Економија
Eos Matrix, Seavus и Next Sense со најголема грижа за човечките ресурси
Единственото списание за човекови ресурси во Македонија „Global Hr“ денеска за првпат организираше доделување на награди во повеќе категории за развој на човечки ресурси. Наградата за најдобар менаџер за човекови ресурси замина во рацете на Марина Сивакова-Таскова од компанијата Eos Matrix.Компанијата Seavus има најдобар оддел за човечки ресурси во Македонија, додека компанијата Next Sense најмногу вложувала во своите вработени и во развојот на човековиот капитал.Наградите ги додели експертот за човечки ресурси Весна Димевска, која што оцени дека човечките ресурси претставуваат моторната сила на секоја компанија.„Правилното водење и менаџирање со човечкиот капитал се предуслов за успешна и профитабилна компанија. Токму затоа со овие награди сакаме да им дадеме почит и признание на компаниите, кои во изминатата година се покажаа за најуспешни“, рече Димевска.Најдобриот менаџер за човекови ресурси Сивакова-Таскова изјави дека од една страна е најтешко да се работи со луѓе, бидејќи станува збор за многу карактери и особини, но од друга страна, е и најслатко да се работи со луѓе.„Ова е големо признание за мене, но и голем мотив и поттик да бидам уште подобра во иднина“, изјави Сивакова-Таскова.Раководителот на одделот за човечки ресурси на Seavus, Оливера Геговска истакна дека наградата претставува потврда за долгогодишна работа и е признание за она каде што во моментов се наоѓа Seavus.„Пред се сакам да се заблагодарам на самата компанија, која што несебично инвестира во постоењето на еден ваков оддел и која што ја знае вредноста на неговото постоење. Ова е една обврска за нашиот оддел и во иднина оваа награда да ја потврди“, рече Геговска.Претставникот на Next Sense истакна дека вработените во компанијата се најзаслужни за оваа работа бидејќи од срце вложуваат во својата компанија Принципот на избор на најдобрите е по пат на номинација на кандидатите од страна на самите вработени во компаниите, додека изборот на наградените го изврши стручно жири. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
За една година поскапеа и кафаните: угостителските услуги зголемени за 3,5 проценти
Цените на угостителските услуги во декември 2025 година се зголемени за 3,5 проценти во споредба со истиот месец лани, покажуваат податоците на Државен завод за статистика.
На годишно ниво, односно во периодот јануари – декември 2025 година во однос на истиот период од 2024 година, угостителските услуги се поскапени за 4,8 проценти.
Истовремено, статистиката покажува дека во декември нема промени во однос на претходниот месец. Цените на угостителските услуги останале на исто ниво како и во ноември 2025 година.

Фото: unsplash
Економија
МФ: Пласирани над 224 милиони евра за поддршка на инвестиции кон компаниите, исплатена нова транша од Буџетот кон Развојната банка
Министерството за финансии од Буџетот изврши исплата нова транша во вредност од 424,9 милиони денари или 6,9 милиони евра кон Развојната банка за поддршка на домашните компании.
Со исплатата на оваа транша вкупната поддршка на државата кон домашната економија изнесува 13,8 милјарди денари или 224,3 милиони евра од вкупно планираните 250 милиони евра за поддршка на домашните компании, велат од Министерството за финансии.
„Владата ги обезбеди овие средства преку кредитна линија од Унгарската експорт-импорт банка со цел поддршка на домашната економија. Поддршката се состои од пласман на средства по поволни услови за компаниите во насока на реализација на приватните инвестиции, со што тие ќе обезбедат сопствен развој и поттикнување на економскиот раст. Средствата се пласираат до крајните корисници преку деловните банки, каматната стапка е 1,95% годишно, рокот на отплата е до 15 години и грејс период до 3 години.
Вкупниот буџет за поддршка на домашните компании предвидени во Буџетот изнесува 250 милиони евра, а вредноста на инвестицискиот циклус се проценува на околу 300 милиони евра“, се додава во соопштението на Министерството за финансии.
Економија
Мицкоски најави построги казни за супермаркетите што го кршат законот: „Ако така продолжат, ќе мора да стават клуч на врата“
Премиерот Христијан Мицкоски оцени дека годишната инфлација ќе се движи околу четири проценти, најавувајќи засилени инспекциски контроли и законски измени со значително повисоки казни за трговските ланци што ги прекршуваат правилата за нефер трговски практики.
Одговарајќи на новинарско прашање, Мицкоски изјави дека ваквите проекции за инфлацијата се присутни веќе со месеци и дека Владата активно делува преку зачестени контроли на инспекциските служби.
„Ќе предложиме законски измени со многу поголеми казни за сите ланци на супермаркети коишто го изигруваат законот за нефер трговски практики. За некои од ланците веќе имаме докази и мислам дека ако така продолжат, ќе мора клуч да стават на врата“, изјави премиерот.

