Најголемата компанија за производство на челик во светот, АрселорМитал, испраќа 20 волонтери вработени во претставништва на АрселорМитал од девет држави на три континенти да ја довршат првата фаза од изградбата на Хабитат населбата во Велес.

Најголемата компанија за производство на челик во светот, АрселорМитал, испраќа 20 волонтери вработени во претставништва на АрселорМитал од девет држави на три континенти да ја довршат првата фаза од изградбата на Хабитат населбата во Велес.Волонтерите на АрселорМитал треба денеска да ја започнат својата мисија во Велес.„Со работата надвор од својата земја, вработените на АрселорМитал добиваат незаборавно животно искуство“ вели Раџендран Мандампарамбил, проектен менаџер во Фондацијата АрселорМитал.Хабитат-Македонија ја започна изградбата на населбата за семејства со ниски приходи кои домуваат во супстандардни услови во Велес во октомври 2009 година. Со комплетирањето на првата фаза се обезбедуваат едноставни, пристојни и достапни домови за 24 велешки семејства.„Пресреќни сме што компанија како АрселорМитал ни се приклучува кон нашата мисија за елиминирање на супстандардното домување. АрселорМитал е одличен пример за локалните, но и за интернационалните компании, во однос на корпоративно општествената одговорност и се надеваме дека многу компании ќе го следат нивниот пример.“ вели Лилјана Алчева, заменик Директор за програми во Хабитат-Македонија.Кон крајот на април, Хабитат-Македонија и партнер семејствата го официјализираа учеството во програмата Новоградби Велес. Семејствата се селектирани според основните Хабитат принципи, односно нивната потреба, приход и желба за работа со волонтерите.Партнер семејствата активно работеа на изградбата на своите идни домови заедно со 500 волонтери од Соединетите Американски Држави, Канада, Европа и Македонија. Изградбата е поддржана од индивидуалци, организации и компании од Северна Америка, Европа и Македонија.АрселорМитал и Хабитат се обединија за да изградат и реновираат стотици домови и да создадат поквалитетни, трајни, безбедни и достапни домови за семејствата кои живеат во супстандардни услови. Првиот производ на ова партнерство е минатогодишната изградба на нови домови за 12 семејства во Моинести, Романија.Изминатите три години, Фондацијата АрселорМитал им има помогнато на преку 700 семејства. Вработените од АрселорМитал волонтерски градат Хабитат домови во Јужна Америка, Африка и Европа, а оваа година во Македонија пристигнуваат по своите неодамнешни градби во Мексико и Јужна Африка.Покрај волонтерските градби, Фондацијата АрселорМитал ја поддржа работата на Хабитат во Хаити, донирајќи челик за првите 310 засолништа од планираните 1 900. /крај/со/ап/