Македонија ќе мора да спроведува стратегија за прилагодување кон климатските промени, во спротивно продуктивноста на земјоделските производи ќе претрпи големи штети, а најмногу на удар ќе се најдат грозјето и доматите.

Македонија ќе мора да спроведува стратегија за прилагодување кон климатските промени, во спротивно продуктивноста на земјоделските производи ќе претрпи  големи штети, а најмногу на удар ќе се најдат грозјето и доматите.Ова беше истакнато на денешната Конференција во рамките на Регионалната програма за намалување на последиците од климатските промени во земјоделскиот сектор, организирана од Светската банка (СБ) и Министерството за земјоделство, шумарство и водостопанство.Вилијам Сатон, виш економист за земјоделство и ресурси при СБ, укажа дека земјоделскиот сектор е особено важен за Македонија, каде што е вработено над 19 отсто од населението, а овој сектор создава 12 отсто од БДП.„СБ соработува со Македонија во обид да се утврди кои ќе бидат влијанијата од климатските промени врз локалното земјоделството. Како што знаеме поради климатските промени, климата ќе стане потопла и посува“, рече Сатон.Тој изрази уверување дека иако сме соочени со предизвици од климатските промени постојат мерки со кои што можеме да се справиле со тие промени во насока да се зголеми отпорноста на македонското земјоделство.„Многу е важно сега да се отпочне со превземањето мерки, бидејќи нивното спроведување бара време и што порано се започне толку подобри ќе бидат ефектите“, рече Сатон.Меѓу приоритетните мерки кои што треба да се преземат, Сатон ги наброја ефикасното управување со водните ресурси и системите за наводнување, едукација на земјоделците за тоа кои техники да ги преземат при обработка на земјиштето, како и нивно информирање за временската прогноза неколку недели однапред.Министерот за земјоделство, шумарство и водостопанство, Љупчо Димовски рече дека климатските промени се комплексно прашање чие влијание се очекува да предизвика хронични проблеми во земјоделскиот сектор.„Имајќи го в предвид овој факт, Министерството ќе преземе иницијатива за спроведување на политики на ублажување на негативните влијанија од климатските промени“, кажа Димовски. Тој напомена дека извршените анализи ги поткрепуваат информациите дека постои тренд на зголемување на температурите во Македонија, најавувајќи дека ќе биде подготвен план за подготовка на земјоделскиот сектор да стане поотпорен на предвидените промени.Експертот од оваа област Панде Лазаревски советува наместо да се тагува за судбина на планетата земја и човечката цивилизација поради неизбежните климатските промени,   треба да се проучат, разберат  и проценат добро последиците од климатските промени.Бидете уверени ако правилно се сфатат климатските промени, тогаш луѓето и институциите многу полесно ќе се адаптираат и ќе ги минимизираат негативните последици, бидејќи мудроста налага ако не можеме да ги спречиме тогаш треба да се подготвиме да живееме со нив“, порача Лазаревски.Според одредени анализи, климатските промени покажуваат дека температурата во Македонија може да се зголеми, а врнежите да станат поретки особено во клучните летни месеци.Особено чувствително на промена на климата е земјоделството, што значи дека промените на температурите и на врнежи негативно би се одразиле врз руралното население.Предвидувањата се дека до 2050 година температурата во Македонија просечно ќе се зголеми за 1,9 степени, а во летните месеци за 2,5 степени, додека количината на врнежи годишно ќе се намали за пет отсто, а во летните месеци и до 17 отсто.Најранлива локација според овие анализи, ќе биде Повардарието каде што се произведува грозјето, додека многу ранливи ќе бидат струмичкиот и гевгелискиот регион и производството на доматите, а во Скопско-кумановската долина и Овчеполието загрозено може да биде производството на зимската пченица.Анализите покажуваат дека поради влијание на климатските промени производството на доматите во некои региони во Македонија може да се намали до 78 отсто, а на луцерката до 62 отсто. /крај/ап/