Македонија и покрај тоа што е високо рангирана на светско ниво во процедурата на регистрација на бизнис, продолжува со реформите во областа на едношалтерскиот систем, во насока на подобрување на деловната клима.

Македонија и покрај тоа што е високо рангирана на светско ниво во процедурата на регистрација на бизнис, продолжува со реформите во областа на едношалтерскиот систем, во насока на подобрување на деловната клима.Процесот на упис на компании во Централниот регистер дополнително е поедноставен со можноста тоа да се направи и по електронски пат, а корисниците можат со само едно прикачување во системот да креираат сметка, да поднесат документи онлајн, да ги прикачат потребните прилози и да ги потпишат со електронски потпис.Ова беше истакнато на денешната работилница за  „Едношалтерски систем фаза 2“, кој на корисниците им овозможува и да ја платат услугата онлајн, како и да добијат Решенија во дигитален формат.„Оваа работилници денеска се однесува на трите компоненти на едношалтерскиот систем втора фаза. Електронска регистрација на бизнис, стечајната постапка по електронски пат и третата компонента е во однос на  е-лизингот и е-залог“, рече Бесими.Тој оцени дека сите компоненти што се содржани во „Едношалтерски систем фаза 2“ ќе придонесат за значително подобрување на деловната клима во државата.Директорот на Централниот Регистер на Република Македонија оцени дека со имплементацијата на проектот „Едношалтерски систем фаза 2“ не само што им се овозможува на корисниците добивање на онлајн услуги, туку  и пристап до многу корисни информации за пошироката јавност.Гордана Тошева од УСАИД оцени дека Македонија во оваа област прави крупни чекори и постигнува значителни резултати, со што треба да се гордее.Таа апелираше до компаниите што поскоро да се адаптираат и да ги прифатат поволностите што се нудат преку  „Едношалтерски систем фаза 2“.Професорот Ванчо Узунов изрази очекување дека со имплементацијата на овој систем, покрај брзата регистрација на фирми, ќе придонесе и за олеснување при водењето на бизнисите.„Македонија и досега беше лидер во регистрирањето на фирми, но компаниите се соочуваа со пречки при вработувањето, како и при подигањето на кредити, додека при затворање на фирма или покренување на стечајна постапка, настануваше целосен застој“, рече Узунов. /крај/со/ап/