На Волстрит во понеделникот цените на акциите забележаа пад, најмногу во финансискиот сектор, по предупредувањето дека на стопанствата во еврозоната им се заканува значително слабеење, но најмногу поради воведувањето построги правила во врска со капиталот на американските банки.

На Волстрит во понеделникот цените на акциите забележаа пад, најмногу во финансискиот сектор, по предупредувањето дека на стопанствата во еврозоната им се заканува значително слабеење, но најмногу поради воведувањето построги правила во врска со капиталот на американските банки. Индексот Dow Jones ослаби за 0,84 отсто на 11.766 поени, индексот S&P 500 падна за 1,17 отсто на 1.205 поени додека индексот Nasdaq ослаби за 1,24 отсто на 2.523 индексни поени. Претседателот на Европската централна банка (ECB), Марио Драги во понеделникот предупреди дека стопанствата на земјите членки на еврозоната се под сериозна закана за значително слабеење, како и дека за банките претстои тешка година.  Повеќето макроекономски показатели веќе подолго време ја најавуваат рецесијата во еврозоната, а бидејќи должничката рецесија. А рецесијата и должничката криза најмногу ги погаѓаат банките. „Ако ги погледнете сите проблеми со кои се соочуваат банките, јасно е дека ваквата атмосфера во никој случај не им одговара. Имајќи предвид, пак, дек голем дел од стравувањата на пазарите се поврзани токму со финансискиот сектор, лош ден за банките, значи лош ден за сите“, вели за Reuters Мајк Ши, партнер во компанијата „Direct Access Partners“.Финансискиот сектор се најде под притисок и поради пишувањето на весникот The Financial Times од понеделникот, базирано на добро упатен извор, дека американската централна банка (Fed) ќе бара од американските банки да ја засилат својата капитална основа повеќе отколку што е пропишано со американските закони.„Зголемувањето на капиталот на банките би значело забавување на растот на кредитирањата и заработката, па јасно станува зошто паднаа цените на акциите во финансискиот сектор“, појаснува за Reuters Џон Норис, директор во „Oakworth Capital Bank“. Под најголем притисок се најде „Bank of America“. Цената на акциите на најголемата американска банка падна за околу 4 отсто и првпат од избувнувањето на финансиската криза од пред три години се спушти под нивото од 5 долари. И во другите сектори цените на акциите забележаа пад. Малку поблаг пад е забележан во ткн дефанзивни сектори, како што се здравствениот и секторот на прозиводители на стоки за широка потрошувачка. Притоа, повеќе од три четвртини од акциите со коишто се тргува на Волстрит изгубија на вредноста. И на повеќето европски берзи во понеделникот акциите забележаа пад. Така на референтните – лондонска берза индексот FTSE 100 ослаби за 0,41 отсто на 5.364 поени, индексот на франкфуртската берза DAX падна за 0,54 отсто на 5.670 поени, а, пак, зајакна индексот на париската берза CAC 40, за 0.06 отсто на 2.974 поени./крај/ро/мф/сн