Економија
Азиските берзи затворени со пад од 4,4 отсто поради стравот од еврозоната
Берзите од Азиско-Пацифичкиот регион го завршија тргувањето во понеделникот со значителни минуси, а клучниот индекс на берзата во Хонгконг, Hang Seng потона до 4,4 отсто
Берзите од Азиско-Пацифичкиот регион го завршија тргувањето во понеделникот со значителни минуси, а клучниот индекс на берзата во Хонгконг, Hang Seng потона до 4,4 отсто поради загриженоста на инвеститорите во врска со неуспехот на европските власти во решавањето на должничката криза, покажуваат податоците од берзите.До крајот на тргувањето во понеделникот, Hang Seng падна точно за 4,38 отсто на 16.822, 15 поени. Јапонскиот индекс Nikkei 225 се намали за 1,78 проценти на 8.545,48 поени, а поширокиот јапонски TOPIX индекс падна за 1,85 отсто на 747,11 поени. Австралискиот S&P/ASX 200 потона за 2,78 отсто до 3.897,00 поени.Берзите во Сеул и во Шангај во понеделникот беа затворени.Причината за загриженоста на инвеститорите се појави кон крајот на тргувањето во Азија, по информацијата дека Грција не ги заврши преговорите со „тројката“ од меѓународните кредитори составена од претставници на Европската комисија, Европската централна банка и на Меѓународниот монетарен фонд (ММФ) со што требаше да ја обезбеди следната транша од кредитот за финансиска помош. Претходно во понеделникот, заменик-министерот за финансии на Грција. Пантелис Иконому, за атинската телевизија Mega изјави дека преговорите се завршени, и „излезот е најден во онаа мера, до којашто доверителите можеле да се убедат во постоењето на длабока рецесија во земјата“.Грција во неделата вети дека ќе ги намали платите и пензиите и ќе отпушти 30 илјади државни службеници, во обид да ги убеди доверителите дека ќе ги спроведе сите неопходни мерки за намалување на буџетскиот дефицит. Меѓутоа, признавањето на Атина дека нема да може да го исполни предвиденото ниво на буџетскиот дефицит за 2012 и за 2013 година им покажа на инвеститорите дека Грција сé уште не може да го планира буџетот во рамките кои се услов за добивање на финансиската поддршка, со што банкротот на земјата станува сé поизгледен.Новата транша од финансиската помош за Грција во висина од 110 милијарди евра, која се очекуваше следните седмици ,беше потребна за исплата на странскиот долг, како и за исплата на платите и пензиите.Во понеделникот попладне, во фокусот на инвеститорите, исто така, остана состанокот на министрите за финансии од земјите од еврозоната (Еврогупата) и министрите за економија и финансии од земјите од Европската унија (Екофин), кои повторно ќе дискутираат за должничкиот проблем на Грција и неговото влијание врз економијата на Европа. Аналитичарите сметаат дека властите на Европската унија уште еднаш последен пат ќе се обидат да го одложат можниот банкрот на Грција непреземајќи конкретни одлуки за решавање на должничката криза во европска валутна зона.„Закажаниот за денес состанок на министрите за финансии само одново го одложува неизбежното“, го коментираше расположението на пазарите аналитичарот на „CMC Markets“, Мајкл Хјусон.Hang Seng (Hang Seng Index, HIS) индексот е главниот индекс на берзата во Хонгконг, која е чувствителна на малите флуктуации на економијата во матичната Кина. Тој се пресметува како пондерирана просечна вредност по капитализацијата на цените на акциите на 34 најголемите акционерски компании во Хонгконг.Nikkei 225 (Nikkei 225 Stock Average) индексот е основниот индекс на Токиската берза, чијашто вредност се востановува како едноставен аритметички просек на цените на акциите на 225 најактивно тргувани компании на првиот пазар. TOPIX индексот, поширок во однос на индексот Nikkei 225, е индикаторот на Токиската фондова берза. Тој се пресметува како пондерирана просечна пазарна капитализација на вредноста на акциите на компаниите. Се тргува на првиот пазар од оваа берза. S&P/ASX 200 индексот е базичниот берзански индекс на Сиднејската берза, кој се пресметува од 200-те најмногу тргувани акции на компаниите/крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.