Економското здружување на земјоделците во земјоделски задруги е единствениот начин за брзо концентрирање на понудата на ситните земјоделци, со што би се постигнала и подобра цена.

Економското здружување на земјоделците во земјоделски задруги е единствениот начин за брзо концентрирање на понудата на ситните земјоделци, со што би се постигнала и подобра цена.Ова денеска го истакна заменик министерот за земјоделство, шумарство и водостопанство Перица Иваноски на промоцијата на Прирачникот за формирање на земјоделски задруги.„Вака здружени земјоделците можат полесно да реализираат покрупни инвестиции и да обезбедат дури самостоен настап без да мора нивните производи да ги продаваат на откупувачи трговци, па дури можат и да инвестираат во преработката на нивните производи“, рече Ивановски.Тој појасни дека преку земјоделските задруги земјоделците ќе може и да набавуваат поевтини репроматеријали, бидејќи би се набавувале поголеми количини.„Економското здружување во задруги се најдобриот начин на кој што можат земјоделците самите да си ја подобрат нивната позиција на пазарот без да очекуваат тоа да го направи некој друг за нив“, рече Ивановски.Тој потсети дека  земјоделците во Македонија најчесто се жалат дека при преговарање за продажбата на нивните производи се среќаваат со еден наметнат однос од страна на купувачите, кои што ја користат својата предност на пазарот, бидејќи се помалку и се подобро организирани.Основната причина за ваквата ситуација, според Ивановски, е што 90 отсто од земјоделците се со многу мали капацитети, до два хектара, а на пазарот настапуваат поединечно, со мали количини за продажба.Истакнувајќи дека европските земјоделци уште пред еден век ги увиделе бенефитите од здружување во задруги, Ивановски апелираше до македонските земјоделците похрабро и поинтензивно да влезат во овој процес.Заменик министерот за земјоделие информираше дека владата го има дефинирано економското здружување на земјоделците како еден од приоритетите и обезбедува мерки за интензивна поддршка на формирањето земјоделски задруги и нивното функционирање.„Овие мерки опфаќаат 80 отсто неповратна помош за трошоците во делот регистрирање на задругата како правен субјект, за платата на раководителот, за сметководството и набавка на опрема, но поддршката продолжува и по формирањето, за обука“, рече Иваноски.Сепак тој призна дека земјоделците со голем скептицизам и недоверба гледаат на иницијативата за формирање на задругите, наведувајќи дека само 15 задруги се обратиле за помош до министерството.Кон иницијативата за информирање на земјоделците од бенефитите што се добиваат од здружување во задруги, се приклучи и Холандска организација за развој (СНВ).„Окрупнувањето на земјоделското земјиште во Македонија е неопходно, а едно од најдобрите решенија за тоа е токму здружувањето на ситните производители.  Најпогоден облик за здружување се задругите кои овозможуваат поголема конкурентност,  пристап до пазарите, поголем профит, намалување на производните трошоци и друго“, рече претставникот на СНВ Гордана Вељановска. Вклучувањето на терен на оваа организација, резултирало со формирање на три земјоделски задруги, а наскоро се очекува формирање на неколку други. /крај/ап/