Економија
Светското стопанство ќе го погоди „совршена бура“

„Не очекува совршена бура, која ќе ја разниша светската економија и ќе не доведе до самиот раб, најкасно до 2013 година“, тврди угледниот светски познат економист Нурел Роубини
„Не очекува совршена бура, која ќе ја разниша светската економија и ќе не доведе до самиот раб, најкасно до 2013 година“, тврди угледниот светски познат економист Нурел Роубини, човекот кој што ја предвиде светската криза, кој е познат под прекарот „Др.Пропаст“.Роубини верува дека успорувањето на економскиот раст во Кина, земјотресот во Јапонија, кризата во Европа и кризата која повторно „напаѓа“ во Америка, се причините поради кои има шанси светската економија да биде повторно потресена. „Веќе постојат сериозни знаци кои ја покажуваат кроткоста на светската економија“, вели тој за „Ројтерс“ и додава: „ситуацијата е како сите да се обидуваат да шутираат лименка по улицата на преголемиот јавен и приватен долг. Таа станува се потешка, а од 2013 година нејзиниот товар ќе стане неиздржлив“. Тој сепак верува дека постои излез и дека со благ стопански раст ќе може да се избегне најцрното сценарио. Како најголема закана ја посочува состојбата во Кина и немањето интерес од страна на Кинезите да се позанимаваат со домашната потрошувачка. Ситуацијата во Европа и тоа што САД не знае како да го реши проблемот со големиот јавен долг е рецептот како што вели Роубини за „ново мрачно време“. /крај/ројтерс/пд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 177.533.000 денари кон 1.636 лица за предадени јагне и јаре

Денеска се исплатија 177.533.000 денари кон 1.636 лица, соопшти Министерството за земјоделство, шумарство и водостопанство за развојот на сточарството во Македонија.
Реализирана е исплата на дополнителни директни плаќања од подмерки 2.8 и 2.10 за предадено јагне и/или јаре од Програмата за финансиска поддршка во земјоделството за 2024 година.
Корисници на оваа подмерка се земјоделски стопанства одгледувачи на овци и кози и се корисници од подмерка 2.8 и 2.10 кои имаат предадено јагне и/или јаре во регистриран кланичен капацитет во период од 26 декември 2023 година до 25 декември 2024 година.
Економија
Николоски потпиша договор за грант-средства со Европската банка за обнова во висина од 350 илјaди евра

Вицепремиерот и министер за транспорт, Александар Николоски го потпиша Договорот за грант средства со Европската банка за обнова и развој во висина од 350 илјaди евра наменети за техничка помош за изработка на Национална стратегија за полнење електрични возила и инфраструктура, извести Министерството за транспорт.
„Националната стратегија за полнење на електрични возила и инфраструктура, прва од овој вид во Македонија, ќе овозможи стратешки пристап кон развојот на патната инфраструктура за поддршка на воведувањето на електрични возила во патната мрежа.
Во овој момент во тек е постапката за избор на Консултант (се очекува крај на јули, почеток на август да се избере) кој ќе има задача во две фази да креира:
Подготовка на Стратегија за електрични возила; Акциски план со приоритетни активности и рокови кои треба да бидат одобрени од Владата, преку Министерството за транспорт и Европската банка за обнова и развој.
Покрај Консултанот, во изработката на Статегијата и Акцискиот план ќе бидат вклучени домашни и меѓународни експерти од области на експертиза за електрични возила, енергетската ефикасност, транспортот и екологијата“, се додава во соопштението.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,35 п.п., при што во мај таа изнесува 2,21%, извести Народната банка.
Просечната каматна стапка на вкупните кредити бележи годишен пад од 0,43 п.п. и изнесува 5,06%.
Најновото соопштение за позначајните движења кај каматните стапки на банките и штедилниците е достапно на следната врска.