Економија
Европските акции зајакнаа пред состанок на Г20

Европскиот акции зајакнаа во петокот откако трговците го игнорира намалувањето на кредитниот рејтинг на Шпанија пред состанокот на министрите за финансии од групата Г20 и се фокусираа на деловните извештаи на компаниите.
Европскиот акции зајакнаа во петокот откако трговците го игнорира намалувањето на кредитниот рејтинг на Шпанија пред состанокот на министрите за финансии од групата Г20 и се фокусираа на деловните извештаи на компаниите. Индексот на лондонската берза FTSE порасна за 0,8 отсто на 5.447 поени, франкфуртскиот DAX за 0,7 отсто на 5.955 поени а парискиот CAC за 0,9, отсто на 3,214 поени. Агенцијата „Standard & Poor’s“ во петокот го намали рејтингот на шпанскиот долгорочен кредитен рејтинг за едно нив од „АА“ на „АА+“, поради слабиот раст и големата задолженост на приватниот сектор.„Акциите денеска беа отпорни бидејќи пазарот и натаму ги игнорира негативни вести. Намалувањето на шпанскиот кредитен рејтинг не влијаеше претерано врз расположението на инвеститорите кој продолжија да ги купуваат акциите, иако во помали количества“, заклучи Манл Ладва од „EXT Capital“.Меѓу добитниците се истакна технолошкиот сектор, охрабрен од подобрите очекување од тримесечните резултати на американскиот интернет гигант Google. Така, акциите на компанијата „ STMicroelectronics“, зајакнаа 6,2 отстo, на „Ericsson“ за 3,9 отсто, додека акцијата на „Infineon“ доби на вредноста 2,8 отсто. Акциите на рударските и нафтените компании, исто така, значително добија на вредноста благодарејќи на поголемите цени сировата нафта. Меѓу најголемите добитници беше „Xstrata“ со зголемување од 3,5 отсто. Банкарскиот сектор, пак, се најде под притисок, при што акцијата на „USB“ ослаби за 1,3 отсто откако агенцијата „Fitch Ratings“ го намали нејзиниот рејтинг и ги вброи на разгледување поради можно намалување рејтингот на банките „Barclays Bank“, „BNP Paribas“, „Credit Suisse“, „Deutsche Bank“ и „Societe Generale“.Меѓу најголемите губитници се француските банки, покрај падот на акциите на „BNP Paribas“ за 3,5 и на „Societe Generale“ за 3,3 отсто.Шпанскиот берзански индекс IBEX ослаби за 0,1 отсто, покрај падот на акциите на банката „Santander“ за 1,3 и на „BBVA“ за 1,7 отсто. Министрите за финансии од групата Г20 кои во петокот допатуваа во Париз поради состанокот на водечките светски стопанства ги притиснаа послабите европски банки да го зајакнат својот капитал. „Состанокот на министрите за финансии на Г20 во Париз се одржува во време кога политичарите од еврозоната се наоѓаат во тешка ситуација, а пазарите очекуваат планови за докапитализација на банките, меѓутоа постои ризик за пропуштање на роковите или плановите да се покажат како неадекватни или недоволни за решавање на проблемот“, , предупреди економистот Нил Меккинон од компанијата „VTB Capital“. Индексот на токиската берза Nikkei ослаби за 0,9 отсто на 8.747 поени./крај/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Инвертер-клими за ранливите семејства – Министерството за енергетика објави оглас

Министерството за енергетика, рударство и минерални суровини објави мерка која ги таргетира ранливите категории население.
Преку јавен оглас, што стапи во сила, Министерството, како што информираат од таму, почнува со распределба на енергетски ефикасни инвертер клима-уреди за 2025 година, со што ќе се подобри квалитетот на живеење и ќе се намалат трошоците за енергија во илјадници македонски домови.
„Мерката се реализира во согласност со Програмата за изменување и дополнување на Програмата за заштита на ранливите потрошувачи на енергија за 2025 година (‘Службен весник на РСМ’ бр. 161/25). Во согласност со јавниот оглас за поддршка на домаќинства што спаѓаат во категоријата ранливи потрошувачи на енергија, со цел унапредување на енергетската ефикасност и подобрување на квалитетот на живеење, домаќинствата што ги исполнуваат условите ќе стекнат право на купен и вграден инвертер клима-уред со моќност од 3,5 kW и енергетска класа од најмалку А+. Овие уреди не само што штедат електрична енергија туку обезбедуваат и висока ефикасност за греење и ладење – токму онаму каде што е најпотребно“.
Како што појаснуваат, рокот за пријавување е 60 дена од денот на објавувањето на огласот во дневен весник.
Повеќе информации, како и потребните обрасци за пријавување, се објавени на веб-страницата на Министерството: www.energy.gov.mk.
Економија
Народната банка со нова иницијатива: проширување на услугите што ќе може да се користат преку платежната сметка со основни функции

Гувернерот Трајко Славески истакна дека иницијативата на Народната банка за намалување на надоместоците за користење на платежните услуги веќе ги даде првите резултати и изрази задоволство од одлуките на банките за намалување на трошоците.
Славески, на денешната конференција за печатот, најави дека Народната банка ќе покрене иницијатива и за измени на сегашното законско решение за платежната сметка со основни функции, со кои ќе се овозможи нејзино помасовно користење од страна на граѓаните за извршување на плаќањата кај сите банки. Со измените на Законот за платежни услуги и платни системи, се предлага отстранување на дел од постојните ограничувања и значително проширување на услугите што граѓаните ќе можат да ги користат преку платежната сметка со основни функции.
Најзначајните новини се: можност за дозволено пречекорување, можност да се поседува платежна сметка со основни функции дури и ако потрошувачот има други сметки, како и проширен сет бесплатни или евтини услуги, којшто покрај интерните, ќе ги вклучи и меѓубанкарските електронски трансфери, издавањето дебитна картичка и до четири подигнувања готовина месечно од банкоматите на други банки во износ до 2.000 денари по трансакција. Во овој сет влегуваат и други услуги коишто и досега можеа да ги користат граѓаните, односно уплатите и подигнувањата готовина на банкоматите и шалтерите на банката, користењето на електронското и мобилното банкарство, како и плаќањата со платежна картичка на физичките продажни места и во интернет-трговијата.
„Предлагаме цената на услугите коишто ќе може да се користат преку платежната сметка со основни функции да биде поврзана со износот на минималната бруто-плата во земјава и да биде утврдена најмногу на 0,1% од неа, па согласно важечката минимална бруто-плата за 2025 година, таа би изнесувала 36 денари на месечно ниво. За граѓаните коишто ѝ припаѓаат на групата законски корисници на права, односно т.н. ранливи категории граѓани, овие услуги ќе бидат целосно бесплатни“, истакна Славески.
Народната банка ќе работи со банките и на воспоставување национална мрежа на банкомати за подобар пристап до готовина низ целата земја. Оваа идеја би се остварила најдоцна до крајот на наредната 2026 година.
Покрај ова, Народната банка ќе предложи и приспособен пакет за микротрговци – најчесто семејни бизниси коишто имаат ограничени ресурси, со цел да се поттикне финансиската вклученост и дигитализацијата на плаќањата. Се очекува дека поповолните услови за користење на платежните услуги ќе бидат достапни за граѓаните и за микротрговците по донесувањето на законските измени, односно дека ќе бидат во примена од почетокот на 2026 година.
Економија
Затворени четири субјекти: триесет отсто од контролираните се со неправилности за фискализација, објави УЈП

Во периодот од 28 јули до 3 август 2025 година Управата за јавни приходи (УЈП) спроведе вкупно 214 теренски контроли за фискализација, насочени кон различни типови деловни субјекти, меѓу кои: ресторани, кафе-барови, шанкови на плажа, слаткарници, колонијали, продавници за облека и накит, хотел, автопревозници, паркинзи и други трговски објекти за продажба на мало.
Контролите беа реализирани во државата во повеќе градови, меѓу кои и туристичките места, каде што во летниот период има зголемена фреквенција на туристи. Од 214 контролирани субјекти, кај 30,8 %, односно кај 66 од контролираните се утврдени неправилности во согласност со Законот за регистрирање на готовинскиот промет.
За утврдените неправилности донесени се 66 прекршочни санкции – глоби, кои ќе бидат одмерени во согласност со големината на субјектот.
За четири, односно три субјекти од Охрид и еден од Струга, поради повторено неиздавање фискални сметки во рок од две години, изречена е мерка за привремена забрана за вршење дејност (запечатување).
„Анализата на спроведените контроли и утврдените неправилности по градови е следна: • Во Скопје извршени се 14 контроли и при истите утврдени се 4 неправилности; • Во Струга, Охрид и Битола извршени се 126 контроли, а утврдени се 29 неправилности од кои 11 неправилности во Струга и 18 во Охрид • Во Прилеп извршени се 7 контроли, a утврдени се 3 неправилности; • Во Тетово, Гостивар извршени се 32 контроли, а утврдени се 14 неправилности од кој 13 во Тетово и една во Гостивар • Во Штип, Неготино, Демир Капија, Кавадарци Велес и Куманово извршени се 35 контроли, а утврдени се 16 неправилности, по една неправилност во Неготино и Кавадарци, 2 во Демир Капија, 3 во Штип, 4 во Велес и 5 неправилности во Куманово“.
УЈП апелира до сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата.
„Управата за јавни приходи врз основа на извршените контроли согласно Закон за регистрирање на готовински плаќања, ќе врши вкрстени проверки со цел да ја провери веродостојноста на искажаните приходи кај даночните обврзници. Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување. Управата за јавни приходи останува цврсто посветена на доследна примена на законите и обезбедување еднаков третман за сите даночни обврзници“.