Во вторникот на Волстрит беше забележан пад на цените на акциите, втор ден по ред, откако американската централна банка предупреди дека нестабилноста на финансиските пазари може да му наштети на американското стопанство, а и покрај тоа не најави нови поттикнувачки мерки.

Во вторникот на Волстрит беше забележан пад на цените на акциите, втор ден по ред, откако американската централна банка предупреди дека нестабилноста на финансиските пазари може да му наштети на американското стопанство, а и покрај тоа не најави нови поттикнувачки мерки.Индексот Dow Jones ослаби за 0.55 отсто на 11.954 поени, додека S&P 500 падна за 0,87 проценти на 1.225 поени а Nasdaq забележа намалување за 1,26 отсто на 2.679 индексни поени. Во повеќето од тргувањата од вторникот берзанските индекси го минаа во позитивната зона, што е последица на корекциите на цените на акциите по остриот пад од понеделникот, но пред крајот на тргувањето забележаа пад бидејќи американската централна банка Fed ги разочара инвеститорите. По последната годинешна седница на челниците на Fed, банката порача дека американското стопанство забележува умерен раст, и покрај забавувањето на глобалниот раст, но рецесијата во Европа и нестабилност ана финансиските пазари, би можеле во идниот период да му нанесат штети. Fed ја остави можноста подотворена за новите мерки за поттикнување, за да американското стопанство што побезболно ги претрпи последиците од европската должничка криза, но останаа разочарани инвеститорите кои се надеваа на појасни знаци за поддршка. Ниту од Европа во вторникот не стигнуваа добри вести за берзите. Германската канцеларка Ангела Меркел ја отфрли секоја можност за зголемување на фондовите за спасување на еврозоната. Европскиот стабилизациски механизам (ESM), кој кон половината од идната година ќе го наследи Европскиот фонда за финансиска стабилизација (EFSF), ќе има кредитни капацитети од 500 милијарди евра, но повеќето инвеститори сметаат оти тоа е недоволно, па се надеваа на зголемување на овие средства. „Во сегашната ситуација во Европа најголем проблем е краткорочната ликвидност, па идниот чекор би требало да биде одговорот на тоа прашање. Пазарот се надеваше на зголемување на средствата за спасување на Европа, но Германија повторно му го извлече тепихот од под нозете. Поради таа несигурност, пазарот е под притисок и натамошните движења зависат од Европа“, вели за Reuters Ренди Фредерик, директор од банката во „Charles Schwab“.И на повеќето европски берзи во вторникот цените на акциите забележаа пад. Франкфуртскиот DAX ослаби за 0,19 отсто на 5,774 поени, парискиот CAC 40 за 0,40 отсто на 3.078 поени, додека пак лондонскиот FTSE 100 забележа раст од 1125 отсто на 5.490 индексни поени./крај/ро/мф/сн