Економија
Секој четврти работник сака да работи во странство
Земјите кои што сé уште се опоравуваат од глобалната рецесија може да станат “дух-градови” кога зборуваме за вработеноста во нив, со оглед на фактот што повеќе од четвртина од работниците се подготвени да се преселат во странство за да најдат подобра работа
Земјите кои што сé уште се опоравуваат од глобалната рецесија може да станат “дух-градови” кога зборуваме за вработеноста во нив, со оглед на фактот што повеќе од четвртина од работниците се подготвени да се преселат во странство за да најдат подобра работа стои во меѓународното истражување за вработените од GfK Custom Research.Прашањето беше поставено во 17 од 29 земји опфатени со големото меѓународно истражување и се воспостави дека повеќе од четвртина од испитаната работната сила (27 отсто) е подготвена да се пресели во некоја друга земја со цел да најде подобро вработување. Младите квалификувани вработени лица кај кои посебно се чувствува таа страст за патување и промена на работното место: две петтини (41 отсто) од работниците на возраст од 18-29 се согласни дека се подготвени да се преселат во друга земја за да најдат подобра работа, додека таа бројка е еден од тројца за дипломирани лица (32 отсто) и речиси еден од четворица за доктори на наука (37 отсто), споредбено со една петтина од вработените со завршено средно образование (22 отсто). “Нашите наоди покажуваат ризик на одлив на високообразовани кадри во годината што доаѓа, наметнувајќи суштински проблеми на компаниите и земјите што сакат да се опорават од рецесијата. Една четвртина од работниците што работат физичка работа и од службениците што имаат канцелариска работа се подготвени да бараат работа во странство, а таа бројка расте кај високообразованите работници. Пресудна беше третината од луѓето во R&D (дејностите за истражување и развој) кои што се спремни да бараат работа во странство- самите дејности кои што многу земји ги идентификуваа како клучни во опоравувањето”, вели Боге Божиновски од ГФК Скопје.Не се изненадувачки резултатите што покажуваат дека Централна и Јужна Америка се најпогодени од покриените пазари. Речиси 6 од 10 вработени во Мексико (57 отсто), половина од работната сила во Колумбија (52 отсто) и две петтини од вработените во Бразил и Перу (41 отсто, односно 38 отсто) се подготвени да ја минат границата во потрага по подобра кариера. Но трендот не е се однесува само на пазарите во развој. Други пазари коишто се на врвот од 17 земји во кои беше спроведено истражување за подготвеноста за емиграција за подобра работа се: Турција на 3-то место со 46 отсто, Унгарија на 7-мо место(33 отсто), потоа следат Русија (29 отсто) и 9-тото место го делат Португалија и Велика Британија со 27 отсто. Дури и САД и Канада – традиционално стереотипни земји поради нивната релативна незаинтересираност за живеење во странство се соочуваат со една петтина од нивните работници кои што велат дека се спремни да се преселат во друга земја за да најдат подобра работа, со 21 отсто, односно 20 отсто. /крај/пд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.