Економија
Потрошувачите сè повеќе знаат за своите права
Потрошувачите сè повеќе знаат и стануваат свесни за своите права и поради тоа расте бројот на жалби и поплаки поврзани со одредени производи, велат од Државниот пазарен инспекторат и Организацијата на потрошувачи на Македонија на одбележувањето на 15-март, Светскиот ден на потрошувачите.
Потрошувачите сè повеќе знаат и стануваат свесни за своите права и поради тоа расте бројот на жалби и поплаки поврзани со одредени производи, велат од Државниот пазарен инспекторат и Организацијата на потрошувачи на Македонија на одбележувањето на 15-март, Светскиот ден на потрошувачите.„Од нашите советувања во 2010-та година, вкупниот број на советувања во доменот на општоправно советување и на специјалистичко советување изнесуваше 4.773 јавувања на потрошувачи, прашања, поплаки, жалби и слично. Од нив, бројот на општоправни советувања е 3.995, а на специјалистички 778 советувања. Најголем проблем потрошувачите имаат во доменот на општоправните советувања, се гледа по нивниот број и тоа е од советувалиштето во Скопје и плус петте советувалишта на потрошувачи по другите градови, на другите организации на потрошувачи членки на ОПМ. Гаранцијата е со 1.091, значи проблеми што потрошувачите ги имаат од гаранцијата, гарантниот лист, остварување на своите права, неквалитетните производи во различните домени, значи во поглед на бензин, текстил, чевли, мебел и сл. Тоа се 589, услугите 492, во кои спаѓаат сите услуги освен јавните услуги и оние што се занаетчиски услуги и јавните услуги, каде што бројот е 1.823 јавувања од страна на потрошувачите“, изјави Маријана Лоншар – Велкова, претседател на организацијата на потрошувачи на Македонија.Од пазарниот инспекторат велат дека иако презеле мерки во 313 случаи од вкупно 609 пријави кои се однесуваат на Законот за заштита на потрошувачите, сепак нивната функција е во насока на советување на трговците со цел да ги отстранат недостатоците. „По наоѓање на одреден недостаток кај трговците, прво се постапува со едукација, укажување, по што повторно се прави надзор, кога и се утврдува дали се отстранети или не се отстранети недостатоците и затоа е мал бројот на донесени решенија за привремена забрана за вршење на дејност, што укажува на еден позитивен факт дека трговците постапуваат по укажувањата на инспекторатот и тие почнуваат да го разбираат законот за заштита на потрошувачи и да им излегуваат во пресрет на потрошувачите“, изјави Елизабета Чингаровска, директор на Државниот пазарен инспекторат.Од Министерството за економија, велат дека растот на жалби и поплаки е најдобар показател за растот на свеста кај потрошувачите.„Она што нè прави особено горди во овој период што изминува е тоа што навистина се зголемува свеста во јавноста, свеста помеѓу потрошувачите, но исто така и свеста меѓу трговците за значењето на доследно и целосно непречено почитување на правата на потрошувачите. Тоа е еден вид севкупен резултат кој што произлегува од низа активности коишто беа преземени и од страна на Владата, но и од страна на невладините организации и невладиниот сектор“, изјави Методиј Хаџи Васков, заменик-министер за економија. По повод светскиот ден на потрошувачите, денеска во Скопје беше одржана и тркалезна маса на тема „Стоп за нечесното пазарно однесување“. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.