Економија
25 години успешно деловно работење: „Рехау“ отвори нов изложбен салон во Македонија
РЕХАУ Македонија прослави 25 години успешно деловно работење со отворањето на новиот деловен објект со интегриран изложбен простор, прв од ваков вид за компанијата во земјава. Салонот кој се наоѓа во населбата Илинден, во близина на Скопје, е уреден во модернистички стил кој овозможува лесно претставување на асортиманот на РЕХАУ, како и на визуелно запознавање со решенија за прозорци и врати, решенија за површинско греење и ладење и водоводни инсталации во објекти, решенија мебелската индустрија. Креирајќи услови производите на РЕХАУ да се подостапни за потенцијалните клиенти и партнери, заинтересираните посетители на салонот ќе имаат можност да го разгледаат секое решение, детално да се запознаат со него и со придобивките од неговото користење.
Изложбениот салон и деловниот објект се круната на четвртина век успешно работење на РЕХАУ во Македонија, но и своевидно одбележување на 75 годишнината од основањето на германската компанија РЕХАУ, која брендот ја прославува годинава. Со над 22.000 вработени на 170 локации во 54 земји низ целиот свет, Групацијата РЕХАУ е еден од глобалните премиум брендови за решенија кои се засноваат на полимери во градежниот, автомобилскиот и
индустрискиот сектор ширум светот.
Новото поглавје за компанијата на македонскиот пазар, кое почнува со новата локација на компанијата го демонстрира и растот и развојот на РЕХАУ Македонија, која е една од водечките премиум брендови за полимерни решенија во домашниот градежен сектор. Улога која би била невозможна без партнерите и клиентите на РЕХАУ Македонија, објаснува Сашко Даев, директор на РЕХАУ Македонија, Косово и Албанија.
„Oваа 2024 година за нас е значајна пресвртница, затоа што после две и пол децении на македонскиот пазар влегуваме во нова фаза од нашата приказна, на нова локација и со нов деловен простор. Преку нашите претставништва во Тирана и Приштина, за кои во Групацијата е надлежна Рехау Македонија, нашите производи се достапни во трите земји приближувајќи го врвниот премиум квалитет на РЕХАУ до крајниот корисник. Во нашиот фокус е раст на
портфолиото на производи кои ги нудиме на трите пазари и преку нашите партнерски мрежи и клиенти да ги позиционираме производите на овие пазари. Денес поставуваме основа за иден раст и развој, која ќе биде од полза на сите нашите партнери и клиенти, кои имаат значајно место во досегашниот раст. Нашиот бренд е изграден врз иновации, поместувајќи ги границите на технолошки напредок и фокусирајќи се на одржливоста за идните генерации. Ова се вредности кои ги делиме со партнерите, клиентите, но и крајните корисници на нашите производи.
Сите заедно оставивме незаменлив отпечаток врз она што денес РЕХАУ го претставува на македонскиот, албанскиот и косовскиот пазар, водени од принципите на одржливо работење. Овие вредности се пренесуваат на сите пазари и преку иновативните производи како што е новата генерација прозорски профили ARTEVO и како и најновата фузија на REHAU со MEPA. Со нив правиме и еволуциски исчекор кој ја трансформира индустријата за подобро утре“, вели Сашко Даев, директор на РЕХАУ Македонија, Косово и Албанија.
Целта на РЕХАУ е да се олесни и подобри животот на крајниот корисник. Овие вредности се пренесуваат и во Македонија. Компанијата РЕХАУ е присутна на македонскиот пазар од 1999 година со полимерни решенија за градежништвото, и решенија за индустријата за мебел.
Останува да биде лидер во сегментот на премиум производи за полимерни решенија нудејќи различни решенија за подобро живеење.
Тим од експерти, со своето големо знаење и посветеност, поучени од искуството, но почитувајќи ја традицијата, ги исполнуваат барањата на секој поединец на пазарот, а резултатите што ги постигнува компанијата се во исто време вредности со кои РЕХАУ Македонија живее: иновации, сигурност и доверба. Тие ја обликуваат работата, културата и однесувањето внатре во компанијата, но се пренесуваат кон клиентите преку партнерската мрежа. Нашата цел е: Инжинерски напредок. Подобрување на живеењето (Engineering progress. Enhancing lives)
Прозорски систем REHAU ARTEVO
ARTEVO комбинира бројни предности во револуционерно решение за експерти од индустријата. Станува збор за нова генерација на веќе добро познатиот прозорски систем GENEO, со армирани стаклени влакна, кој е во исто време визионерски, единствен на пазарот, продуктивен и одржлив. Со оптимизираната употреба на материјалот со високи перформанси RAU-FIPRO X, ARTEVO ги редефинира границите во однос на големината. Интеграцијата на композитниот материјал со влакна во целиот дел од профилот обезбедува рамномерен и сигурен пренос на товарот. Засилените јачински зони во надворешните ѕидови му обезбедуваат дополнителна стабилност, торзиона ригидност и климатска стабилност.
Предѕидни системи MEPA nextVIT
Новата генерација на предѕидна инсталација MEPA NextVIT нуди оптимизирана и лесна инсталација. NextVIT е добро осмислен комплетен систем. Со новите функции EasyConnect за брзо склопување без алатки и голема флексибилност при употреба, MEPA nextVIT го обезбедува она што ви треба: едноставна, лесна и непречена инсталација. Има предѕидни елементи за секоја област на примена и сите варијанти на инсталација, сигурно казанче, широк спектар на типки за испирање и новодизајниран систем на шини за побрза работа.
Тука е и револуционерната технологија nexVIT Air WC која работи со извлекување наместо со рециркулирање на воздухот за да ја извлече миризбата – без одржување и дополнителни трошоци.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
УЈП: Поднесете ги ДДВ-04 пријавите навреме, избегнете дополнителни трошоци
Управата за јавни приходи ги повикува сите даночни обврзници да ги достават потребните документи до своите сметководители и навремено да ги поднесат ДДВ-04 пријавите за изминатиот даночен период. Крајниот рок за поднесување на ДДВ-04 пријавата е 25-ти февруари (вторник).
„До вчера до крај на работниот ден од очекуваните 7.396 ДДВ пријави, поднесени се 1.862 што претставува 25% од вкупниот број на ДДВ – 04 пријави за овој даночен период. Ова покажува дека значителен број на обврзници сè уште не ја исполниле својата законска обврска, односно остануваат да се поднесат уште 5.534 ДДВ – 04 пријави“, велат од УЈП.
Управата за јавни приходи апелира до сите даночни обврзници да ги исполнат своите законски обврски навремено, за да избегнат стрес, казни и дополнителни финансиски трошоци.
„Навременото поднесување на ДДВ-04 пријавата е од исклучителна важност за правилното усогласување со даночните прописи, одржување на финансиската стабилност на бизнисите и за развојот на економијата.
Даночните обврзници кои имаат потреба од дополнителни информации или поддршка можат да се обратат на:
Е-пошта: [email protected]
Телефонски броеви:
Од фиксна линија: 0800 33 000
Од мобилен телефон: 02 3253 200
Управата за јавни приходи и нејзините тимови во секое време стојат на располагање за да обезбедат информации со цел успешно исполнување на даночните обврски од страна на даночните обврзници“, се додава во соопштението на УЈП.
Економија
ССК: Поддршката на мали и средни компании со поволни кредити, ќе биде двигател на целокупната економија
Денес во просториите на Сојузот на стопански комори на Македонија се одржа средба помеѓу Претседателот Трајан Ангелоски и раководството на оваа комора и министерката за финансии Гордана Димитриеска-Кочоска, на која стана збор за потребата од поддршка на домашните мали и средни претпријатија за нивниот иден развој.
„Владата, како што е веќе познато, обезбеди 250 милиони евра поволни средства од унгарската Експорт-импорт Банка, со цел да ги поддржи домашните компании, особено во неизвесни услови на глобално ниво. За таа цел веќе ги дефиниравме условите и средствата се веќе достапни на компаниите. Тие средства се значаен поттик за реализација на инвестиции од страна на малите и средни претпријатија, кои се двигателот на нашата економија, а особено што условите под кои се пласираат преку банките, а кои Владата ги договори претходно, се поповолни од оние што се нудат од деловните банки. За истакнување е дека покрај ниската каматна стапка, значаен е и рокот на отплата до 15 години и грејс период до 3 години што ги охрабрува особено малите и средните претпријатија да влезат во реализација на посериозен инвестициски проект”, изјави министерката за финансии, Гордана Димитриоска-Кочоска.
Таа додаде дека средствата се веќе достапни и дека најважно е компаниите да подготват проекти и да аплицираат за поддршка. Со тоа ќе обезбедат средства за својот развој и за поттикнување на економската активност во целина.
„Сојузот на стопански комори (ССК) го смета унгарскиот кредит за еден од најповолните, обезбедувајќи значајна поддршка за бизнисите овозможување нов квалитетен инвестициски циклус. На средбата со министерката за финансии Гордана Димитриеска-Кочоска беше договорено бизнис-секторот да подготви листа со царински стапки за нивно усогласување со европските стандарди.Побаравме даночните процедури да се поедностават, и за царинските стапки кои треба да се хармонизираат, наидовме на големо разбирање”, изјави претседателот на ССК Трајан Ангелоски, на заедничката прес-конференција.
ССК го повтори својот став дека данокот за солидарност беше неоправдано воведен и нагласи дека ја ценат проактивноста на Владата во однос на ова прашање.
На средбата беше заеднички контатирано дека вакви средби на кои се споделуват информации за мерките на Владата се особено важни што на компаниите им дава насоки за условите за работа во иднина и дека овие средби се исто така можност да се разговара за одредени прашања кои претставуваат бариери во работењето на компаниите.
Економија
Мешаните тимови – клучот за бизнис-успехот
Вчера се одржа настанот „Рамо до рамо“, организиран од Алијансата за родова еднаквост на работното место и Халкбанк. Настанот ги обедини претставниците од приватниот и невладиниот сектор, со цел да поттикне меѓусебна размена на искуства за создавање работни средини што се не само успешни, туку и праведни, инклузивни и иновативни. Компаниите кои вложуваат во мешани тимови создаваат подобра работна динамика, носат поквалитетни одлуки и постигнуваат одржлив успех. Различните перспективи носат нови идеи и креираат продуктивна работна средина, што води до подобра корпоративна култура и поголема конкурентност на пазарот.
Алијансата за родова еднаквост на работното место (GEA) активно работи на промовирање на практики и компании каде што жените и мажите имаат еднакви можности за напредок, еднаква застапеност и еднакво вреднување на трудот. Преку своите иницијативи, GEA поттикнува инклузивна култура што ја гледа различноста како двигател на успехот. Како дел од глобалната иницијатива на UN Women за исполнување на Целта за одржлив развој #SDG5 – Родова еднаквост, GEA придонесува за градење поправедно и просперитетно општество.
„Нашата мисија е јасна: да ја намалиме родовата нееднаквост на работното место и да се осигураме дека талентот, амбицијата и посветеноста—а не полот—ги дефинираат можностите и успехот. Преку соработка со приватниот и невладиниот сектор, но и со медиумите, се стремиме еднаквоста да не биде само идеал, туку стандард во секоја индустрија.“ – изјави раководителката на GEA, Марија Ристовска.
Како дел од соработката помеѓу Алијансата за родова еднаквост и главниот партнер Халкбанк, беше креирана инспиративна видео кампања која ја нагласува моќта на родовата еднаквост во работните средини. Видеото ја раскажува приказната на Марија и Кире Крстевски, ко-сопственици на компаниите Bebe Home и CosLoveMetics, кои споделуваат како нивната заедничка работа, довербата и различните пристапи придонесуваат кон нивниот заеднички успех.
„Истражувањата покажуваат дека родово балансираните тимови се поуспешни, поотпорни и поиновативни, бидејќи различните перспективи носат свежи идеи, носат подобри одлуки
и создаваат подобра работна средина. Алијансата за родова еднаквост (GEA) активно работи на унапредување на родовата еднаквост на работното место, поттикнувајќи позитивни промени кај компаниите. Халкбанк ја препознава и поддржува оваа мисија, активно промовирајќи еднаква застапеност и инклузивност како клучни фактори за одржлив успех. Преку оваа кампања, ја истакнуваме важноста на активната вклученост на жените во сите деловни процеси како еден од клучните фактори за успех.“ – изјави Нина Ангеловска Станков, претседателка на GEA.
Халкбанк постојано ја поддржува родовата еднаквост и иновациите и ја нагласува важноста на мешаните тимови во развојот на локалната економија. Со комбинирање на различни вештини, искуства и перспективи, компаниите можат полесно да ги надминат предизвиците и да создадат поконкурентни стратегии за раст.
“Халкбанк како институција во своето работење проактивно имплементира политики и иницијативи за родовата еднаквост, промовирајќи еднакви можности и права за сите поединци, без разлика на полот. Од минатата година преку партнерството со GEA и нашите заеднички иницијативи, активно работиме и на промоција на родовата еднаквост пред пошироката јавност. Токму со оваа заедничка кампања, успеавме на најдобар начин, преку конкретни примери да ги доловиме успесите и резултатите кои произлегуваат од управувањето и функционирањето “Рамо до Рамо”. – изјави Маја Наумовска Савеска од Халкбанк.
Инаку, Алијансата за родова еднаквост на работното место е поддржана од Халкбанк, Eurolink и Casys како главни партнери, Филип Морис Тутунски Комбинат Прилеп, Пивара Скопје и A1 Македонија како партнери, а Roche, Сава Осигурување, Сава Пензиско, Евроинс Осигурување и Публицис Груп како поддржувачи. Алијансата е отворена за сите компании и организации кои сакаат да се вклучат и да придонесат кон поголема родова еднаквост и инклузивност на работното место.
Повеќе информации за GEA: https://genderequalityalliance.org/
ПР
(Фото) Претрес во Тетово, пронајдена дрога, уапсен дилер
Вчера во 16.55 часот во Тетово, полициски службеници од СВР Тетово го лишиле од слобода 37-годишниот М.М. од Тетово. При...
(Видео) „Скандалозната одлука на Таравари за КАРИЛ: Загрозени животи и распад на здравствениот систем“, вели Цветаноски
„Здравството е во тотален хаос, ништо не функционира, нема лекови, нема соодветни услуги, не работат важни центри. Со последната скандалозна...
Хамас го предаде телото на Шири Бибас, пред два дена предале погрешно тело
Од кибуцот Нир Оз денеска беше потврдено дека телото на жената предадена од палестинската екстремистичка група Хамас во Појасот Газа...
„Њујорк Пост“ до Трамп: Ова е диктатор
На насловната страница на вчерашното издание на „Њујорк пост“ беше објавена фотографија од рускиот претседател Владимир Путин со натпис: „ОВА...
(Видео) Мицкоски од Вашингтон: Македонија е верен сојузник на САД, направивме многу отстапки, Европа треба да биде принципиелна наместо со двојни стандарди
Премиерот Христијан Мицкоски вчера се обрати на конференцијата „CPAC“ во Вашингтон, при што ја искористи приликата да ја запознае американската...
Со секира го искршиле стаклото од кафулето, па со бензин го запалиле: обвинение против тројца за намерно предизвикување пожар во Кисела Вода
По спроведена истражна постапка, јавен обвинител од Основното јавно обвинителство Скопје поднесе Обвинителен акт против вкупно три лица кои се...
(Видео) „Децата биле брутално убиени со голи раце“: Израел го обвини Хамас за убиство на двете киднапирани момчиња
Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година,...
Трамп: Зеленски не е доволно важен за да биде на преговорите
Американскиот претседател ја продолжи вербалната војна против својот украински колега. Овој пат Доналд Трамп изјави дека Зеленски не е доволно...
Нема потреба од промена на химната, симболите треба да обединуваат, а не да разединуваат, порача Сиљановска-Давкова
Нема потреба од промена на химната, одговори денеска претседателката на државата, Гордана Сиљановска-Давкова, која појасни дека треба да се биде...
Вработените во Филхармонијата со порака до Љутков: „Нема да дозволиме институцијата да биде жртва на бесрамни политички договори
Вработените во Македонската филхармонија денеска на протест преку кој упатија јавен апел до министерот за култура и туризам, Зоран Љутков...
Полициски возила ќе ги снимаат погрешно паркираните за автоматско казнување
Покрај камерите на улиците во рамките на „Безбеден град“, кои ќе ги ловат прекршоците во сообраќајот, полицајци со возило опремено...
„Ројтерс“: Американците и Русите се состанувале во Швајцарија со месеци на разговори за Украина
Претставници на САД и Русија се состанале во Швајцарија на неформални разговори за војната во Украина во последните месеци, од...
Левицата на средба со рускиот амбасадор: „Односите ни се на минимум поради водење политика за туѓи интереси“
Во репрезентативната „Струшка сала“ на Собранието, пратениците на Левица, Димитар Апасиев и Реџеп Исмаил – Хактан, вчера, остварија средба со...
Мицкоски од Вашингтон: Прво, завршени преговори, па уставни измени, претрпевме многу понижувања
Ние како нација направивме сè што можевме, претрпевме многу понижувања и прифативме многу лоши договори поради нашата европска перспектива и...
Шефот на диломатијата на Трамп: Нема средба меѓу Путин и Трамп без напредок за крај на војната
Можниот состанок меѓу американскиот претседател Доналд Трамп и рускиот претседател Владимир Путин во голема мера ќе зависи од тоа дали...
Меџити најавува масовни вработувања во администрацијата: Ќе создадеме илјадници работни места за Албанците
Првиот вицепремиер и претседател на Демократското движење, Изет Меџити, ветува дека Албанците ќе се вработуваат во државната и јавната администрација....
Tрамп му понуди на Зеленски нов договор за минералите
Администрацијата на Трамп и понуди на Украина подобрена верзија од нацрт-договорот за минералите, откако претседателот Володимир Зеленски го налути американскиот...
Шефот на републиканците во Конгресот: Немаме апетит за финансирање на Украина
Претседателот на Претставничкиот дом на САД, Мајк Џонсон, синоќа изјави дека „САД немаат апетит“ за нов закон за финансирање на...
Израел: Телото што ни го врати Хамас не е на мајката на двете момчиња
Едно од четирите тела што вчера беа вратени од Газа во Израел не е на заложничкта Шири Бибас, како што...
Кина го поддржа Трамп во преговорите со Русија за постигнување мир во Украина
Синоќа, на состанокот на Г-20 во Јужна Африка, Кина ги поддржа напорите на американскиот претседател Доналд Трамп да постигне договор...
