Банкарскиот сектор е релативно добро отпорен дури и на најострите сценарија во еврозоната и се покажа стабилен во стрес тестовите што Народната банка на Македонија ги спровела деновиве.

Банкарскиот сектор е релативно добро отпорен дури и на најострите сценарија во еврозоната и се покажа стабилен во стрес тестовите што Народната банка на Македонија ги спровела деновиве.Ова денеска го изјави гувернерот Димитар Богов по седницата на Комитетот за финансиска стабилност, на која присуствуваше и министерот за финансии Зоран СтаврескиБогов информираше дека на седницата биле презентирани сите стрес тест сценарија кои што  НБМ ги направила во овој период и по сите нив банкарскиот сектор покажува отпорност дури и во најострото сценарио.„Ликвидноста е на исклучително високо ниво, солвентноста е одлична, што дава сигурност дека банкарскиот сектор може да ги издржи ударите и да продолжи со нормални кредитни активности, дури и при најлоши сценарија во еврозоната“, изјави Богов.Тој рече дека засега НБМ не планира да превземе мерки, но дека се прават разни симулации, за тоа кој мерки во каква ситуација би се презеле.Запрашан дали НБМ размислува да ги зголеми каматните стапки, согласно препораката на ММФ, Богов рече дека не се предвидува такво нешто, но дека тоа ќе зависи од развојот на настаните во иднина„Нашите проекции во базичното сценарио покажуваат дека нема да има потреба од затегање на монетарната политика, но при поострите сценарија, зависно  од притисокот кој што би го имале на девизниот пазар, соодветно ќе реагираме, меѓутоа не би требало таквата реакција да биде позначителна“, изјави Богов.Гувернерот информираше дека во последно време нема одлив на депозитите, туку напротив има пораст на истите и кај домаќинствата и кај претпријатијата. Депозитите во евра бележат благо незначително намалување, додека депозитите во денари растат со повисока стапка.Кредитната активност на банките во последно време бележи одредено забавување, што се должи поради неизвеснота во еврозоната и како тоа ќе се одрази врз Македонија.На седницата на претставниците на НБМ и министерството за финансии било констатирано дека кредитниот ризик се зголемил, што може да се согледа преку забрзаниот раст на нефункционалните кредити и растот на изложеноста во најризичната категорија „Д“.„Сепак, ризиците од влошување на квалитетот на кредитното портфолио се ублажуваат, имајќи ја предвид целосната покриеност на нефункционалните кредити си исправка на вредноста на посебната резерва“, стои во соопштението на НБМ. /крај/со/ап/