Економија
24 часа Le Mans: тимот Peugeot TotalEnergies е подготвен за големoт предизвик на 24 часа Le Mans
Тимот Peugeot TotalEnergies ќе се натпреварува со два PEUGEOT 9X8 хиперавтомобили на 92-то издание на „24 часа Le Mans“.
Целта е да се има максимална доверливост и да се прикажат перформансите кај PEUGEOT 9X8 2024
Дваесет и три прототипи ќе се натпреваруваат во елитната категорија на хиперавтомобили, а се очекуваат повеќе од 320.000 фанови и посетители за време на лудилото што се нарекува „недела на Le Mans“.
Откако минатогодишното издание привлече рекордна толпа од 325.000 фанови, „24 часа Le Mans“ оваа година е повторно распродаден. Билетите за настанот во оваа 2024 година, беа буквално распродадени за неколку дена.
during the 2024 TotalEnergies 6 Hours of Spa-Francorchamps, 3rd round of the 2024 FIA World Endurance Championship, from May 8 to 11, 2024 on the Circuit de Spa-Francorchamps in Stavelot, Belgium – Photo Florent Gooden / DPPI
Да се соочиме со тоа, љубителите на трките ги имаат сите причини да дојдат. Тие можат да очекуваат многу возбуда на патеката „Circuit de la Sarthe“, со дваесет и три прототипи и девет престижни производители на автомобили, кои се натпреваруваат во елитната класа на хиперавтомобили. Оваа 24-часовна тркачка патека е најдолгата (13.626 km) и најбрзата (просечна брзина поголема од 240 km/h) патека на светскиот шампионат на издржливост на FIA.
„Le Mans е вкоренет вo ДНК кодот на брендот PEUGEOT. Сеќавањата и емоциите што се чувствуваат на овој култен настан се протегаат низ генерациите“, изјави Jean-Marc Finot, Потпретседател на Stellantis Motorsport и додаде: „Ентузијазмот што го видовме на Le Mans во 2023 година, покажа колку силно фановите го поддржуваатPEUGEOT. Оваа година се враќаме порешителни од кога било. Тимот работеше неуморно повеќе од една година за да се пласира на стартната линија на 15 јуни. Овогодинешната трка ќе биде историјска во однос на големината и квалитетот на натпреварот. „24 часа Le Mans“ е уникатна авантура за човекот“.
Тимот Peugeot TotalEnergies во трката влезе со две верзии на PEUGEOT 9X8 2024. Тимот има намера да ја покаже доверливоста на автомобилот и придобивките од перформансите направени во овој радикално изменет хиперавтомобил, кој го имаше своето натпреварувачко деби на „6 часа Imola“ на почетокот на април, по само десет месеци развој.
Peugeot TotalEnergies pit stop during the 2024 TotalEnergies 6 Hours of Spa-Francorchamps, 3rd round of the 2024 FIA World Endurance Championship, from May 8 to 11, 2024 on the Circuit de Spa-Francorchamps in Stavelot, Belgium – Photo Julien Delfosse / DPPI
„Навистина сме задоволни што успеавме да го возиме овој автомобил за прв пат на Imola“, истакна Olivier Jansonnie, технички директор на Peugeot Sport. „Да се развие хиперавтомобил кој е за 90% нов во однос на каросеријата и тоа за само десет месеци, со сѐ времето за производството за делови и алати е навистина импресивно достигнување. Овој подвиг возможен го направи тимската работа на екипата на Peugeot TotalEnergies“.
На своето натпреварувачко деби, PEUGEOT 9X8 2024 ги обезбеди првите бодови на WEC за тимот во оваа сезоната со деветтото место на „6 часа Imola“. И покрај тоа што се соочи со многу силна конкуренција, три недели подоцна PEUGEOT 9X8 2024 постигна уште еден пласман да заврши помеѓу првите десет на листата на „6 часа Spa-Francorchamps“.
FINOT Jean-Marc (fra), Director of Stellantis Motorsport, portrait during the 2024 TotalEnergies 6 Hours of Spa-Francorchamps, 3rd round of the 2024 FIA World Endurance Championship, from May 8 to 11, 2024 on the Circuit de Spa-Francorchamps in Stavelot, Belgium – DPPI
„Справување со сите моменти за време на трката и придобивките од перформансите беа во согласност со нашите очекувања и она што го забележавме за време на зимските тестирања“, потврди Olivier Jansonnie. „Сепак, нема сомнеж дека сè уште треба да се подобриме. Со околу дваесет хиперавтомобили на патеката, видовме како ѝ најситните детали можат да ја направат разлика. Во Imola и Spa, благодарение на одличната стратегија и напорната работа на сите во тимот, трката ја завршивме пред побрзите болиди. Доколку ги погледнете перформансите на болидот, очигледно е дека ние го подобривме исходот, иако реално сеуште не го достигнуваме резултатот на кој се надевавме.
Историски гледано, Le Mans е една од најуникатните трки“, објасни Olivier Jansonnie. „Се разбира тука е автомобилот, неговата брзина и сигурност, но се работи и за подготовка на тимот, стратегија за трката и тн. Нашите подготовки започнаа во јули 2023 година, откако темелно го разгледавме 91-то издание, гледајќи што функционира добро, каде би можеле да се подобриме и сл. Минатата година беше нашиот прв пат да се вратиме на Le Mans по долго време и оваа година дефинитивно ќе бидеме подобро подготвени. Минатата година, во во 2023 времето беше многу променливо и тимот Peugeot TotalEnergies успеа максимално да ги искористи незгодните услови. 94 PEUGEOT 9X8 ја водеше трката цели 34 круга среде ноќ и двата болида ја поминаа целната линија на најголемата трка во светот!
Оваа година реално не размислуваме на резултатот. Нашиот единствен фокус е кон тоа да обезбедиме трката да минува без проблеми и да обезбедиме максимална сигурност. Ќе имаме појасна идеја за тоа каде стоиме во однос на перформансите по тест денот и соодветно ќе го прилагодиме нашиот пристап кон трката“.
JACKSON Linda (gbr), Peugeot Chief Executive Officer, portrait during the 2024 TotalEnergies 6 Hours of Spa-Francorchamps, 3rd round of the 2024 FIA World Endurance Championship, from May 8 to 11, 2024 on the Circuit de Spa-Francorchamps in Stavelot, Belgium – Photo Florent Gooden / DPPI
Денот за тестирање треба да се одржи во недела на 9 јуни. Тимовите и возачите ќе имаат шест часа време за да ја искусат патеката “24 Heures du Mans“ (13.626 km). Три тренинзи и квалификации ќе се одржат во среда на 12 и четврток на 13 јуни. Потоа ќе следи “Hyperpole“ каде ќе се натпреваруваат осумте најдобри хиперавтомобили. 92-тото издание на „24 часа Le Mans“ официјално ќе започне во сабота на 15 јуни во 16 часот од страна на победникот на Светскиот куп во 1998 година, Zinédine Zidane.
„24 часа Le Mans“ е огромна мотоспорт забава која ги обединува навивачите, семејствата и љубителите на трките од целиот свет. PEUGEOT верува дека овој настан ќе биде одличен спортски фестивал. Во фан зоната на PEUGEOT, фановите ќе имаат можност да се соберат, да ја следат трката, да уживаат во забавата и да танцуваат на музика. Тоа ќе биде можност за фановите да се дружат додека навиваат за PEUGEOT.
Linda Jackson, Извршен директор на брендот PEUGEOT
„PEUGEOT втора година по ред се натпреварува на „Le Mans“ трката која е дел од светскиот шампионат за издржливост на FIA.
Минатата година, кога се вративме на Le Mans, една работа се истакна над сè друго… фановите на PEUGEOT, нашите „Лавови“! Атмосферата и поддршката што ја почувствувавме од PEUGEOT фан зоната беше неверојатна и ние сме многу благодарни за тоа. Исто така, нè потсети дека „Le Mans“ е за славење и споделување на нашата страст за мотоспортот и трките на издржливост со нашите клиенти и фанови.
Тимот Peugeot TotalEnergies неуморно работеше на развојот на 9X8 2024. Ние сме обединет тим, решени да се претставиме и да се истакнеме. Беше фантастично да се види напредокот постигнат на трките на кои присуствував до “Le Mans“ минатата година, а особено да се види ентузијазмот и возбудата околу откривањето на PEUGEOT 9X8 2024. PEUGEOT има одличен рекорд во трките на издржливост, со три директни победи на “Le Mans“ (1992, 1993 и 2009 година). Очигледно, нашата цел е да победиме овде, се разбира, ѝ да додадеме четврта титула на оваа серија победи!
„FIA WEC“и „24 часа Le Mans“ продолжуваат да обезбедуваат фантастична арена во која ќе ја прикажеме иновативната работа што ја правиме во PEUGEOT. Горди сме што се вративме на „24 часа Le Mans“ во Франција и едвај чекам да го споделам ова искуство со фановите“.
Fan zone Peugeot TotalEnergies atmosphere during the free practices and qualifying sessions of the 24 Hours of Le Mans 2023 on the Circuit des 24 Heures du Mans on June 7, 2023 in Le Mans, France – Photo Damien Saulnier / DPPI
Paul di Resta (бр. 94 PEUGEOT 9X8)
„Мислам дека хиперавтомобилите се создадени за да се тркаат на „Le Mans“. Ова е местото каде што тие навистина можат да се изразат. Со верзијата од 2024 година, мислам дека можеме да се натпреваруваме со големите натпреварувачи. Тоа секако ќе се обидеме да го направиме. Мислам дека клучната работа ќе биде да имаме мирна трка, да останеме во истото темпо со лидерот, да продолжиме да се бориме и да ја покажеме нашата одлучност до крај. Едвај чекам да излезам таму и да ги доживеам посебните моменти во кои уживавме минатата година: адреналинот што го имавте како тим, емоциите на крајот од трката и чувството дека постигнавме перформанси што ги надминаа нашите надежи и очекувања. Знаеме дека ќе биде многу, многу тешко, но ќе дадеме сѐ од себе. Тешко е да се изрази што би значело да се освои “Le Mans“, но да се освои „Le Mans“ со француски производител мора да е неверојатно“.
Loïc Duval (бр. 94 PEUGEOT 9X8)
„Моето најголемо сеќавање од 2023 година беше тоа што видов солзи во очите на сите откако ја минавме целната линија и исто така, фактот дека во 3 часот наутро, сè уште бевме помеѓу првите три позиции. Тоа беше огромен подвиг за целиот тим. За жал, имавме незгода и излеговме од патеката, а потоа се појавија и неколку технички проблеми… Оваа трка е посебна затоа што Le Mans се случува само еднаш годишно. Тоа е како финале, финале на светско првенство на пример, финале за кое сите се подготвуваат во текот на годината. Тоа е исто така поврзано со форматот: тркањето 24 часа е нешто многу различно. Тешко им е на возачите, тимовите и болидите. Тоа е голем предизвик. Le Mans е најголемата трка во светот и тука има толку многу историја… Има такви што се тркале овде, а и сите оние кои би сакале да учествуваат. Оваа година имаме нов автомобил. Не е 100% нов, но има драстични разлики со претходната верзија. Нема да биде лесно бидејќи имаме уште многу да научиме во споредба со нашите ривали, кои возат ист болид една или две сезони. Сè уште учиме за нашиот автомобил. Ние сме прилично задоволни од тестирањето и првите неколку трки. Очигледно има добивка во перформансите и исто така многу работевме на подобрување на доверливоста. Тоа често е одлучувачки фактор на “Le Mans“ “.
Mikkel Jensen (бр. 93 PEUGEOT 9X8)
„Минатата година беше многу посебна за мене бидејќи првпат се натпреварував во елитната класа на хиперавтомобили со PEUGEOT, француски бренд, со поттик и поддршка од француските фанови во текот на целата недела… Исто така, добив голема поддршка и охрабрување од сите дански навивачи, кои во голем број доаѓаат на “Le Mans“. Ова ќе биде прва трка на PEUGEOT 9X8 2024 на “Le Mans“. Оваа година сме поамбициозни отколку во 2023 година, иако конкуренцијата ќе биде уште посилна. Ќе биде потешко да се заврши оваа година на подиумот отколку лани. Но, ние се фокусираме за да се обидеме да подобриме сè. Тимот заврши одлична работа на последните неколку трки, без грешки при застанувањето во боксот, добри стратегии и тн. Затоа ќе се концентрираме на трката. Пред тоа, ќе треба да ги најдеме вистинските поставки на тест деновите за да бидеме меѓу првите. Невозможно е да се предвиди конечниот исход, но ќе дадеме сè од себе, ќе уживаме и ќе видиме каде ќе завршиме…“
Fan zone Peugeot TotalEnergies atmosphere during the free practices and qualifying sessions of the 24 Hours of Le Mans 2023 on the Circuit des 24 Heures du Mans on June 7, 2023 in Le Mans, France – Photo Damien Saulnier / DPPI
Nico Müller (бр. 93 PEUGEOT 9X8)
„Се сеќавам дека ја водев трката околу полноќ во прилично тешки услови. Чувството е посебно да се биде водечки на теренот на „24 часа Le Mans“. Би сакале тоа чувство да трае подолго, но преминувањето на двата болида преку целната линија беше многу пријатно само по себе на првата трка на PEUGEOT назад на “Le Mans“. Тоа е најголемата трка во светот и е нераскинливо поврзана со историјата на брендот. Трката е апсолутно единствена и овде може да се тркате само еднаш годишно. Така што дури и постројувањето на стартот на оваа неверојатна трка, е посебно само по себе. Борбата за победа беше чест! Работевме напорно за да го подобриме целосниот пакет на верзијата 2024 за денес PEUGEOT 9X8 да има поголем потенцијал. Ќе го дадеме максимумот од нас и од самиот автомобил за постигнување подобар резултат на патеката на “Le Mans“. Се подготвивме темелно и тестирањето помина добро. Тимот вложи многу напор и ние потрошивме многу време… Конкуренцијата ќе биде неверојатно силна, го знаеме тоа, но сакаме да се бориме на патеката“.
Stoffel Vandoorne (бр. 94 PEUGEOT 9X8)
„Минатата година бев резервен возач за PEUGEOT на “Le Mans“. Беше многу интересно, но оваа година ќе биде навистина поинаква бидејќи јас ќе го возам PEUGEOT 9X8 2024! Пред да почнам да се натпреварувам на трките на издржливост, не можев да сфатам колку е значајна оваа трка. Минатата година почнав да ја ценам големината на „24 часа Le Mans“. Тоа е долга недела, тоа е стресно и не спиете многу, но ми се допадна! Имаме нов болид од Imola. За жал јас ја пропуштив трката во Spa поради преклопување со Формула Е. Има уште многу да се научи за овој PEUGEOT 9X8 2024, но ние имавме доволно среќа да се натпреваруваме на два настани пред да се тркаме на “Le Mans“. Се чувствувам подготвен. Веќе настапив на неколку трки на издржливост и направив многу тест возења. Подготвен сум да се справам со овој предизвик. Свесни сме дека се бориме со најдобрите. Со толку многу хиперавтомобили на патеката, тоа ќе биде 24-часовен спринт каде што сите ќе ја притискаат педалата за гас до максимум сè до целта. Но, ние ќе бидеме во игра…“
Jean-Eric Vergne, (бр. 93 PEUGEOT 9X8)
„Првенствено, “Le Mans“ е најуникатната трка. Ние не возиме често на тркачки патеки долги 13 или 14 km или кои се доста тешки. Патеката е составен дел од историјата на оваа единствена трка. Како возач, мора да бидете во добра форма, очигледно, но повеќе е прашање на подготовка за сите во тимот, механичарите и болидите се разбира. Целиме високо, дури и ако последните две трки не одеа точно според планот. Ако успееме да избегнеме механички проблеми за време на трката, тоа може да се покаже како одлучувачко. Се надевам и дека ќе имаме темпо за да се бориме за победа. Тоа е мојата цел и мислам дека така се чувствува и целиот тим“.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
ЕБОР одобри над 20 милиони евра кредит за модернизација на железничкиот товарен возен парк во Македонија
ЕБОР одобри 20,9 милиони евра кредит на Северна Македонија за набавка на нови електрични локомотиви и современ систем за планирање на ресурсите на претпријатието (ПРП).
Проектот, како што е наведено во информацијата, ќе ја поттикне ефикасноста , ќе ги намали емисиите на јаглероден диоксид и ќе ги подобри квалитетот и безбедноста на железничкиот сообраќај.
Проектот, според наведеното, ќе придонесе во подобрување на оперативната и финансиската одржливост на Македонски Железници Транспорт преку подготовка на корпоративен план за развој.
Европската банка за обнова и развој (ЕБОР) го зајакнува железничкиот транспортен сектор со кредит до 20,9 милиони евра на Северна Македонија, во корист на АД Македонски Железници Транспорт Скопје (МЖТ). Со ова финансирање ќе се овозможи купување до пет електрични локомотиви и имплементација на современ систем за планирање на ресурсите во претпријатието (ПРП), што е исчекор во напорите на земјата за модернизација на работењето на железничкиот сообраќај.
Проектот е имплементиран од Министерството за транспорт, со поддршка на Министерството за финансии, и ќе овозможи МЖТ да го модернизира товарниот возниот парк, да ги зајакне ефикасноста и квалитетот на работење , и да ја подобри безбедноста на возниот парк.
Инвестицијата се очекува да донесе значајни економски и еколошки придобивки. Преку зајакнување на конкурентноста и одржливоста на железничкиот транспорт, се поддржува транзицијата кон позелен и поконкурентен транспортен систем. Дополнително, со воведување на системот за ПРП, ќе се поедностави основниот деловен процес на МЖТ, поттикнувајќи натамошна оперативна ефикасност.
Проектот има за цел да го зајакне работењето на МЖТ, преку креирање на Корпоративен План за Развој , кој ќе ја подобри ефикасноста на компанијата и нејзината финансиска одржливост. Тој ќе вклучи изработка на акционен план за ефикасност, со специфични мерки за подобрување на тарифната методологија, како и ажурирање и хармонизација на методологијата за обврските на јавниот сервис согласно барањата на Директивите на Европската Унија. Покрај технолошките подобрувања, ќе поддржи и родова еднаквост и ќе помогне во зајакнување на поинклузивна и прогресивна работна средина во МЖТ.
Фатих Туркменоглу, Претставник на ЕБОР за Северна Македонија изјави: ,, Оваа инвестиција претставува унапредување на националната транспортната железница. Преку поддршка на обновувањето на возниот парк и корпоративните подобрувања на националниот железнички оператор, ЕБОР помага во поттикнување на конкурентноста, безбедноста и одржливоста на транспортната мрежа во земјата. Проектот не само што ќе испорача видливи еколошки придобивки, туку ќе постави и нови оперативни стандарди и еднакви можности во секторот. Оваа е важна инвестиција за поддршка на извозно ориентираните бизниси во земјата, во насока на нивна интеграција кон глобалните ланци на вредност, со што ќе се зајакне конкурентноста на приватниот сектор и ќе се креираат работни места, кои последователно ќе ја поддржат земјата во справување со проблемот на одливот на населението.”
Министерката за Финансии, Гордана Димитриеска Кочоска, изјави: ,,Договорот за заем што денес го потпишуваме со Европската банка за обнова и развој, во износ од 20,9 милиони евра, е резултат на интензивни и конструктивни преговори и претставува потврда за довербата што меѓународните финансиски институции ја имаат во нашите политики и во насоката во која се движи државата.
Условите под кои се обезбедени средствата – долгорочен рок на отплата, поволен грејс период и конкурентна каматна стапка – се во целосна согласност со нашата стратегија за одговорно управување со јавниот долг и обезбедување одржливи јавни финансии“, рече министерката и додаде дека Министерството за финансии, останува целосно посветено на обезбедување финансиска поддршка за проекти кои носат долгорочна економска вредност, го поттикнуваат развојот и ја подобруваат поврзаноста на државата со регионалните и европските транспортни коридори.”
Министерот за транспорт, Александар Николоски, изјави: ,,Навистина ми е драго што денес имаме можност да заокружиме еден исклучително важен процес кој ќе значи набавка на најмалку пет нови електрични локомотиви, заедно со пропратни резервни делови. Со новата флота од пет локомотиви и постојните четири понови, ќе располагаме со девет модерни локомотиви кои ќе можат целосно да го покријат карго-превозот, а дел од нив да се користат и во патничкиот сообраќај.”
Проектот е целосно усогласен со Бизнис планот и Акциониот план на МЖТ, за преструктуирање и развој, и е во согласност со Реформската Агенда на ЕУ за Западен Балкан која има цел да се подобри управувањето и перформансите на државните железнички претпријатија.
ЕБОР е главен институционален инвеститор во Северна Македонија. До денес има инвестирано над 3 милијарди евра во над 200 проекти во земјата.
Економија
Николоски: Инвестираме 21 милион евра за набавка на нови пет електрични локомотиви
Инвестираме 21 милион евра за набавка на пет нови електрични локомотиви кои ќе бидат од суштинско значење за зголемување на карго-транспортот, истакна вицепремиерот и министер за транспорт Александар Николоски, кој денеска заедно со министерката за финансии Гордана Димитриеска Кочоска и директотот на МЖ Транспорт, Дејан Кошутиќ го потпишаа Договорот за заем од ЕБРД за набавка на нови електрични локомотиви.
Николоски кажа дека со новата флота од пет локомотиви и постојните четири кои се понови, ќе располагаме со девет модерни локомотиви кои ќе можат целосно да го покријат карго-превозот, а дел од нив да се користат и во патничкиот сообраќај.
„Од постојните 11 локомотиви, четири се понови, а седум се постари. Со новата флота од пет локомотиви и постојните четири понови, ќе располагаме со девет модерни локомотиви кои ќе можат целосно да го покријат карго превозот, а дел од нив да се користат и во патничкиот сообраќај. Ова е особено важно за Коридорот 10, кој треба да бележи раст во наредните години, како и за Коридорот 8, кој во моментов интензивно го развиваме преку значајни инвестиции во железничката инфраструктура“, рече Николоски.
Истовремено, додаде тој, оваа инвестиција е дел и од пошироката визија за Скопје, подобрување на квалитетот на воздухот преку воведување на градскиот воз.
„Во моментов се работи на една од трите линии во делот на инфраструктурата, а во следните две години ќе се работи и на преостанатите две. Кога целиот проект ќе биде завршен, по тие линии ќе сообраќаат исклучиво електрични возови, со јасна цел, целосно да се елиминира употребата на дизел локомотиви и дизел возови во главниот град и да се придонесе за подобар квалитет на воздухот. Сега влегуваме во потешкиот, но клучен дел, успешно спроведување на набавката. Се надевам дека до март, во соработка со ЕБРД, ќе успееме да го објавиме повикот и потоа успешно да ја реализираме испораката на новите локомотиви“, рече Николоски.
Економија
Развојната банка повлече кредитна транша од над 9 милиони евра за поддршка на 17 македонски компании
Развојната банка денеска ја повлече десетата и последна транша од ЕИБ 7 кредитната линија наменета за зелена транзиција. Вкупниот износ на оваа транша е 9.251.488 евра. Средствата од оваа транша се наменети за поддршка на 17 македонски компании кои се со претежна производствена дејност.
Со повлекување на оваа транша, Развојната банка успешно ја заврши реализацијата на седмата фаза на кредитната линија со средства од Европската инвестициона банка во износ од 100 милиони евра.
Реализацијата на седмата фаза од ЕИБ кредитната линија започна со потпишување на Финансиски договор за заем помеѓу Развојна банка на Северна Македонија и Европска Инвестициона Банка за МСП и MID-CAP компании и зелена транзиција. Кредитите се пласираа преку 5 квалификувани банки – учеснички со каматна стапка до 3,5% годишно кон крајните корисници. Рокот на отплата на кредитите е до 12 години за инвестициони кредити и Mid-cap проекти и до 3 години за кредити за обртни средства.
„Со средства од кредитната линија ЕИБ 7 поддржани се 259 проекти на македонските компании. Кредитната линија ЕИБ 7 ја оствари целта за која беше креирана: зголемување на ликвидноста на стопанството, задржување на постојните и отворање на нови работни места, зголемување на извозот, обезбедување на економски раст и конкурентност на трајна основа, како и стимулирање на компаниите во инвестиции за зелена транзиција со цел долгорочна заштеда на средства преку намалена потрошувачка на енергенси и зачувување, заштита или подобрување на животната средина“, соопшти Развојната банка.
Досега, преку Развојната банка се реализираа седум фази на кредитната линија ЕИБ во износ од 650.000.000 ЕУР. Со средства од овие кредитни линии поддржани се 2.621 проекти на домашните компании и креирани 9.260 работни места.
Министерството за здравство ги разгледува можностите и капацитетите за поддршка на Швајцарија за згрижување на повредените од трагичниот пожар
Министерството за здравство ги разгледува можностите и расположливите капацитети за да ѝ обезбеди соодветна поддршка на Швајцарија во делот на...
Понудена помош за справување со трагичната несреќа: телефонски разговор на Муцунски со швајцарскиот амбасадор Зомер
Министерството за надворешни работи и надворешна трговија информира дека, по трагичната несреќа во бар во швајцарскиот скијачки центар Кран-Монтана, по...
(Видео) Мицкоски: И во април 2026 ќе има линеарно зголемување на пензиите, со тоа се намалува сиромаштијата кај оваа група граѓани
Во текот на денешната работна посета на општина Кавадарци, премиерот Христијан Мицкоски одговарајќи на новинарските прашања се осврна на зголемувањето...
МВР со детали за убиството во Старата скопска чаршија: загина маж од Турција
Денеска во 01:11 часот во СВР Скопје било пријавено дека пред угостителски објект во Стара скопска чаршија“ бил нарушен јавниот...
Двегодишно дете во животно загрижувачка состојба, Тошковски потврди дека случајот е под истрага
Новогодишната ноќ низ целата држава поминала мирно, а за стабилна безбедносна состојба на терен имало засилено полициско присуство, информираше денеска...
(Видео) „Пиротехника поставена на шишиња со пијалоци го запалија таванот, а потоа се појави паника“: сведоци ги опишаа деталите од трагедијата на новогодишната ноќ во Швајцарија
Сведоците на трагедијата во барот „Le Konstelasion“ во Кран-Монтана тврдат дека пожарот, во кој загинаа повеќе од десетина луѓе, а...
Зеленски: Мировниот договор е 90 проценти завршен, но клучните десет, одлучуваат сè
Украинскиот претседател Володимир Зеленски во своето новогодишно обраќање до нацијата изјави дека Украина сака крај на војната, но не по...
Нов живот, нова надеж, малата Евгенија е првото родено бебе во Скопје, објави Ѓорѓиевски
Малата Евгенија е првото родено бебе во Скопје, објави на социјалните мрежи градоначалникот на Скопје, Орце Ѓорѓиевски по посетата на...
Наследството на Глигоров е патоказ за нашата борба: СДСМ оддаде почит на ликот и делото на Киро Глигоров
По повод 14 годишнината од смртта на првиот претседател на независна и суверена Македонија, Киро Глигоров, делегација на СДСМ, во...
На плоштадот во Скопје: Мицкоски за новогодишната ноќ во друштво на Ѓорѓиевски
Премиерот Христијан Мицкоски, заедно со градоначалникот на Град Скопје, Орце Ѓорѓиевски, Новата година ја дочекаа на плоштадот „Македонија“ во Скопје,...
Двајца тинејџери загинаа поради пиротехника во Германија
Двајца 18-годишници загинаа во германскиот град Билефелд по несреќа со рачно изработен огномет, соопшти локалната полиција. Во еден од двата...
Мерц: Војната во Украина е дел од планот на Русија против Европа
Германскиот канцелар Фридрих Мерц изјави дека војната во Украина директно ги засега европските земји, вклучително и Германија, бидејќи е дел...
Јадете 3 до 4 часа пред спиење, умерено со алкохолот и без петарди – совети за безбеден дочек на Новата година
Новогодишните празници носат промени во секојдневниот ритам, но и зголемени здравствени ризици доколку не се внимава на исхраната, консумацијата на...
(Видео) Ѓорѓиевски: Ви давам збор, 2026 ќе биде многу подобра година
Градоначалникот на Град Скопје, Орце Ѓорѓиевски им посака успешна нова година и среќни празници на жителите на Скопје. Тој даде...
(Видео) Путин во новогодишната порака: Уверен сум во победата на Голема Русија
Рускиот претседател Владимир Путин изрази уверување во победата врз Украина, во својата новогодишна порака, речиси четири години по почетокот на...
(Фото) Министерот Алиу во посета на Клиниката за детски болести: им посака на сите деца поскоро оздравување
Министерот за здравство Азир Алиу, заедно со заменик министерот Јовица Андовски и претседателот на Собранието, Африм Гаши, денеска ја посетија...
„Сите гледаат ски скокови за да видат кој ќе победи, само СДС следат дали ќе ги видат Заев и Филипче во публика во Гармиш-Партенкирхен“, велат од ВМРО-ДПМНЕ
„Чудно како СДС избегнаа да го спомнат Гармиш-Партенкирхен и заборавија да одговорат дали во моментов Венко Филипче таму изиграва елита...
Каролина Гочева: Збогум на една година која многу повеќе ни зеде отколку што ни даде
„Збогум на една година која многу повеќе ни зеде отколку што ни даде“, напиша македонската пејачка Каролина Гочева, на социјалните...
Николоски: После повеќе од 60 години Охридскиот аеродром е легализиран
Вицепремиерот и министер за транспорт Александар Николоски на својот фејсбук профил објави дека аеродрoмот Св. Апостол Павле во Охрид конечно...
Осум месеци затвор за поранешниот директор на затворот во Шутка, Филип Андов-Сокол, условни казни за обвинетите полицајци
Од Основниот кривичен суд Скопје соопштија дека поранешниот директор на затворот „Скопје“ и актуелен член на Извршниот одбор на опозицискиот...
