Економија
Русија и Казахстан заедно ќе произведуваат ретки земјени метали

Руската федерална Агенција за атомска енергија (Росатом) и казахстанскиот производител на ураниум “Казатомпром“ потпишаа писмо на намери за соработка во производството и продажбата на ретките земјени метали, соопшти денеска директорот на „Росатом“, Сергеј Киријенко
Руската федерална Агенција за атомска енергија (Росатом) и казахстанскиот производител на ураниум “Казатомпром“ потпишаа писмо на намери за соработка во производството и продажбата на ретките земјени метали, за кои постои огромна побарувачка откако Кина воведе рестрикции на својот извоз, соопшти денеска директорот на „Росатом“, Сергеј Киријенко„Нашите проценки покажуваат дека постојат добри можности за преземање на влијателен дел од пазарот со ретки земјени метали“, вели Киријенко.„Меѓународната цена на ретките земјени метали е неколкукратно зголемена и сите предвидувања велат дека уште ќе расте, како и побарувачката за овие метали.“, додава тој.Цените на ретките земјени метали се вивна во небо откако Кина, која произведува околу 97 проценти од глобалната понуда на ретките земјени метали, го намали извозот на овие метали поради зголемената домашна побарувачка. Во иднина се очекува уште поголемо намалување на кинескиот извоз, откако на 1-ви април Пекинг ќе ги воведе новите даноци на извоз на металите.Казахстан, кој е најголем производител на ураниум на светот, потенцијално е голем производител и на ретки земјени метали, но се уште нема извршено детални истражувања на ресурсите. Компанијата Summit Atom Rare Earth Co, која е во делумна сопственост на „Казатомпром“ планира да започне со производство на 1.500 тони годишно на ретки земјени оксиданти, а ќе започне и со потрага по нови наслаги на ретки земјени метали во Казахстан и во околните држави. /крај/риановости/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Министерство за финансии: Издадена осмата еврообврзница по историски најниска каматна стапка

Република Северна Македонија денес ја издаде осмата по ред еврообврзница, информираат од Министерството за финансии.
Од таму појаснуваат дека еврообврзницата е во вредност од 700 милиони евра со рочност од 7 години и истата е издадена по, како што се вели, историски најниска каматна стапка од 1,625%.
„Истата ќе се искористи за рефинансирање на третата еврообврзница од 2014 година во вредност од 500 милиони евра. Нето-повлекувањето по основ на оваа еврообврзница е 200 милиони евра“, се наведува во соопштението.
Од ресорното министерство нагласуваат дека поволната каматна стапка, и покрај ковид-кризата, е резултат на прудентните макроекономски политики и зачуваниот кредитен рејтинг на земјата.
„Задржувањето на кредитниот рејтинг, а со тоа и довербата на инвеститорите, се должи на преземените политики и четирите пакети мерки за соочување со ефектите од кризата“, стои во соопштението.
Во него се додава дека со средствата обезбедени од емисијата на оваа еврообврзница ќе се изврши отплата на надворешниот долг, односно на еврообврзницата издадена во 2014 година, која доспева за враќање годинава. Остатокот ќе се искористи за финансирање на дел од буџетскиот дефицит. Еврообврзницата од 2014 година е во износ од 500 милиони евра и беше издадена по каматна стапка од 3,975%, што значи дека сега каматата е за 2,35 процентни поени пониска.
Економија
Двајца кавадарчани добија грантови од 20.000 евра за семејни винарници

Директорот на Агенцијата за финансиска поддршка во земјоделството и руралниот развој, Никица Бачовски, денеска, во Кавадарци, врачи две од вкупно 27 одобрени апликации за Тиквешкиот Регион за инвестиции во агросекторот преку „Мерката 113 – поддршка за поттикнување на земјоделското производство“.
Апликантите што денеска ги добија договорите имаат одобрено неповратен грант до 20 илјади евра за набавка на опрема за семејни винарници.
„Имено, со овие средства апликантите ќе набават пневматски преси, иноксни садови, мелачки за грозје, разладни уреди, пумпи и опрема за полнење шишиња. Модернизирањето на производството на овие млади луѓе е најголем доказ дека нашите мерки даваат резултат, а граѓаните ја препознаваат шансата шот им ја дава Владата за поддршка на младинското претприемаштво. Петре и Блаже преку своите семејни винарници ќе овозможат домашното производство на грозје да се преработи во нивни сопствени капацитети и да се произведе сопствено вино како нов бренд во широката македонска винска понуда“, истакна Бачовски.
Бачовски додаде дека преку мерките што се реализираат преку Агецијата за финансиска поддршка во земјоделството и руралниот развој се создаваат нови работни места, нови брендови, кои позитивно ќе се одразат на домашната еконимија. Со „Мерката 113 – поддршка за поттикнување на земјоделското производство“ се опфатени 265 апликанти на возраст до 40 години за кои се одвоени 3,1 милиони евра за инвестиции во преработка и маркетинг на земјоделски производи.
Агенцијата за финансиска поддршка во земјоделството и руралниот развој продолжува со засилена имплементација на мерки и програми за доделување финансиска помош како главен двигател на развојот и модернизацијата на агросекторот.
Економија
Арсовски: Оперативниот план обезбедува нови работни места и вработување на невработените

Одговарајќи на новинарско прашање за деталите од оперативниот план за активни програми и мерки за вработување, кој вчера беше усвоен на владина седница, и поспецифично за етничката застапеност на вработувањето и во приватниот сектор, портпаролот на Владата, Душко Арсовски, соопшти дека овој план, меѓу другото, се базира на принципот на диверзитет и инклузивност за сите општествени категории.
„Спроведувањето на овој оперативен план за активни програми и мерки за вработување почива на неколку принципи, односно ќе се почитуваат неколку принципи, меѓу кои и ова што го зборувавте – принципот на диверзитет и инклузивност за сите општествени категории во приватниот сектор во согласност со принципите на правична и адекватна застапеност на етничка, полова, религиозна, расна или која било друга ранлива категорија граѓани во согласност со стандардите и практиките на ОН и Меѓународната организација на трудот. Ништо надвор од тоа“, рече Арсовски.
Тој додаде дека втор принцип е справување со негативните ефекти и последици врз пазарот на трудот и вработеноста предизвикани од пандемијата и, третиот, исто така важен, поттикнување рамномерен регионален развој во согласност со податоците од Бирото за регионален развој и степенот на развиеноста на планските региони.
Арсовски информира дека оперативниот план 2021 содржи мерки за лицата што се долго време надвор од пазарот на трудот и се предвидува поддршка и за работодавци, но само доколку тоа значи обезбедување нови вработувања и раст на правните субјекти.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер