Економија
Европските берзи паднаа, во фокусот европските трошоци на задолжувањето
Европските акции ослабеа во вторникот под притисокот на скокот на трошоците за задолжувањето на членките на еврозоната, кои особено тешко го погодија банкарскиот сектор, а расположението дополнително го расипаа најновите европски макростопански податоци.
Европските акции ослабеа во вторникот под притисокот на скокот на трошоците за задолжувањето на членките на еврозоната, кои особено тешко го погодија банкарскиот сектор, а расположението дополнително го расипаа најновите европски макростопански податоци. Индексот на лондонската берза FTSE 100 ослаби за 1,0 отсто паѓајќи на 5.462 поени, франкфуртскиот DAX забележа уште поголем минус за 1,9 отсто на 5.869 поени а со истиот процентен пад беше и парискиот CAC 40 на 3.048 поени. Расположението на пазарите го расипа враќањето на приносите на италијанските 10-годишни државни обврзници на нивото од 7 отсто коешто се смета за неодржливо на подолг рок. „Присутна е неизвесноста околу составот ан новата италијанска влада. Сето тоа трае подолго отколку што се очекуваше, па растат приностите“, констатира Андреа Вилијамсон од „Royal London Asset Management“. Оттаму, како што истакнува, се настојува да се зголемат портфељите ба акциите на компаниите помалку изложени на кризата во еврозоната, како што се скандинавските банки и компаниите кои дејствуваат на пазарите во формирање. Најголем губитник во ваквото окружување беше банкарскиот сектор чиишто многубројни членки се изложени на обврзниците на најслабите членки од еврозоната. Во просек овој сектор забележа загуба на вредноста од 3,2 отсто. Италијанската „UniCredit“ банка, притоа, ослаби 7 отсто, по 6,2-процентната загуба во претходниот ден откако беше објавена загубата во третиот кварта од годинава и најавено зголемувањето на капиталот. Акцијата на најголемиот кредитор во Италија загуби годинава повеќе од половината од својата вредност. Една од поголемите загуби во вторникот ја претрпе француската банка „BNP Paribas“ чијашто акција ослаби за 5,6 отсто. Иако минатите денови во центарот на вниманието на инвеститорите беше Италија, нив и натаму ги загрижуваат и растечките трошоци на задолжувањето на Шпанија и Франција. Така, шпанското министерство за финансии во вторникот ги плати највисоките камати за краткорочното задолжување за 3,2 милијарди евра од 1997 година.Француските, пак, трошоци на задолжувањето скокнаа откако авторите на судиите за членките на еврозоната во вторникот предупредија дека сериозно загрижува неспособноста на Париз да спроведе брзи прилагодување во овој сектор.Расположението на пазарите дополнително го расипаа последните макростопански показатели од Европа, коишто покажаа дека стопанството на еврозоната во третото тримесечје од годинава нараснало за само 0,2 отсто во однос на претходниот квартал. Економистите предупредуваат дека е речиси сигурно тоа го зема курсот на запаѓање во рецесија. „И натаму сметам дека Европската централна банка мора нешто да стори и да печати пари, но се чини дека тие не се склони на вакви решенија“, вели Вилијамсон./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.