Американскиот претседател Барак Обама уште еднаш изјави дека треба да се најде компромис меѓу демократите и републиканците за зголемување на лимитот за јавниот долг и намалувањето на буџетскиот дефицит, предупредувајќи дека „времето истекува“.

Американскиот претседател Барак Обама уште еднаш изјави дека треба да се најде компромис меѓу демократите и републиканците за зголемување на лимитот за јавниот долг и намалувањето на буџетскиот дефицит, предупредувајќи дека „времето истекува“.На крајот на фискалната 2011 година буџетскиот дефицит на САД, според прогнозите, е проектиран да изнесува за околу 1,5 трилиони долари. На 16-ти мај, САД го надминаа уште еднаш лимитот определен од Конгресот за минатата година на 14,3 трилиони долари. Стравувањата кај администрацијата последните седмици се дека остануваат уште само две седмици за да се избегне банкротот што може да се случи по 2 август доколку Конгресот не гласа за зголемување на лимитот. Белата куќа предлага да се зголеми горната граница до 2,4 трилиони долари.Повеќето членови на Конгресот, пред сé републиканците, одбиваат да се разгледа зголемувањето на лимитот, велејќи дека администрацијата треба да обезбеди и план за намалување на трошоците за јавната администрација. Администрацијата на претседателот Барак Обама е подготвена да ги намали трошоците, но инсистира на потребата да се укинат даночните олеснувања и на зголемување на даноците за најбогатите Американци и најуспешните компании. Републиканците, коишто традиционално ја уживаат поддршката на крупниот бизнис, категорично се спротиставуваат на тоа.„Очекувам дека сите страни наредните денови ќе дојдат до компромис“, изјави американскиот претседател.Во петокот Обама, и покрај тоа што за овој ден не беа планирани никакви преговори за јавниот долг, одржа 45-минутна прес-конференција, на којашто, како што забележуваат американските медиуми, не кажа речиси ништо ново од она што е кажано претходно.Тој уште еднаш потсети дека ги смета дека е неопходно донесувањето на измените во сферата на даночните олеснувања за најбогатите Американци и најголемите компании, и истакна дека неподготвеноста на републиканците да ја признаат оваа неопходност е „индикатор за несериозност во нивниот пристап кон решавање на проблемот“.Обама, исто така, рече дека ќе разговара со своите политички противници за дополнително намалување на државните трошоци, но нагласи дека намалувања на програмите за поддршка на студентите, за воениот персонал и вработените во федералните служби не се можни.„Ние веќе најдовме начин како да се заштедат повеќе од илјада милијарди долари“, нагласи Обама.Првиот човек на САД, покрај тоа, рече и дека ако лимитот за јавниот долг не биде зголемен благовремено, многумина ќе трпат последици, пред сé, средната класа.„Времето истекува“, нагласи Обама./крај/рн/сн