Економија
Семинар „Безбедноста над сè“, организиран од Сааб и Сивус
Првиот семинар за запознавање со модерните комуникациски системи за алармирање, тревожење и граѓанска безбедност, “Безбедноста над сè“, во организација на Сааб и Сивус, се одржува денеска во просториите на Сивус едукативниот и развоен центар.
Првиот семинар за запознавање со модерните комуникациски системи за алармирање, тревожење и граѓанска безбедност, “Безбедноста над сè“, во организација на Сааб и Сивус, се одржува денеска во просториите на Сивус едукативниот и развоен центар.
На денешниот семинар, Сааб и Сивус ќе ги претстават двата система Paratus и SAFE, дизајнирани да ги пресретнат идните потреби на службите за итна помош, алармирање и тревожење, за одговор на итните повици итн.
“Paratus и SAFE се флексибилни и робустни системи за управување со сигурноста и безбедноста, дизајнирани со цел да обезбедат подобрена и поефективна комуникација во служба на алармирање, тревожење и граѓанска безбедност“, објаснува Борјан Шољаков, менаџер за продажба во Сивус.
Тој додава дека овие производи им се претставени одблизу на македонските клиенти од повеќе институции, на семинарот за сигурност и безбедност, организиран од страна на Сивус и Сааб.
Сааб го опслужува глобалниот пазар на влади, институции и корпорации, со широка палета на производи, услуги и решенија, од воена одбрана до државна безбедност.
“Ние им помагаме на нашите клиенти да ги подобрат критичните сигурносни и безбедносни операции, преку обезбедување на модерни и иновативни софтверски решенија“, вели Јохан Олсон, извршен директор на безбедносни решенија, Сааб.
“Ние во Сааб отсекогаш сме се залагале за сигурност и безбедност на луѓето, чувството на сигурност и безбедност е универзално човеково право. За нас безбедноста е над сè“, додава Улф Тиблин, меѓународен бизнис развој за сигурносни и безбедносни решенија.
“Овие решенија денес се инсталирани во многу медицински служби за итна помош, полициски и противпожарни служби, како и служби за цивилно спасување во Шведска, како и во други европски земји“, заклучува Тиблин.
Шведскиот гигант Сааб веќе 70 години развива технолошки решенија чија цел е создавање на посигурни и побезбедни општества. Денес ова искуство на Сааб е употребено во широката палета на безбедносни системи кои се лесно достапни и кои може драстично да ги подобрат способностите во областите како обезбедување на критична инфраструктура, брзо одговарање на итни повици, обезбедување на физички лица и настани. /крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Претседавачот на ЕБА: Комбинацијата на мерки на Народната банка и останатите централни банки вродија со плод
Комбинацијата од монетарното затегнување и макропрудентните мерки, која Народната банка, како и останатите централни банки ја применија, е неопходна како одговор на инфлациските притисоци со кои во последно време се соочуваме, посочи во интервју за “Независен”, Хозе Мануел Кампа, претседавач на Европскиот банкарски одбор-ЕБА.
Претседавачот Кампа истакнува дека централните банки ширум светот, вклучително и во ЕУ, го усвоија овој двоен пристап за да обезбедат финансиска стабилност. “Преку покачувањето на каматните стапки, централните банки директно се соочуваат со инфлацијата, додека макропрудентните мерки, како што е зголемувањето на капиталните побарувања или стрес-тестирањето, им помагаат на банките да останат отпорни во соочувањето со економските шокови”, вели Кампа и нагласува дека треба да се постави рамнотежа помеѓу одржувањето на ценовната стабилност и гаранциите дека банкарскиот сектор може соодветно да ги поддржи нашите економии. “Макропрудентните мерки се гаранција дека банките имаат доволно капитал да ги апсорбираат загубите од нефункционалните кредити и да го одржат кредитниот тек, кој што е клучен за економското закрепнување”, вели Кампа.
Претседавачот на ЕБА истакнува дека воведените мерки вродија со плод бидејќи видовме пад на инфлацијата под таргетот од 2% во ЕУ. “Иако ова е позитивен знак, сепак мора да останеме внимателни. ЕБА продолжува тесно да соработува со централните банки и државните органи за да го процени влијанието на овие мерки и да се осигура дека банкарскиот сектор останува истовремено отпорен и способен да ја поддржи пошироката економија”, посочува Кампа.
Европскиот банкарски одбор (ЕБА – European banking authority), е независен орган на ЕУ чија улога е заштита на интегритетот и робусноста на банкарскиот сектор на ЕУ за поддршка на финансиската стабилност во ЕУ. Претседавачот на ЕБА, Хозе Мануел Кампа, беше учесник на Десеттата меѓународна конференција на Народната банка, која како централна тема ја имаше работата на централните банки во сегашниот предизвикувачки амбиент.
Економија
Претставници на Народната банка работеа на клучно истражување за македонската економија објавено од ММФ
Како резултат на заедничкиот проект на експерти од Народната банка и од Чешката централна банка, изготвен е работен материјал, под наслов „Преглед на новиот калибриран модел ДСГЕ за економијата на Северна Македонија“, од авторите Тибор Хледик, Јоана Маџоска, Мите Митески и Јан Влчек, којшто беше објавен во реномираната серија работни материјали на ММФ. Изготвувањето на трудот е во рамките на проект за техничка соработка со експерти од ММФ и од Чешката народна банка, чијашто цел беше изградба на нов динамички стохастички модел на општа рамнотежа (ДГСЕ) за македонската економија. Ова претставува прв труд од нашата институција којшто се објавува како работен материјал на ММФ, со што се дава важен придонес во афирмирањето на Народната банка во меѓународни рамки и во јакнењето на нејзината аналитичка инфраструктура, доближувајќи ја до стандардите на централните банки од развиените економии.
Работниот материјал нуди детална анализа на меѓусебните поврзаности на секторите во македонската економија со примена на софистицираниот модел ДСГЕ, којшто беше приспособен соодветно за да ги опфати нејзините карактеристики, а добиените резултати ја нагласуваат неговата корисност како алатка за обликување на монетарната политика на Народната банка засновано на информации.
Овој објавен труд не само што ја истакнува работата и посветеноста на нашиот кадар, туку ја подвлекува и улогата на нашата институција како водечка во придонесот кон истражувањата од економската област во нашата држава.
Економија
Цените на бензините и на дизелот остануваат непроменети
Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,59% во однос на одлуката од 7.10.2024 година.
Од 11.10.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,50 (денари/литар)
Моторен бензин ЕУРОСУПЕР БС – 98 77,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,034 (денари/килограм)
Малопродажната цена на Мазутот М-1 НС се зголемува за 1,254 ден/кг и сега ќе изнесува 44,034 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,37%, кај дизелот зголемувањето е за 3,192%, кај екстра лесното масло исто има зголемувањето од 3,675% и кај мазутот зголемувањето за 3,034%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8091%.