Економија
Струјата поскапува за седум отсто, парното за над 10 отсто (проширена верзија)
Цената на електричната енергија од 1-ви јануари 2012 година ќе биде зголемена најверојатно за 6,95 отсто, додека топлинската енергија ќе поскапи за 10,56 отсто.
Цената на електричната енергија од 1-ви јануари 2012 година ќе биде зголемена најверојатно за 6,95 отсто, додека топлинската енергија ќе поскапи за 10,56 отсто.Ова денеска на прес-конференција го соопшти претседателот на Регулаторната Комисија за Енергетика, Димитар Петров, додавајќи дека конечна одлука за поскапувањето на струјата и парното ќе биде донесена до крајот на неделата. Тој информираше дека енергетските компании го обжалиле предлогот за новите цени, истакнувајќи дека нивните барања ќе бидат разгледани во наредните денови. При тоа, не се исклучува можноста цената на електричната енергија да претрпи дополнителни нагорни корекции.Според предлогот на регулаторите, цената на електричната енергија по Нова година ќе се наплатува по 4,2725 денари за KWh, што е за 6,95 отсто повеќе од актуелната цена која изнесува 3,9948 денари за KWh.Регулаторите пресметале дека цената на услугите на ЕЛЕМ треба да се зголеми за 4,03 отсто, на МЕПСО за 14,14 отсто, а на ЕВН Македонија 9,64 отсто.Иванов појасни дека клучен фактор кој што придонесе за зголемување на цената на струјата е новиот закон за енергетика. „Генерално земено оперативните трошоци на сите компании се на ниво од минатата година , меѓутоа согласно законот за енергетика, мрежните оператори за прв пат годинава ги купуваат своите загуби на отворен пазар“, рече Иванов.Првиот човек на РКЕ информираше дека цената на топлинската енергија за корисниците на Топлификација АД се зголемува за 10, 56 отсто, а за корисниците на Скопје Север 10,76, додека за корисниците на ЕЛЕМ енергетика останува непроменета.Она што е клучно при одредување на цената на топлинската енергија се трошоците за горивото, кои учествуваат со речиси 83 проценти од вкупните трошоци. Овие енергенси се увозни,цената зависи од движењата на берзите. Знаете дека цената на гасот поскапе за 19,6 отсто“, рече Петров.Ова е второ поскапување на цената на топлинската енергија за само два месеца, откако цената на парното на почетокот на ноември се зголеми за 8, 7 отсто /крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Претседавачот на ЕБА: Комбинацијата на мерки на Народната банка и останатите централни банки вродија со плод
Комбинацијата од монетарното затегнување и макропрудентните мерки, која Народната банка, како и останатите централни банки ја применија, е неопходна како одговор на инфлациските притисоци со кои во последно време се соочуваме, посочи во интервју за “Независен”, Хозе Мануел Кампа, претседавач на Европскиот банкарски одбор-ЕБА.
Претседавачот Кампа истакнува дека централните банки ширум светот, вклучително и во ЕУ, го усвоија овој двоен пристап за да обезбедат финансиска стабилност. “Преку покачувањето на каматните стапки, централните банки директно се соочуваат со инфлацијата, додека макропрудентните мерки, како што е зголемувањето на капиталните побарувања или стрес-тестирањето, им помагаат на банките да останат отпорни во соочувањето со економските шокови”, вели Кампа и нагласува дека треба да се постави рамнотежа помеѓу одржувањето на ценовната стабилност и гаранциите дека банкарскиот сектор може соодветно да ги поддржи нашите економии. “Макропрудентните мерки се гаранција дека банките имаат доволно капитал да ги апсорбираат загубите од нефункционалните кредити и да го одржат кредитниот тек, кој што е клучен за економското закрепнување”, вели Кампа.
Претседавачот на ЕБА истакнува дека воведените мерки вродија со плод бидејќи видовме пад на инфлацијата под таргетот од 2% во ЕУ. “Иако ова е позитивен знак, сепак мора да останеме внимателни. ЕБА продолжува тесно да соработува со централните банки и државните органи за да го процени влијанието на овие мерки и да се осигура дека банкарскиот сектор останува истовремено отпорен и способен да ја поддржи пошироката економија”, посочува Кампа.
Европскиот банкарски одбор (ЕБА – European banking authority), е независен орган на ЕУ чија улога е заштита на интегритетот и робусноста на банкарскиот сектор на ЕУ за поддршка на финансиската стабилност во ЕУ. Претседавачот на ЕБА, Хозе Мануел Кампа, беше учесник на Десеттата меѓународна конференција на Народната банка, која како централна тема ја имаше работата на централните банки во сегашниот предизвикувачки амбиент.
Економија
Претставници на Народната банка работеа на клучно истражување за македонската економија објавено од ММФ
Како резултат на заедничкиот проект на експерти од Народната банка и од Чешката централна банка, изготвен е работен материјал, под наслов „Преглед на новиот калибриран модел ДСГЕ за економијата на Северна Македонија“, од авторите Тибор Хледик, Јоана Маџоска, Мите Митески и Јан Влчек, којшто беше објавен во реномираната серија работни материјали на ММФ. Изготвувањето на трудот е во рамките на проект за техничка соработка со експерти од ММФ и од Чешката народна банка, чијашто цел беше изградба на нов динамички стохастички модел на општа рамнотежа (ДГСЕ) за македонската економија. Ова претставува прв труд од нашата институција којшто се објавува како работен материјал на ММФ, со што се дава важен придонес во афирмирањето на Народната банка во меѓународни рамки и во јакнењето на нејзината аналитичка инфраструктура, доближувајќи ја до стандардите на централните банки од развиените економии.
Работниот материјал нуди детална анализа на меѓусебните поврзаности на секторите во македонската економија со примена на софистицираниот модел ДСГЕ, којшто беше приспособен соодветно за да ги опфати нејзините карактеристики, а добиените резултати ја нагласуваат неговата корисност како алатка за обликување на монетарната политика на Народната банка засновано на информации.
Овој објавен труд не само што ја истакнува работата и посветеноста на нашиот кадар, туку ја подвлекува и улогата на нашата институција како водечка во придонесот кон истражувањата од економската област во нашата држава.
Економија
Цените на бензините и на дизелот остануваат непроменети
Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,59% во однос на одлуката од 7.10.2024 година.
Од 11.10.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,50 (денари/литар)
Моторен бензин ЕУРОСУПЕР БС – 98 77,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,034 (денари/килограм)
Малопродажната цена на Мазутот М-1 НС се зголемува за 1,254 ден/кг и сега ќе изнесува 44,034 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,37%, кај дизелот зголемувањето е за 3,192%, кај екстра лесното масло исто има зголемувањето од 3,675% и кај мазутот зголемувањето за 3,034%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8091%.