојде и до операционализација на кредитот од Европска инвестициона банка за кој очекуваме да даде позитивни ефекти. Веќе има сериозни најави и од компании каде што делумно ќе биде употребено за подобрување на нивната ликвидност, а во определни случаи така и самата мерка е дизајнирана, да биде употребена и за инвестициони активности“, одговори Пешевски.За неговиот став во однос на буџетската политика и дали таа во време на криза треба да биде поекспанзивна или треба да се штеди и каква треба да биде структурата на расходната позиција на буџетот, Пешевски рече дека во овој момент не би можел да даде прецизен одговор и оти му е потребна подобра координација со министерот за финансии. Покрај премиерот Груевски на работниот состанок попладнево во Владата присуствуваа вицепремиерот и министер за финансии Зоран Ставрески, министерот за економија Фатмир Бесими, министерот за транспорт и врски Миле Јанакиески, министерот за земјоделство шумарство и водостопанство Љупчо Димовски и министерот за труд и социјална политика Џељал Бајрами. Тоа беше прв координативен состанок со министрите задолжени за економскиот сектор заедно со премиерот Груевски за негово запознавање со проектите и случувањата во економската сфера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Франција го казни „Шеин“ со 40 милиони евра за лажни попусти
Франција го казни кинескиот онлајн-продавач на облека „Шеин“ со 40 милиони евра за заведување на клиентите со тврдења за попусти.
Од 1 октомври 2022 година до 31 август DGCCRF анализира наводно намалени цени за илјадници производи на француската веб-страница на „Шеин“.
Истрагата откри дека некои цени на платформата биле зголемени непосредно пред попустите или не ги вклучувале претходните попусти, објави регулаторот. Цените на повеќе од половина од анализираните производи, 57 проценти, воопшто не биле намалени, откри DGCCRF, а речиси една петтина од попустите биле помали од рекламираните.
Во 11 проценти од случаите цената била уште повисока, објави DGCCRF. „Шеин“ исто така не успеа да достави докази на својата веб-страница за да ги поткрепи своите тврдења за еколошки свесно работење, како што е намалувањето на емисиите на стакленички гасови за 25 проценти.
(Фото: ЕПА)
Економија
(Видео) Николовски: Власта удри по земјоделците, крати 478 милиони денари во ребалансот
Власта предлага антинароден и расипнички ребаланс на буџетот, со кој се кратат 478 милиони денари од поддршката за земјоделците. Во најголемиот буџет власта нема пари за земјоделците, нема пари за поголеми субвенции, но затоа има повеќе пари, 30 милиони евра за владиниот луксуз, обвини пратеникот од СДСМ, Љупчо Николовски.
Тој додаде дека во време кога земјоделците се соочуваат со драстично зголемени трошоци за нафта, ѓубрива, механизација и работна рака, власта им го завртува грбот. Наместо поддршка, рече Николовски, добиваат игнорирање.
„Спротивно на оваа антинародна политика, СДСМ останува цврсто на страната на земјоделците. Пратеничката група на СДСМ поднесува амандмани со кој бара да се врати предвидената сума за субвенции и дополнително бара конкретни мерки за реална поддршка на земјоделското производство“, рече тој.
Николовски додаде дека СДСМ предлага враќање на поддршката од 12.000 денари по грло говедо за сточарите; зголемување на поддршката за оризова арпа за реколта 2024; интервентна субвенција од 8 денари по килограм сончоглед; поддршка од 5 денари по килограм за предадена пченица; мерка од 3 денари за продадена пченка во откупни капацитети; враќање на мерката од 1.000 денари за предадено јагне и итна распределба на картичките за зелена нафта за 50.000 земјоделци.
Николовски кажа дека СДСМ и во време на ковид пандемија и војна во Украина не кратела од земјоделците туку напротив, интервенирала со дополнителни субвенции, закони и програми.
„Апелираме до Владата: наместо да уриваат што е создадено, продолжете ги добрите практики кои функционираа. Не ги оставате земјоделците сами, не им кратете од она што им припаѓа! Земјоделството не смее да биде жртва на вашата расипничка политика“, рече Николовски.
Економија
Конституенцата на ММФ и СБ: Народната банка e столб на макроекономската и на финансиската стабилност
Гувернерот Трајко Славески, и министерката за финансии, Гордана Димитриеска-Кочоска, ја предводеа делегацијата на годишниот состанок на Конституенцата на Меѓународиот монетарен фонд (ММФ) и Светската банка (СБ), на која ѝ припаѓа нашата земја, а којшто годинава се одржува во Луксембург.
Дел од делегацијата е и вицегувернерката Ана Митреска. На билатералните средби коишто ги остварија беше потврдена улогата на Народната банка како столб на макроекономската и финансиската стабилност во земјава.
За време на средбите со високите претставници од ММФ и Светската банка − Јерун Клик, Марникс ван Рај, Марк Хортон и Јуџин Ругенаат − се водеа плодни дискусии за сегашните предизвици на централните банки.
Во рамките на дијалогот беше истакната важноста на координацијата меѓу централните банки и меѓународните финансиски институции за унапредување на финансиската вклученост, дигитализацијата на финансискиот систем и унапредувањето на регулативните рамки. Се разговараше и за начините на кои Народната банка ја поддржува макроекономската стабилност преку ефикасно управување со монетарната политика и силна регулаторна улога.
Овие средби ја потврдија довербата во капацитетот и посветеноста на Народната банка како стабилен и кредибилен партнер, што придонесува кон создавање отпорна и успешна економија, со подобри услови за граѓаните и за стопанските субјекти.
Народната банка и во иднина ќе биде посветена на својата мисија за обезбедување сигурност и стабилност на финансискиот систем, како основа за одржлив економски развој и напредок на земјава.
„Ова не е буцни прачка, пиј вино“ – Тошковски уверува дека се постапува за дивоградбите во Чаир
Министерството за внатрешни работи постапува по наредба од јавен обвинител во врска со случаите на дивоградби на подрачјето на скопската...
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки
Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка...
Не молчевме за корупцијата, а чистевме и во сопствениот двор – Тошковски за сработеното во досегашниот мандат
Министерот за внатрешни работи, Панче Тошковски, на денешната конференција за новинари посветена на сработеното во досегашниот мандат потенцира дека со...
17-годишник загина во сообраќајка во Кичево – возел мотор и се судрил со „ауди“
Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало...
Трамп го потпиша својот „голем, прекрасен“ закон: „Никогаш не сум видел толку среќни луѓе“
Претседателот на САД, Доналд Трамп, вчера во Белата куќа потпиша голем пакет даночни олеснувања и намалувања на јавните трошоци, на...
Пеколни горештини во Македонија, температурата денес ќе достигне 41 степен
Македонија е под топлотен бран. Според метеоролозите, времето денес ќе биде сончево и многу топло со мала до умерена локална...
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе...
Тенис на Вимблдон или трки на коњи во Аскот
Танталови маки за англиската аристократија Од специјалниот известувач од Вимблдон Во Велика Британија временските прилики се најчесто неприлики доколку планирате...
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
