Рускиот претседател Дмитриј Медведев во петокот предупреди дека Русија може да се соочи со стагнација доколку не успее да се осовремени.

Рускиот претседател Дмитриј Медведев во петокот предупреди дека Русија може да се соочи со стагнација доколку не успее да се осовремени. Според Reuters, излагањето на актуелниот руски претседател Дмитриј Медведев, содржело прикриена критика на владеењето на неговиот претходник сега премиер на Руската Федерација, Владимир Путин, потенцирајќи го делот од говорот на претседателот во кој било наведено дека земјата мора да го избегне владеењето на само еден човек. Во отворените изјави за кои вложувачите изјавиле дека звучат како предизборен говор пред претседателските избори во 2012 година, Дмитриј Медведев рекол дека Русија мора да се модернизира без оглед на тоа кој ќе биде на власт и дека мора да ја намали доминантната улога на државата во стопанството. Надевајќи се на привлекување на странските вложувачи, рускиот претседател и’ порачал на владата да ги преиспита своите планови за приватизација до 1-ви август, за да се забрза продажбата на државната сопственост и притоа рекол дека Русија мора да го намали своето потпирање на високите цени на нафтата кои изминатава декада ја досега ј обезбедуваа стабилноста.При своето излагање на Меѓународниот стопански форум во Санкт Петербург, Медведев предупредил и дека „стабилноста би можела да прикрие уште еден период на стагнација“.„Да, имавме развој поврзан со зголемувањето на улогата на државата во стопанството. Беше важно да се стабилизира ситуацијата по хаосот од 1990-те. Но сега потенцијалот на тој пат е исцрпен.. Таков стопански модел е опасен за иднината“, изјавил Медведев.Иако Медведев и Путин потенцираат постојано дека спроведуваат исти политики, актуелниот претседател направи невообичаен потег опишувајќи ги реформските планови со фразата „мојот избор“, забележува Reuters.„Мојот избор е поинаков. Со руското стопанство мора да доминираат приватното претприемништво и приватните вложувачи. Државата треба да ја штити сопственоста и изборот на оние коишто свесно ги ризикуваат своите пари и реномето. Ако се’ почне да функционира на знак од Кремљ, тоа значи дека системот е неодржлив и мора да биде организиран околу една личност. Тоа е лошо. Тоа значи дека системот мора да биде променет“, рекол рускиот претседател. Западните аналитичари сметаат дека овој говор ќе предизвика нагаѓања за разидување меѓу претседателот Медведев и премиерот Путин кои се4 уште не се изјаснуваат кој од нив ќе се кандидира од заедничката партија Единствена Русија за претседателски избори кои треба да се одржат во март идната година.Како што пренесуваат руските медиуми, пак, Медведев се задржал на корупцијата и централизацијата коишто според него ја забавуваат Руската Федерација во развојот. Притоа се потенцира делот од говорот во кој рускиот претседател се осврнал на напорите да се подобри квалитетот на живото на Русите /крај/ро/рн/сн