Контакт

Економија

Цементарница „Усје„ со раст на добивката

Објавено пред

Во изминатите  девет месеци од годинава Цементарница „Усје“ бележи раст на добивката за 6,85 отсто споредено со лани Според финансискиот извештај на компанијата добивката на „Усје“ изнесува 21,4 милиони евра. Продажбата во третото тромесечје споредено со истиот период минатата година бележи пад за 13,6 отсто./крај/пд



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Стратешкиот чешки инвеститор Групацијата АРИКОМА најавува продолжување на инвестициите во ИТ- експерти во Северна Македонија

Објавено пред

На денешната прес-конференција присуствуваа претседателот на Владата на Република Северна Македонија, г. Зоран Заев, амбасадорот на Република Чешка во Република Северна Македонија, НЕ Мирослав Томан, и новата странска инвестиција во земјата – акцизицијата на компанијата „Сеавус“ од страна на чешката Групација АРИКОМА, дел од ККЦГ Групацијата, која беше претставена од страна на Михал Томанек, директор за инвестиции одговорен за ИТ на Групацијата АРИКОМА, како и Игор Лештар, претседател на одбор на Групацијата „Сеавус“.

Станува збор за влегување на македонскиот пазар на инвеститор од Европската Унија, Групацијата АРИКОМА, една од најголемите чешки групации, дел од ККЦГ Групацијата, која е приватна мулитнационална финансиска и ивестициска групација основана во 1995 година, со канцеларии во Швајцарија, Чешка, Белика Британија и САД, со вкупна вредност на капиталот од 7 милијарди евра и 5 милијарди евра приходи, и 6.000 вработени во 22 земји во светот.

На крајот на минатата година компанијата „Сеавус“ е аквизирана од страна на Групацијата АРИКОМА, која ја сочинуваат ИТ-компании фокусирани на развој на прилагодени софтверски решенија, ИТ-инфраструктура и развој на клауд-решенија. Групацијата АРИКОМА преку значителни инвестиции за развој на ИТ-услугите е водечка компанија на пазарите во Чешка и во Словачка и нуди целосни ИТ-услуги, а со купувањето на „Сеавус“, влегува и на македонскиот пазар, но и значително го зголемува своето меѓународно присуство. Од  Групацијата АРИКОМА изјавуваат дека ќе продолжат да инвестираат во вработување и развој на ИТ-експертите во Северна Македонија и ќе ги унапредат  вложувањата во развој на сите ИТ-кадри преку едукативните центри на „Сеавус“.

„Искуствата кои ги стекнавме оваа година ни даваат  право да кажеме дека дигиталната трансформација се одвива многу побрзо отколку што се очекуваше. Амбицијата на  Групацијата АРИКОМА да стане лидер во пошироки рамки и предводник на таа трансформација совршено се вклопува со мисијата, вредностите и позицијата што ги има ‘Сеавус’ не само во Северна Македонија туку и пошироко. Оттука, продолжуваме силно да инвестираме во развој на ИТ-кадрите во Северна Македонија, да ги споделуваме меѓународните искуства, продолжуваме да бидеме бизнис-инкубатор и да ја промовираме и понатаму ИТ-експертизата на македонските професионалци на меѓународен план. Ги поздравуваме заложбите на Владата на Република Северна Македонија за овозможување бизнис-клима за развој на ИТ-секторот, во кој „Сеавус“ беше, е и ќе остане двигател на растот на дигиталното општество, но и пример за сите сегашни и идни претприемачи и странски инвеститори“, изјави Михал Томанек, директор за инвестиции одговорен за ИТ, Групација АРИКОМА.

Компанијата „Сеавус“ е групација основана во 1999 година, која вработува 800 професионалци во 15 канцеларии во 8 земји во светот: Северна Македонија, Шведска, САД, Србија, Босна и Херцеговина, Белорусија, Швајцарија и Молдавија, со преку 4.000 клиенти меѓу кои светски телеком-оператори и производители на мобилни и електронски уреди, организации од банкарскиот и финансискиот сектор, технологија, образование, здравство, компјутерски игри – сериозни компании кои котираат на светските берзи.

„Придонесот на ‘Сеавус’ во земјата е значаен не само како поттик кон иновациите и претприемништвото, развојот на ИТ-индустријата и кадрите, но и во однос на економијата и поддршката на заедницата. Верувам дека со силен стратешки партнер како АРИКОМА ќе ги забрзаме иновациите и уште повеќе ќе ги зајакнеме нашите позиции на меѓународниот пазар. Тоа практично ќе ни овозможи да одговориме на предизвиците на новото време, да понудиме иновативни и квалитетни услуги и софтверски решенија од следната генерација за нашите клиенти, развиени и имплементирани токму од нашите луѓе, од нашите ИТ-експерти“, истакна Игор Лештар, претседател на управниот одбор на  Групацијата „Сеавус“.

Новата инвестиција ја поздрави и НЕ Мирослав Томан, амбасадор на Република Чешка во РСМ кој ја истакна важноста на поединечните инвеститори во развојот на трговските, но и севкупните билатерални односи на двете земји.

„Република Чешка e долгорочен силен поддржувач на Република Северна Македонија во однос на НАТО и ЕУ. Изминатата година поддршка беше обезбедена не само во справување со кризата со Ковид-19, туку и во повеќе други области. Искрена благодарност до сите кои работеа на реализација на оваа чешка инвестиција во капитал, знаење и технологии. Со инвестицијата која ја презентираме денес, ‘Сеавус’ добива одговорен и перспективен сопственик. Компанијата ККЦГ основана од Карел Комарек е една од најголемите бизнис-групации во Република Чешка, која работи во Еврoпа и САД и искрено се надевам дека со оваа аквизиција придобивки ќе има и Република Чешка и Северна Македонија и дека овој пример е вистинска добитна комбинација за компаниите и економиите“, изјави НЕ Мирослав Томан, амбасадор на Република Чешка.

Претседателот на Владата на Република Северна Македонија ја поздрави оваа инвестиција како основа за понатамошен раст на успешни македонски компании во насока на зголемување на вработувањата, развој на ИТ-професионалците и поттик за понатамошен развој на ИКТ секторот во земјата како важна индустријата која значително придонесува во економскиот развој на земјата и економијата базирана на знаење.

„Човечкиот потенцијал секогаш бил и натаму останува највредниот ресурс на компанијата, бизнисот, на севкупното општество.  Токму лицата од ИТ-секторoт покажаа голем потенцијал за развој на оваа дејност во нашата земја. Македонскиот ИКТ-сектор во последните години бележи постојан раст во број на компании и вработени, раст на извозот, на профитот и на приходите. Оваа индустрија е најбрзорастечка во земјава, која ги вработува најмладите и најпрогресивни граѓани. Нашите заложби се насочени кон натамошно подобрување на условите за работа, кои треба да ја раздвижат ИКТ-индустријата и да овозможат забрзана дигитализација на компаниите. За таа цел еден од приоритетите во Владината програма е намалување на персоналниот данок во ИТ-секторот од сегашните 10 отсто на 0 отсто во 2023 година. Тоа треба да биде доволен поттик за натамошен развој на оваа индустрија“, истакна Зоран Заев, претседател на Владата на Република Северна Македонија.

Согласно податоците од Централен регистар во Република Северна Македонија, ИКТ-индустријата расте по сите основи. Генералниот приход на индустријата во 2016 година бил 752 милиони евра, додека во 2019 година бил 880 милиони евра. Тоа е раст од 17% за три години. Вкупниот број на компании регистрирани во ИКТ-секторот од 2016 година, кога биле 1,296 пораснал на 1,957 во 2019 година, што е пораст за околу 700-тини компании за само 4 години. Бројот на вработени од 10,975 во 2014 година, пораснал на 15,093 во 2019 што е пораст за приближно 50%. Ова е значителен пораст на вработените во една индустрија.  Значаен пораст бележи извозот на ИКТ-софтвер и услуги, кој во 2016 година бил 150 милиони евра, а во 2019 година пораснал до 210 милиони евра, што е пораст за 40%.

За „Сеавус“
„Сеавус“ е компанија за развој на софтвер и консалтинг-услуги со докажано искуство во успешни софтверски бизнис-решенија. Компанијата брои преку 800 ИТ-специјалисти ширум светот и нуди широк спектар на софтверски производи, решенија и услуги, успешно покривајќи ги европскиот и американскиот пазар преку неколку канцеларии и претставништва во светот. Портфолиото на решенија и услуги вклучува BSS/OSS, CRM, CEM, Business Intelligence решенија, ALM, Embedded програмирање, бизнис и потрошувачки производи, мобилни апликации и гејминг-решенија, Managed Services, како и консалтинг и развој на апликации побарање на клиентите. Во портфолиото на „Сеавус“ се вбројуваат над 4.000 клиенти, меѓу кои светски телеком-оператори и производители на мобилни и електронски уреди, организации од банкарскиот и финансискиот сектор, технологија, образование, здравство, итн. Денес „Сеавус“ има петнаесет оперативни канцеларии лоцирани во неколку земји, вклучувајќи ги Шведска, САД, Северна Македонија, Белорусија, Молдавија, Швајцарија, Србија, Босна и Херцеговина, со стратегија за континуиран раст.

За Групација АРИКОМА
Најголемиот ИКТ-холдинг во Чешка. Во групата спаѓаат компаниите AUTOCONT, Cleverlance, DataSpring, AEC, Cloud4com и Internet Projekt. Компаниите во Групацијата АРИКОМА обезбедуваат ранг на услуги, почнувајќи од дизајнирање на ИКТ-архитектура, инфраструктура и калуд-услуги, имплементација на корпоративни апликации, па сè до развој на сопствени сеопфатни софтверски решенија и аутсорсинг. Минатата година вкупниот приход на групата надмина 270 милиони евра, односно 7 милијарди чешки круни.

За KKCG
Групацијата KKCG, основана и предводена   од   успешниот   чешки   претприемач   Карел Комарек, е меѓународна   инвестициска   компанија   со   повеќе   од  7 милијарди   евра (книговодствена   вредност) средства и 5 милијарди евра во приходи . Групацијата вработува над 6.000 експерти во 22 земји во светот. Клучните стратешки   сектори  на KKCG вклучуваат   игри  на  среќа, нафта и гас, технологија и недвижнини. Групацијата KKCG ги   вклучува   Групацијата SAZKA, Групацијата  АРИКОМА , Групацијата MND, американскиот Methanol, капиталниот   фонд Springtide Ventures и други.

Прикажи повеќе...

Економија

Министрите Хоџа и Нуредини на работна средба во Анкара

Објавено пред

Владина делегација предводена од министерот за земјоделство, шумарство и водостопанство Арјанит Хоџа и министерот за животна средина и просторно планирање Насер Нуредини денеска во Анкара оствари работна средба со министерот за земјоделство и шумарство на Република Турција, Беким Пакдемирли.

Во рамки на посетата беа потпишани два меморандуми за соработка помеѓу Владата на Северна Македонија и Турција во областа на водостопанството и шумарството, како и Договор за соработка во областа на ветеринарната политика и безбедност на храна.

Двете земји во областа на водостопанството ќе соработуваат во насока на одржливо управување со водни ресурси, прилагодување кон климатските промени и создавање можности за нови инвестиции, и преку спроведување на заеднички проекти ќе придонесат кон заштита и искористување на шумскиот потенцијал. Со стекнатиот Договор за безбедност на храната се регулираат надлежностите и обврските на двете земји од аспект на увоз, извоз и транзит на храна и животни, со цел исполнување на стандардите за безбедност и релевантната законска регулатива.

На средбата министрите Хоџа и Нуредини потенцираа дека и во услови на светска пандемија трговската размена во 2020 година помеѓу Северна Македонија и Турција бележеше тренд на зголемување, што претставува добра основа за понатамошно јакнење на севкупните економски односи меѓу двете земји.

Турскиот министер Пакдемирли подвлече дека Република Турција останува верен поддржувач на севкупниот развој на Република Северна Македонија и дека со потпишаните документи се утврдува заемниот интерес и рамката на нови значајни области и форми за продлабочување на соработката. Денешната средба е потврда за подготвеноста на двете пријателски земји да го засилат интензитетот на соработката и размената на искуства помеѓу институциите, да го поттикнат интересот на приватниот сектор за долгорочни вложувања во стратешки партнерства за одржлив развој, се вели во соопштението.

Прикажи повеќе...

Економија

Во последните седум дена извршени 4.817 надзори и контроли, затворени се пет угостителски објекти

Објавено пред

Во периодот од 11 до 17 јануари од страна на седумте инспекциски служби се спроведени вкупно 4.817 надзори и контроли. При спроведените надзори, Државниот пазарен инспекторат изрече 19 прекршочни пријави и 102 решенија за констатираните неправилности, како и 50 прекршочни платни налози. Во истиот период се забележува намалување на бројот на издадени решенија за изолација и домашно лекување на лица позитивни на Ковид-19 и лица кои биле во контакт со заболени лица од коронавирус.

Во изминатите седум дена Државниот здравствен и санитарен инспекторат изврши 117 надзори, врз основа на кои изрече 20 решенија. При тоа, овој инспекторат, којшто покрај вршењето на надзори во здравствените установи, задолжен е и за издавање решенија за изолација, во посочениот период издаде вкупно 6.576 решенија за изолација и домашно лекување на лица позитивни на Ковид-19 и лица кои биле во контакт со заболени лица, со што продолжува трендот на опаѓање на решенија за изолација.

Во истиот период, инспекторите од Државниот пазарен инспекторат извршија 3.159 контроли и 582 надзори поврзани со почитување на здравствените протоколи за отворање и работа на кафетерии и угостителски објекти кои послужуваат храна и според материјалните закони. При спроведените надзори, изречени се 19 прекршочни пријави и 102 решенија за констатираните неправилности, како и 50 прекршочни платни налози. Од вкупниот број на решенија, пет решенија се донесени поради непочитување на Законот за заштита на населението од заразни болести и Протоколот за работа на угостителските објекти, и тоа за два угостителски објекта во Скопје и по еден угостителски објект во Гостивар, Тетово и Куманово, во кои не се почитувало работното време и ограничувањето за четири лица на една маса. Во сите случаи изречена е мерка забрана за вршење дејност, односно истите се затворени за работа на лице место, а дополнително и изречени им се соодветни прекршочни платни налози.

Во периодот од 11 до 17 јануари Инспекторатот за транспорт изврши 39 надзори, при што за непочитување на материјалните закони изречени се: три прекршочни пријави и едно решение. Во однос на Законот за заштита на населението од заразни болести, минатата недела не се констатирани прекршувања, односно непочитување на протоколите за превоз на патници.

Државниот инспекторат за труд во изминатите седум дена изврши 547 надзори во правни субјекти на територијата на целата држава со фокус на почитување на здравствениот протокол за превентивни мерки за сите работни места. При тоа инспекторатот изрече 19 решенија и четири прекршочни платни налози. Од вкупниот број на решенија, осум решенија се донесени поради непочитување на Законот за заштита на населението од заразни болести и Протоколот за превентивни мерки за сите работни места, а дополнително согласно овој закон се издадени четири ППН заради неносење заштитна маска на работно место.

Агенцијата за лекови и медицински помагала МАЛМЕД во истиот период спроведе 18 надзори во аптеки по основ почитување на мерките на Владата, односно за формирани цени на заштитни средства од корона и при истите не се констатирани неправилности.

Агенцијата за храна и ветеринарство изврши 318 надзори, при што издадени се 16 решенија, 24 едукации и 1 налог, по основ на нерегистриран оператор, непостапување по наредени мерки, неизвршени здравствени прегледи, неправилно складирање, чување и означување на производи.

Државниот инспекторат за животна средина во текот на минатата недела изврши вкупно 37 надзори. Притоа, за констатираните неправилности од областа на животната средина инспекторите донесоа девет решенија согласно Законот за водите и Законот за управување со отпад за правни субјекти од Радовиш, Струмица, Ресен и Општина Илинден. Согласно епидемиолошките насоки, од утре стапува на сила новото работно време за угостителските објекти до 21 часот. Со оваа одлука завршува и вонредното ограничување на работното време во угостителските објекти на бензинските пумпи, како и за гостите сместени во хотелите, мотелите, хостелите и останатите сместувачки капацитети, при што истите ќе можат да работат со редовното работно време утврдено со законот за работа на овие угостителски капацитети. Инспекциските служби и во следниот период ќе продолжат со интензивни контроли на терен во делот на почитување на здравствените протоколи и материјалните закони, се наведува во соопштението на Владата.

Прикажи повеќе...

Најново

Свет6 часа

Кина воведе санкции кон 28 лица од администрацијата на Трамп

Кина воведе санкции за 28 лица од Америка, вклучително и официјални лица од поранешната администрација на Трамп, обвинувајќи ги за...

Свет8 часа

(Видео) По силната експлозија во Мадрид, една зграда е уништена, три лица загинаа

Една зграда е уништена, а околните згради се оштетени од силната експлозија којашто се случи недалеку од туристичката атракција Пуерта...

Свет9 часа

(Видео) Бајден положи заклетва: Победи демократијата

„Ова е ден на Америка, ден на демократија. Денес го славиме триумфот не на кандидатот, туку на пораката. Се слушна...

Македонија9 часа

Заев: Пописот е статистички процес неопходен за креирање на долгорочни развојни економски политики

„Остануваме целосно посветени на успешното спроведување на пописот, на неговата афирмација во делот на спроведување и поддршка на самиот попис....

Спорт11 час

Финишот на полувремето кобен за Македонија, пораз од Словенија со 21-31

Добрите две третини од првиот дел од мечот меѓу Македонија и Словенија во рамки на главната фаза од ракометниот Мундијал...

Економија11 час

Стратешкиот чешки инвеститор Групацијата АРИКОМА најавува продолжување на инвестициите во ИТ- експерти во Северна Македонија

На денешната прес-конференција присуствуваа претседателот на Владата на Република Северна Македонија, г. Зоран Заев, амбасадорот на Република Чешка во Република...

Македонија11 час

72 нови случаи на Ковид-19, починаа 13 лицa

Министерството за здравство информира дека во последните 24 часа се направени 793 тестирања, а регистрирани се 72 нови случаи на...

Свет12 часа

(Видео) Трамп го одржа својот последен говор како претседател: Ќе се вратиме во некоја форма

Трамп последен пат ѝ се обрати на јавноста во својство на претседател на САД во воздухопловната база „Ендрус“, каде што се...

Македонија12 часа

Заев: Од функционерите прв треба да се вакцинира Филипче, па по него – јас

Премиерот Зоран Заев најави дека ќе ја прими вакцината за заштита од Ковид-19 веднаш по министерот за здравство, Венко Филипче,...

Македонија13 часа

Судскиот совет ја разреши Татјана Михајлова поради несовесно работење

Судскиот совет ја разреши судијката Татјана Михајлова од судиската функција поради нестручно и несовесно работење. Постапката против неа се водела...

Свет15 часа

(Видео) Во Вашингтон поставени железна ограда и бетонски блокови – „Ова потсетува на Багдад“

Инаугурацијата на Џо Бајден за претседател на Соединетите Американски Држави ќе се одржи денеска напладне по локално време, односно во...

Свет16 часа

Русите тврдат дека нивната вакцина „епивакорона“ обезбедува стопроцентна заштита

Втората руска вакцина против Ковид-19 обезбедува стопроцентна заштита, соопшти здравствениот регулатор „Роспотребнадзор“, врз основа на резултатите од клиничките испитувања, објави...

Македонија17 часа

ИЈЗ: Намален бројот на нови позитивни случаи, зголемен бројот на оздравени лица

Во периодот од 11 до 17 јануари е забележано намалување на бројот на нови позитивни случаи и на процентот на позитивни...

Топ17 часа

МВР го пронајде тетовецот кој објави видео како незаконски поминува на наплатна рампа

Тетовската полиција го расчисти случајот со видео-клипот кој неодамна преку социјалната мрежа „Тик-ток“ се појави во јавноста, а се однесува...

Свет18 часа

(Видео) Кина гради голем камп за карантин

Кина забрзано гради огромен камп за карантин, кој може да прими над 4.000 луѓе, пишува Си-ен-ен. Десетици милиони луѓе во...

Свет18 часа

Џо Бајден денеска ќе стане 46. претседател на САД

Џо Бајден денеска ќе положи заклетва како 46. претседател на САД. За разлика од претходните церемонии, традиционалните говори, настапи и...

Македонија19 часа

Во делови од Македонија почувствуван земјотрес со епицентар во Албанија

Земјотрес со локална Рихтерова магнитуда од 4,0 степени во соседна Албанија бил почувствуван во делови од државата синоќа околу 3.29...

Свет1 ден

Германија воведува уште построги мерки до 14 февруари

Германија ќе воведе уште построги мерки на заклучување и нивно продолжување до 14 февруари. Канцеларката Ангела Меркел се состана со...

Свет1 ден

ЕУ очекува до лето да биде вакцинирано најмалку 70 проценти од населението

Земјите од Европската унија треба до лето да имаат за цел да вакцинираат најмалку 70 проценти од нивната возрасна популација,...

Македонија1 ден

Матурантите ќе го бојкотираат почетокот на второто полугодие

Средношколскиот сојуз ги повика матурантите да го бојкотираат почетокот на второто полугодие кое стартува во четврток. Како образложение го наведуваат...

Досие