Економија
Цените на мало во Македонија најниски во Европа

Цените на стоките и услугите за широка потрошувачка во Македонија минатата година биле најниски во Европа, односно за 53 проценти помали од просекот на ЕУ.
Ова се наведува во новиот извештај на Еуростат, во кој се мерени цените на мало во земјите-членки на ЕУ, кандидатите за членство Македонија, Хрватска и Турција, потенцијалните кандидати Албанија, БиХ, Србија и Црна Гора, како и Норвешка, Исланд и Швајцарија.Цените во Македонија се најниски и претставуваат 47 проценти од просечните во 2008 година.Цените на алкохолните пијалаци и тутунските производи во Македонија се за 57 проценти пониски во однос на европскиот просек, угостителските услуги се помали за 55 насто, храната и безалкохолните пијалаци се поевтини за 41 процент, а облеката за 29 отсто. На европскиот просек се цените на превозните средства, а за три насто се поскапи електронските апарати за широка потрошувачка.Во земјите од Западен Балкан цените на мало се пониски од европскиот просек и тоа во Албанија за 47 насто, во БиХ за 44 проценти, во Србија за 42 насто, во Црна Гора за 38 проценти, во Турција за 27 насто и во Хрватска за 25 проценти.Меѓу земјите-членки на Европската Унија, лани според податоците на Еуростат, постоеле големи разлики во цените на стоките и услугите за широка потрошувачка.Најскапо било во Данска, каде цените биле за 41 насто повисоки од просечните, а најевтино во Бугарија, каде цените биле за 49 проценти пониски од просечните.Над европскиот просек покрај Данска биле и Ирска, Финска, Луксембург, Шведска, Белгија, Франција, Италија, Австрија, Германија и Холандија.Цените на мало во 2008 година пониски од просечните биле во Велика Британија за еден процент, па следуваат Шпанија, Грција, Кипар, Португалија, Словенија, Малта, Естонија, Летонија, Чешка, Унгарија, Словачка, Полска, Литванија, Романија и Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Премиерот Мицкоски го посети логистичкиот центар на Лидл – инвестиција од 115 милиони евра

Премиерот Христијан Мицкоски денеска го посети Регионалниот дистрибутивен центар на Лидл Северна Македонија во Речица, Куманово, кој е во завршна фаза на изградба и се очекува да отпочне со работа во пролет 2026 година.
Инвестицијата е вредна 115 милиони евра, ќе овозможи отворање на 230 нови работни места, а во изградбата Лидл соработува со над 75 македонски компании.
Покрај премиерот Мицкоски на настанот присуствуваа и вицепремиерот и министер за транспорт Александар Николоски, министерот за економија и труд Бесар Дурмиши и заменик министерот Марјан Ристески, директорот на Царинската управа Бобан Николовски, директорот на Агенцијата за храна и ветеринарство Оливер Миланов и градоначалникот на Куманово, Максим Димитриевски.
Милена Драгијска, извршна претставничка на Лидл, изрази благодарност за соработката со Владата, во кои, како што рече гледаат големи партнери.
„Овој логистички центар подразбира свежи производи за македонските потрошувачи во секоја продавница, секој ден. Ова е можност и за македонските производители да ги намалат трошоците, односно да ги складираат своите производи овде како централна локација, а дополнително ние располагаме со механизми за контрола на квалитет, бидејќи гарантираме за свежината и за квалитетот на производите“, изјави Драгијска.
Со површина од 170 000 м2 и оперативна површина од 63 000 м2, ова е најголемиот логистички центар во Северна Македонија. Преку иновативната технологија, стандардите на градба, енергетската ефикасност и начин на работа, со логистичкиот центар се поставуваат нови стандарди за логистичка инфраструктура во Северна Македонија.
Лидл е дел од групацијата „Шварц“, со седиште во Некарзулм, Германија, и е еден од водечките трговци на мало со храна во Германија и Европа. Лидл моментално управува со околу 12.600 продавници и повеќе од 230 дистрибутивни и логистички центри во 31 земја и вработува над 382.400 луѓе.
ПР
Економија
Мицкоски: Трговијата во индустријата е зголемена за 13-14 отсто во јули, споредено со истиот месец лани

Премиерот Христијан Мицкоски денеска одговарајќи на новинарско прашање во однос на тоа дека економијата се опоравува и какви се макроекономските показатели во индустријата, изјави:
„Државниот завод за статистика објави параметар вчера, во којшто вели дека трговијата во индустријата е зголемена за 13-14% во јули, споредено со истиот месец претходната година. И тоа е тренд кој што нѐ следи цела година, но она кое што за мене е забележливо, е фактот што таа трговија во индустријата, во делот на размена со странство е дури и повеќе зголемена, отколку трговијата во индустријата дома.
Кога зборувам повеќе надвор, зборувам за повеќе од 15% и тоа е единствен резултат во Европа каде што имаме толку силна, зголемена трговија во индустријата. И тоа е добар показател, бидејќи јули е првиот месец од третиот квартал. Во првиот квартал имавме 3,2% раст на БДП, во вториот квартал 3,4 иако номиналниот е 7,8. Очекувам во третиот и четвртиот квартал тој раст да продолжи до крајот на годината. Така што ова се сѐ индикатори коишто ние со години наназад, не сме биле ни блиску да ги постигнеме, а камо ли пак да ги коментираме.“
Економија
Дурмиши на „Бизнис Лидер“: Владата и стопанството се партнери во градење на модерна и одржлива економија

Министерот за економија и труд, Бесар Дурмиши, денеска се обрати како почесен гостин на најголемата бизнис конференција во земјава – „Бизнис Лидер“, која ги обединува најуспешните претприемачи, визионери и компании што ја движат македонската економија напред.
Во своето обраќање, министерот истакна дека оваа конференција претставува симбол на волјата, капацитетот и одговорноста за зајакнување на темелите на економијата и за создавање подобра иднина за граѓаните.
„Нашата визија е јасна – Македонија да стане зелена, дигитална и иновативна економија, со силно претприемништво и со култура на иновации во секоја компанија. Само преку партнерство помеѓу јавниот и приватниот сектор можеме да обезбедиме стабилен раст, нови работни места и подобар животен стандард за сите граѓани“, рече Дурмиши.