Економија
ОРМ:Минамалната плата да биде под 7.000 денари

Организацијата на работодавачи во Македонија (ОРМ) се согласи со констатацијата дека е крајно време да се утврди минимална загарантирана плата, но смета дека таа не може да биде поголема од 7.000 денари.
Организацијата на работодавачи во Македонија (ОРМ) се согласи со констатацијата дека е крајно време да се утврди минимална загарантирана плата, но смета дека таа не може да биде поголема од 7.000 денари.„Ние сме подготвени да преговараме и да ја утврдиме основицата за минимална плата. Таа не може да биде многу повисока од три износи на социјална помош на едно семејство. Тоа е еден репер што се практикува во западните држави и сметаме дека треба да се прочитува“, изјави потпретседателот на ОРМ, Ангел ДимитровТој истакна дека социјалната помош за двочлено семејство се движи околу 2.200-2.300 денари, што би значело дека минималната плата неможе да надмине 7.000 денари.„Ништо не би направиле ако утврдиме некој висок паушален износ на минимална плата, а за сметка на тоа во стопанството да има отпуштање на работници и зголемување на невработеноста, или да добиеме една ураниловка каде во трудоинтензивните дејности 90 отсто од вработените би добивале иста плата, со што би се нарушила мотивацијата кај работниците“, рече Димитров.Во врска со барањето на Сојузот на синдикатите на Македонија (ССМ), минималната плата да биде над 150 евра, Димитров рече дека во неформалните контакти со синдикалните лидери било увидено дека постои простор да се изнајде договор.Оваа тема беше многу експлоатирана за време на предизборната кампања, а одредени политичари лицитираа со бројки, при што се ветуваше дека минималната плата нема да биде под 9.000 денари.„На политички партии им е многу лесно да лицитираат, бидејќи во предизборните кампањи лесно поминуваат со дадени ветувања“, рече Димитров, додавајќи дека токму поради тие ветувања, Организацијата почекала да завршат изборите за да го изнесе својот став. Димитров истакна дека во одредени гранки веќе е утврдена минималната плата, која што во текстилната индустрија изнесува 5.500 денари, а во кожарската индустрија е 5.200. Притоа наведе дека во овие гранки постои можност за одредено зголемување на платите, но тоа не би било многу големо.Од ОРМ информираа и дека важноста на општиот колективен договор истекува на 17 јули, по што во наредните денови ќе се преговара со ССМ дали истиот да биде продолжен, или одредени делови да бидат изменети.Работодавачите реагираат на висина на одредени додатоци по основа на работа на празник и за прекувремена работа, бидејќи сметаат дека се многу високи. /крај/со/ап/ Copyright 2011 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Објавен јавен повик за надомест на трошоци за одржување на висински пасишта и ливади и поддршка на традиционално сточарство

Денеска е објавен Јавниот повик 08/2025 за доставување на барање за исплата на средства од Програмата за финансиска поддршка на рурален развој за 2025 година.
Поддршката е наменета за надомест на трошоци за одржување на висински пасишта и ливади и поддршка на традиционално сточарство, со цел зачувување на руралните подрачја и промовирање на одржливо земјоделство.
Право на поддршка имаат земјоделски стопанства регистрирани согласно Законот за земјоделство и рурален развој во Единствениот регистар на земјоделски стопанства при Министерството за земјоделство, шумарство и водостопанство.
Висина на поддршката:
• 100% од исплатената просечна нето-плата во период од 1 јануари 2024 година до 31 декември 2024 година, како трошок за чување и напасување на добитокот (овци, кози и/или говеда) на пасишта и ливади, односно регистрирани одгледувалишта кои се наоѓаат во населени места со надморска висина еднаква или повисока од 700 метри;
• 60% од исплатената просечна нето-плата во период од 1 јануари 2024 година до 31 декември 2024 година, како трошок за чување и напасување на добитокот (овци, кози и/или говеда) на пасишта и ливади, односно регистрирани одгледувалишта кои се наоѓаат во населени места со надморска висина пониска од 700 метри.
Услови за доделување:
• 1 вработено лице на 150 овци;
• 1 вработено лице на 100 кози;
• 1 вработено лице на 50 говеда, но не повеќе од 620.000 денари по вработено лице.
Задржување на истиот број вработени најмалку една година по исплатата.
Барањата со потребната документација потребно е да се поднесат најдоцна до 30.07.2025 година.
Економија
Божиновска: Македонија ја гради новата енергетска мапа на Балканот

Македонија влегува во клучна фаза на трансформација на енергетскиот систем, земјата не само што вложува во стабилноста и модернизацијата на сопствената мрежа, туку стана активен играч во регионалното поврзување и енергетската интеграција, изјави министерката за енергетика, Сања Божиновска.
Според неа, со новите интерконектори, стратешките трансформаторски станици и инвестициите во паметна енергетска инфраструктура, државата го поставува курсот кон енергетска независност и улога на регионален енергетски коридор.
Божиновска најави дека во следните денови официјално започнува изградбата на гасниот интерконектор со Грција.
„Интерконекторот е долг 68 километри, ќе пренесува не само природен гас, туку и водород, остварена e заштеда од 12 милиони евра и ќе биде изграден од македонска компанија – директна корист за домашната економија“, рече таа.
Во меѓувреме, додаде Божиновска, Македонија и Србија направија значаен исчекор кон ново енергетско поврзување – минатата недела се потпиша Меморандум за соработка меѓу НОМАГАС и Србијагас за изградба на интерконектор меѓу Клечовце и Врање, со вкупна должина од 70 километри, од кои 23 километри ќе бидат на македонска територија. Во рамки на проектот ќе се изградат и мерни станици од двете страни на границата. Студиите за изводливост и за влијание врз животната средина се веќе во тек, со поддршка од Инвестициската рамка за Западен Балкан (WBIF).
„Преку овие две стратешки поврзувања, Македонија се позиционира како нова транзитна точка за природен гас на релација Југ – Север, односно од ТАП гасоводот и ЛНГ терминалот во Александруполис кон Србија и Средна Европа, со капацитет до 3 милијарди нормални метри кубни годишно. Ова е директна поддршка на енергетската диверзификација на целиот регион, со зголемена употреба на гас од различни извори“, рече таа.
Изградбата на 400/110 kV врската Охрид – Елбасан, пак, ќе го заокружи електроенергетското поврзување на Македонија со сите соседни држави – стратегиски проект за цел регион.
„Ова е новата сила на македонската енергетика. Со регионалните интерконектори, Македонија веќе не е само краен потрошувач – станува активен учесник во преносот и стабилноста на енергетиката во Југоисточна Европа. Ова е патот кон сигурна енергија, економска отпорност и стратешка позиција на енергетската карта на Балканот. Македонија ја гради новата енергетска мапа на Балканот.“, вели министерката за енергетика, рударство и минерални суровини Сања Божиновска.
Економија
Министерката Димитриеска-Кочоска ќе учествува на 4. меѓународна конференција за финансирање на развојот во Севилја

Министерката за финансии Гордана Димитриеска- Кочоска заедно со претседателката Гордана Сиљановска-Давкова од денеска ќе престојува во работна посета на Кралството Шпанија.
Министерката Димитриеска-Кочоска ќе се обрати на Тркалезна маса „Leveraging private business and finance“ во рамки на 4. Меѓународна конференција за финансирање на развојот (FfD4), којашто под покровителство на Организацијата на Обединетите нации ќе се одржи во Севиља.
На Конференцијата, на којашто е најавено учество на педесетина шефови на држави и влади, министри, претставници на меѓународните организации, на бизнис заедниците и граѓанското општество, треба да биде усвоен „Договорот од Севиља“.
Целта на лидерскиот собир е изнаоѓање на решенија за справувањето со финансиските предизвици во исполнувањето на Целите за одржливиот развој и Агендата 2030, реформирање на меѓународната финансиска архитектура и поттикнување на инвестиции од страна на приватниот сектор.
Во рамки на посетата, предвидено е претседателката Сиљановска-Давкова да одржи билатерална средба со премиерот на Шпанија, Педро Санчез, а на средбата ќе присуствува и министерката Димитриеска -Кочоска.